മോഹൻലാൽ അവതാരകനായി എത്തിയ ബിഗ്ഗ്‌ബോസ് ഷോ രണ്ടാം ഭാഗം കോവിഡ് 19 നെ തുടർന്ന് കഴിഞ്ഞ മാസമാണ് അവസാനിപ്പിക്കേണ്ടി വന്നത്. മത്സരാർത്ഥികളെല്ലാം പുറത്തെത്തിയതോടെ താരങ്ങളുടെ വിശേഷങ്ങൾ അറിയാൻ കാത്തിരിക്കുകയാണ് ആരാധകർ. ബിഗ്‌ബോസ് ഷോയിലെ ശക്തനായ മത്സരാർഥിയായിരുന്നു രജിത്കുമാർ. എറ്റവും കൂടുതൽ ആരാധകരുള്ള താരം ഷോയിൽ നിന്നും പുറത്തായപ്പോൾ ഉണ്ടായ പുകിലൊന്നും ചെറുതല്ലായിരുന്നു. ഇപ്പോഴിതാ ബിഗ് ബോസ് ഷോയ്ക്ക് പിന്നാലെ വീണ്ടും മിനി സ്‌ക്രീനിലെത്തിയിരിക്കുകയാണ് ഡോ. രജിത് കുമാര്‍. വീണ്ടും ചില വീട്ടുവിശേഷങ്ങള്‍ എന്ന പരിപാടിയിലാണ് താരം എത്തിയിരിക്കുന്നത്.

ടിനി ടോം, ജഗദീഷ്, ബിജുക്കുട്ടന്‍, പ്രജോദ്, രജിത് കുമാര്‍ ഇവരായിരുന്നു കഴിഞ്ഞ ദിവസത്തെ എപ്പിസോഡില്‍ പങ്കെടുത്തത്. ബിഗ് ബോസ് വിശേഷങ്ങളെക്കുറിച്ചും തന്നെക്കുറിച്ചുള്ള തെറ്റിദ്ധാരണയെക്കുറിച്ചുമൊക്കെയായിരുന്നു രജിത് കുമാര്‍ സംസാരിച്ചത്. എന്നാല്‍ ബിഗ് ബോസിന്‍റെ സ്ഥിരം പ്രേക്ഷകരിലൊരാളാണ് താനെ ന്ന് പറഞ്ഞായിരുന്നു ടിനി ടോം തുടങ്ങിയത്. ഒപ്പം ഏഷ്യാനെറ്റ് ഫിലിം അവാര്‍ഡ്സില്‍ ബിഗ് ബോസിന്‍രെ സ്പൂഫ് ചെയ്തിരുന്നു.

അന്ന് രജിത് കുമാറിനെ അവതരിപ്പിച്ചത് പ്രജോദായിരുന്നു. ഞങ്ങളത് തമാശയ്ക്ക് ചെയ്തതാണ് ഈ സംഭവത്തിന് ശേഷം സോഷ്യല്‍ മീഡിയയിലൂടെ നിരവധി പേരാണ് തങ്ങളെ തെറിവിളിച്ചതെന്നും അതൊന്ന് അവസാനിപ്പിക്കാനായി സാര്‍ അവരോട് പറയണമെന്നുമായിരുന്നു ടിനി ടോം പറഞ്ഞത്. എന്നാല്‍ ടിനി ടോമിന് ഉടന്‍ തന്നെ കലക്കന്‍ മറുപടിയാണ് ടിനി ടോം നല്‍കിയത്. നിരവധി പേരാണ് രജിത് കുമാറിന്റെ വാക്കുകള്‍ ഏറ്റെടുത്തിരിക്കുന്നത്.

രജിത് കുമാറിന്റെ വാക്കുകാലിലൂടെ...

അവരോട് അത് പറയണം എന്ന് പറഞ്ഞ ടിനിയോട് എനിക്ക് ദുഃഖം ഉണ്ട്. കാരണം എന്താണ് എന്നറിയോ ടിനി, എന്റെ പോക്കറ്റിലെ ഒരുപാട് പൈസ ടിനിയും പ്രജോദും, ബിജുക്കുട്ടനും ഒക്കെ കൊണ്ട് പോയിട്ടുണ്ട്. നിങ്ങളില്‍ പലരും ഒക്കെ കൊണ്ട് പോയിട്ടുണ്ട്. പ്രേക്ഷകരാണ് നിങ്ങളുടെ ബലം. മാത്രമല്ല രജിത് ആര്‍മി, എന്റെ പട്ടാളക്കാര്‍ എന്ന് പറയുന്നതിനേക്കാളും ഉപരി എന്നെ സംബന്ധിച്ചിടത്തോളം രണ്ടുവയസ്സുമുതല്‍, തൊണ്ണൂറു വയസുകഴിഞ്ഞ ആളുകള്‍ വരെ എന്നെ സ്നേഹിക്കുന്നു എന്നറിഞ്ഞതില്‍ ആണ് സന്തോഷം'
അവര്‍ രജിത് എന്ന പച്ചയായ മനുഷ്യനെ സ്നേഹിക്കുകയാണ്. അപ്പോള്‍ അവര്‍ അവരുടെ വികാരങ്ങള്‍ പ്രകടിപ്പിക്കുന്നു. രജിത്ത് എന്ന സാധരണ മനുഷ്യന്‍ ലോകമലയാളികളുടെ ഹൃദയത്തിലേക്ക് ഞാന്‍ ഇടിച്ചു കയറിയതല്ല അവര്‍ എന്നെ കയറ്റിയതാണ്. അവര്‍ എന്നെ അത്രയും സ്‌നേഹിക്കുമ്ബോള്‍ ഹാസ്യാത്മകമായിട്ടാണ് എങ്കിലും എന്നെ മോശക്കാരന്‍ ആക്കുന്നത് അവര്‍ക്ക് സഹിക്കില്ല. അത് അവര്‍ പ്രകടിപ്പിക്കുന്നു. അവരോട് സ്നേഹത്തോടെ ടിനിയ്ക്ക് കാര്യങ്ങള്‍ പറഞ്ഞു മനസിലാക്കാമായിരുന്നു. അതല്ല ടിനിക്ക് വിഷമം ആയിട്ടുണ്ടെങ്കില്‍ താന്‍ ഈ അവസരം മാപ്പ് ചോദിക്കുന്നുവെന്നുമായിരുന്നു രജിത് കുമാര്‍ നല്‍കിയ മറുപടി.