എന്തിനീ ക്രൂരത, മൂന്നു മാസം പ്രായമുള്ള കുഞ്ഞിനെ അമ്മ കഴുത്തറുത്ത് കൊന്നു
ഇരുപതുകാരിയായ അമ്മയാണ് മൂന്ന് മാസം മാത്രം പ്രായമുള്ള സ്വന്തം കുഞ്ഞിനെ കഴുത്തറുത്ത് കൊന്നത്. അമേരിക്കയിലാണ് ഈ ക്രൂരകൃത്യം നടന്നിരിക്കുന്നത്. ഓഹിയോവിലെ കോളെജ് ഹില്ലിലെ വീട്ടില് വച്ചാണ് ഇരുപതുകാരിയായ ഡിസിയ വാട്കിന്സ് സ്വന്തം കുഞ്ഞിനെ കൊലപ്പെടുത്തിയത്. കുഞ്ഞിന്റെ മുഖത്ത് കത്തി കൊണ്ട് കുത്തിയതിന്റെ പാടുകളുണ്ടെന്ന് പോലീസ് പറഞ്ഞു. കൊലപാതക കുറ്റം ചുമത്തി വാട്കിന്സിനെ പൊലീസ് അറസ്റ്റ് ചെയ്തു. സംഭവം അറിഞ്ഞ് പോലീസ് വീട്ടിലെത്തുമ്പോള് വാട്കിന്സ് മരിച്ച കുഞ്ഞിനൊടൊപ്പം തന്നെയുണ്ടായിരുന്നു. വാട്കിന്സിന് മാനസിക പ്രശ്നമുണ്ടൊയെന്ന് പരിശോധിക്കുന്നുണ്ടെന്നും പോലീസ് പറഞ്ഞു.
കുഞ്ഞിന്റെ അമ്മയെ പരിശോധിക്കാനായി പൊലീസ് യുണിവേഴ്സിറ്റി ഓഫ് സിന്സിനറ്റി മെഡിക്കല് സെന്ററിലേക്കു കൊണ്ടു പോയതായാണ് വിവരം. ഡിസംബര് മാസമാണ് ഇവര് കുഞ്ഞിന് ജന്മം നല്കിയത്. എന്നാല് കുഞ്ഞിന് ജന്മം നല്കിയ ശേഷം ഇവര് മാനസിക രോഗിയായി മാറിയിരുന്നുവെന്നും ബന്ധുക്കള് പറഞ്ഞു. ഇതിനെ തുടര്ന്ന് കുഞ്ഞ് മറ്റൊരാളുടെ താല്ക്കാലിക സംരക്ഷണത്തിലായിരുന്നു. മാനസിക പ്രശ്നങ്ങളെ തുടര്ന്ന് മാര്ച്ച് ആറിന് വാട്കിന്സിനെ ആശുപത്രിയില് പ്രവേശിപ്പിച്ചപ്പോള് കുഞ്ഞിന്റെ സംരക്ഷണം ഹാമില്ട്ടണ് കൗണ്ടി ഫാമിലി സര്വീസിനോട് ഏറ്റെടുക്കാന് ജുവനൈല് കോടതി ഉത്തരവിട്ടിരുന്നു. എന്നാല് മനോരോഗിയായ വാട്കിന്സില് നിന്നും കുഞ്ഞിനെ സംരക്ഷിക്കുന്നതില് ഹാമില്ട്ടണ് കൗണ്ടി ജോബ് ആന്ഡ് ഫാമിലി സര്വീസ് പരാജയപ്പെട്ടെന്ന് കുടുംബം ആരോപിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha