തമിഴ്നാടിന് വിനയായത് തബ് ലീഗുകാര്; പുതിയ 74 കൊവിഡ് കേസുകളില് 73 പേരും നിസാമുദ്ദീനില് നിന്നെത്തിയവര്; തലയില് കൈവച്ച് തമിഴ് ജനത; സ്ഥിതി അതീവ ഗുരുതരം
ഇന്നലെ തമിഴ്നാട്ടില് കൊവിഡ് ബാധിച്ച് തമിഴ്നാട്ടില് ഒരാള്ക്കൂടി മരിച്ചു. തേനി സ്വദേശിയായ 53 വയസ്സുള്ള ഒരു സ്ത്രീയാണ് മരിച്ചത്. മരിച്ച സ്ത്രീയുടെ ബന്ധു നിസാമുദ്ദീനിലെ സമ്മേളനത്തില് പങ്കെടുത്തിരുന്നു എന്നാണ് പ്രാധമിക റിപ്പോര്ട്ട്. ഇയാള് തമിഴ്നാട്ടില് മടങ്ങിയെത്തിയെന്നാണ് വിവരം. ഇതോടെ ഇന്നുമാത്രം തമിഴ്നാട്ടില് മരിച്ചവരുടെ എണ്ണം രണ്ടായി. വില്ലുപുരം സ്കൂള് ഹെഡ്മാസ്റ്റര് അബ്ദുള് റഹ്മാനാണ് കൊവിഡ് ബാധിച്ച് ഇന്ന് മരിച്ച മറ്റൊരാള്. ഇയാള് തബ്ലീഗ് സമ്മേളനത്തില് പങ്കെടുത്ത് മടങ്ങിയ ആളാണ്. കൊവിഡ് ബാധിച്ച് തമിഴ്നാട്ടില് ഇതുവരെ മരിച്ചവരുടെ എണ്ണം മൂന്നായി.
നിരവധി പേരിലേക്ക് രോഗം ഇതിനോടകംതന്നെ പടര്ന്നിരിക്കാമെന്നാണ് കണക്കുകൂട്ടുന്നത് അതിനിടെ തമിഴ്നാട്ടില് 74 പേര്ക്ക് കൂടി കൊവിഡ് സ്ഥിരീകരിച്ചു. ഇതില് 73 പേരും നിസാമുദ്ദീനില് നിന്ന് മടങ്ങിയെത്തിവരാണ്. ഇതോടെ തമിഴ്നാട്ടില് കൊവിഡ് ബാധിതരുടെ എണ്ണം 485 ആയി. കൊവിഡ് പ്രതിരോധത്തിന് കടുത്ത വെല്ലുവിളി ആവുകയാണ് നിസ്സാമുദ്ദിനീല് നിന്നെത്തിയവരുടെ നീണ്ട സമ്പര്ക്ക പട്ടിക. ഇതുവരെ കൊവിഡ് സ്ഥിരീകരിച്ച 485 പേരില് 437 ഉം തബ്ലീഗ് സമ്മേളനത്തില് പങ്കെടുത്തവരാണ്. കണ്ടെയ്ന്മെന്റ് പദ്ധതിയുടെ ഭാഗമായി തിരിച്ചറിയുന്നവരുടെ സമീപത്തെ എല്ലാ വീടുകളിലും പരിശോധന വിപുലപ്പെടുത്തിയിരിക്കുകയാണ് ആരോഗ്യവകുപ്പ്. ആവശ്യസാധനങ്ങളുടെ വില്പ്പന സമയം വെട്ടിചുരുക്കി.അതേസമയം നിയന്ത്രണങ്ങള് മറികടന്ന് തെങ്കാശിയില് പ്രാര്ത്ഥനാ ചടങ്ങിലെത്തിയ 300 ലധികം പേരെ പൊലീസ് ലാത്തിവീശി പിരിച്ചുവിട്ടു. നിയന്ത്രണങ്ങള് മറികടന്ന് പ്രാര്ത്ഥനാ ചടങ്ങില് പങ്കെടുത്തവര്ക്കെതിരെ പൊലീസ് കേസെടുത്തിട്ടുണ്ട്. 300 പേര്ക്കെതിരെയാണ് കേസെടുത്തത്.
രാജ്യത്ത് കൊവിഡ് ബാധിച്ച് മരിച്ചവരുടെ എണ്ണം 75 ആയി. 3072 പേര്ക്കാണ് രോഗം സ്ഥിരീകരിച്ചത്. നിസ്സാമുദ്ദീനിലെ മത സമ്മേളനത്തില് പങ്കെടുത്ത 1023 പേര്ക്ക് കൊവിഡ് സ്ഥിരീകരിച്ചതായി കേന്ദ്ര ആരോഗ്യ മന്ത്രാലയം അറിയിച്ചു. അടിയന്തിര സാഹചര്യം നേരിടാന് രൂപീകരിച്ച സമിതിയോഗം വിളിച്ച പ്രധാനമന്ത്രി പ്രതിരോധ സാമഗ്രികളുടെ ലഭ്യത വിലയിരുത്തി. കഴിഞ്ഞ ഒരാഴ്ചയ്ക്കിടെ കൊവിഡ് രോഗികളുടെ എണ്ണത്തില് വലിയ വര്ധനയാണുണ്ടായത്. 17 സംസ്ഥാനങ്ങളില് ആണ് ഇത് വരെ നിസാമുദ്ദീന് തബ്ലീഗ് മത സമ്മേളനത്തില് പങ്കെടുത്തതുമായി ബന്ധപ്പെട്ട് കൊവിഡ് കേസുകള് റിപ്പോര്ട്ട് ചെയ്തതെന്ന് ആരോഗ്യമന്ത്രാലയം പുറത്തുവിട്ട കണക്കുകള് വ്യക്തമാക്കുന്നു.
https://www.facebook.com/Malayalivartha