ആന നമ്മുക്ക് ആവേശമാണെങ്കില്‍ സിംബാബ്‌വെകാര്‍ക്ക് വായില്‍ കൊതിയൂറും വിഭവം. സിംബാബ്‌വെ പ്രസിഡന്റ് റോബര്‍ട്ട് മുഗാബെയുടെ തൊണ്ണൂറ്റിയൊന്നാം പിറന്നാളാഘോഷിക്കാന്‍ ഒരുക്കിയ രാജകീയ വിരുന്നില്‍തീന്‍ മേശയില്‍ നിരന്നത് ആനയിറച്ചി. ഒരാനയെ വെടിവച്ചുകൊന്നു കറിവച്ചാണ് 20,000 പാര്‍ട്ടി പ്രവര്‍ത്തകര്‍ക്കു വിളമ്പിയത്. രണ്ടാമതൊരാനകൂടി വിധി കാത്തു നില്‍പുണ്ട്. നാട്ടുകാര്‍ക്കുള്ള പിറന്നാള്‍ വിരുന്നില്‍ വിളമ്പാനാണത്. ആനയിറച്ചി മാത്രമല്ല മുതല പൊരിച്ചതുമുണ്ട് വിഭവത്തില്‍. എന്നാലുംആന തന്നെയാണ് സ്‌പെഷല്‍.
അതിമനോഹരമായ വിക്‌ടോറിയ വെള്ളച്ചാട്ടത്തിനു സമീപത്തെ ആഡംബര റിസോര്‍ട്ടിലായിരുന്നു പാര്‍ട്ടി പ്രവര്‍ത്തകര്‍ക്കായി പത്തുലക്ഷം ഡോളറിന്റെ (ഏകദേശ6.2 കോടി രൂപ)സല്‍ക്കാരം.
പട്ടിണിപ്പാവങ്ങളുടെ നാട്ടില്‍ പ്രസിഡന്റ് കാശുവാരിയെറിഞ്ഞു പിറന്നാളാഘോഷം നടത്തിയതു വിമര്‍ശകര്‍ക്കും വിരുന്നായിട്ടുണ്ട്.കഴിഞ്ഞ 35 കൊല്ലമായി പ്രസിഡന്റ് സ്ഥാനത്തു തുടരുന്ന പഴയ സ്വാതന്ത്ര്യസമരനായകന്‍ അധികാരം വിടുന്ന മട്ടില്ലെന്നാണു നിരീക്ഷകര്‍ പറയുന്നത്. 2018ല്‍ ആണു മുഗാബെയുടെ ഔദ്യോഗിക കാലാവധിഅവസാനിക്കുക.
വന്യജീവി ഫാം നടത്തുന്നആളാണ് രണ്ടാനകളെയും മുഗാബെയ്ക്കു സംഭാവന ചെയ്തത്. വിരുന്നിനു കശാപ്പുചെയ്യാന്‍ ഇയാള്‍ ഒരു സിംഹത്തെയും മുതലയെയും ഒരുപറ്റം ഇംപാല മാനുകളെയും കൂടി സൗജന്യമായി നല്‍കിയിരുന്നു. രണ്ടു മന്ത്രിസഭാംഗങ്ങളുടെ വകയായി 40 പശുക്കളെയും കിട്ടി. അങ്ങനെ തന്റെ താണ്ണൂറ്റിയൊന്നാം പിറന്നാളിന്റെ ലഹരിയിലാണ് മുഗാബെ.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha