മോഹൻലാൽ അവതാരകനായി എത്തിയ ബിഗ്ഗ്‌ബോസ് ഷോ രണ്ടാം ഭാഗം കോവിഡ് 19 നെ തുടർന്ന് കഴിഞ്ഞ മാസമാണ് അവസാനിപ്പിക്കേണ്ടി വന്നത്. മത്സരാർത്ഥികളെല്ലാം പുറത്തെത്തിയതോടെ താരങ്ങളുടെ വിശേഷങ്ങൾ അറിയാൻ കാത്തിരിക്കുകയാണ് ആരാധകർ. ഷോയിലെ എറ്റവും കൂടുതൽ ചർച്ച വിഷയമായി മാറിയ താരമാണ് ദയ അശ്വതി.സോഷ്യല്‍ മീഡിയയില്‍ സജീവമായ താരം ഷോയ്ക്ക് പുറത്ത് വന്നതിനു ശേഷം പങ്കുവയ്ക്കുന്ന ചിത്രങ്ങളാണ് ഇപ്പോൾ വൈറലായി മാറുന്നത്.

തനിക്ക് ഭര്‍ത്താവും രണ്ട് കുട്ടികളുമുണ്ടെന്നും, എന്നാലിപ്പോള്‍ അവര്‍ തന്റെ കൂടെ ഇല്ലെന്നുമൊക്കെ ദയ ഷോയില്‍ പറഞ്ഞിരുന്നു. അതിനു ശേഷം മുല്ലപൂവ് ചൂടി, സിന്ദൂരവും താലിയുമൊക്കെ ഇട്ട് നില്‍ക്കുന്ന ദയയുടെ ഫോട്ടോസും വീഡിയോസുമൊക്കെ താരത്തിന്റെ വിവാഹം കഴിഞ്ഞു എന്ന തരത്തിലുള്ള ചര്‍ച്ചകള്‍ക്ക് വഴിവച്ചു.

ഇത്തരം സംശയങ്ങള്‍ക്ക് മറുപടിയുമായി ദയ രംഗത്ത് എത്തുകയും ചെയ്തിരുന്നു. കഴിഞ്ഞ ദിവസം താന്‍ ഉടന്‍ വിവാഹിതയാവുമെന്ന കാര്യവും ദയ വെളിപ്പെടുത്തി. ഇപ്പോഴിതാ ഫേസ്ബുക്കിലൂടെ പങ്കുവെച്ചൊരു ചിത്രം കണ്ടതോടെ ഇതാണോ വിവാഹം കഴിക്കാന്‍ പോകുന്ന ആള്‍ എന്നുള്ള തരത്തില്‍ ചോദ്യങ്ങള്‍ ഉയരുകയാണ്.

ഒരു യുവാവിനൊപ്പം നില്‍ക്കുന്നൊരു ഫോട്ടോയായിരുന്നു താരം പങ്കുവച്ചത്. ചിത്രത്തിന് ക്യാപ്ഷന്‍ ഒന്നും ഇട്ടിട്ടില്ലാത്തത് കൊണ്ട് പലതരത്തിലുള്ള കമന്റുകളാണ് വരുന്നത്. ഇന്നലെ പങ്കുവെച്ച മകന്റെ ചിത്രവും ഇതും കണ്ടാല്‍ അമ്മയും മകനെയും പോലെയുണ്ടെന്നായിരുന്നു കൂടുതല്‍ പേരും കമന്റിട്ടത്. ഇതാണല്ലേ മകന്‍ എന്ന് ചോദിക്കുന്നവരോട് ദയ മറുപടി കൊടുത്തിട്ടില്ല. എന്നാല്‍ വിവാഹക്കാര്യം പറഞ്ഞത് കൊണ്ട് കല്യാണം കഴിക്കാന്‍ പോകുന്ന ആള്‍ ഇതാണോ എന്ന സംശയവും ചിലര്‍ ചോദിക്കുന്നുണ്ട്. പുതിയ ചിത്രത്തിന് താഴെയുള്ള കമന്റുകളോടൊന്നും ദയ പ്രതികരിച്ചിട്ടില്ല

അതേസമയം കഴിഞ്ഞ ദിവസം തന്റെ മുൻ ഭർത്താവിന്റെ വീട്ടിൽ നിന്നപ്പോഴുണ്ടായ അവസ്ഥ വിവരിച്ച്കൊണ്ട് താരം എത്തിയിരുന്നു. മകനും ഒപ്പമുള്ള ഒരു ചിത്രം പങ്കുവെച്ച് കൊണ്ടായിരുന്നു താരത്തിന്റെ വെളിപ്പെടുത്തൽ. ആ പോസ്റ്റ് ഇങ്ങനെയായിരുന്നു... 'വളരെയധികം വിഷമത്തോടെയാണ് ഈ ഫോട്ടോ ഞാന്‍ ഇവിടെ പോസ്റ്റ് ചെയ്യുന്നത്.

ഈ ഫോട്ടോയില്‍ കാണുന്നത് ഇന്ന് നിങ്ങള്‍ കാണുന്ന ദയ അച്ചുവാണ് ഈ ഫോട്ടോയില്‍ എടുത്തപ്പോള്‍ എനിക്ക്‌വയസ്സ്, 19 ,16- വയസ്സില്‍ വിവാഹം കഴിഞ്ഞു പോയ ആളേ അല്ലായിരുന്നു ഞാന്‍ ഒത്തിരി ക്ഷീണിച്ചു പട്ടിണിയും വിശപ്പും ഞാന്‍ എന്റെ ഭര്‍ത്താവിന്റെ വീട്ടില്‍ നിന്നും അനുഭവിച്ചതിന് കണക്കില്ലെന്നും' ദയ സോഷ്യല്‍ മീഡിയയില്‍ പങ്കുവച്ച കുറിപ്പില്‍ പറയുന്നു.

അതേസമയം കൊറോണയുടെ പ്രശ്നം കഴിഞ്ഞാൽ തന്റെ വിവാഹം ഉടൻ ഉണ്ടാകുമെന്ന വെളിപ്പെടുത്തൽ നടത്തിയതും താരം തന്നെയായിരുന്നു. കഴിഞ്ഞ ദിവസം ദയ ഒരു സെല്‍ഫി ചിത്രം പങ്കുവച്ചിരുന്നു. അതിനു താഴെ നിരവധി പേര്‍ ബിഗ്‌ ബോസിലെ സഹതാരമായ രജിത്തിനെ കുറിച്ച്‌ ചോദിച്ച്‌ എത്തിയിരുന്നു. രജിത്തിനെ തന്റെ അച്ഛനെ പോലെയാണ് കാണുന്നതെന്ന് ദയ മറുപടി കൊടുത്തിരുന്നു.

എന്നാല്‍ അച്ഛനെ പോലെ കാണുന്ന ആളോട് കയര്‍ത്ത് സംസാരിക്കാമോ? എന്നൊക്കെ പറഞ്ഞ് ദയയെ വിമര്‍ശിച്ച്‌ ഒരുപാട് പേര്‍ എത്തി. ഇതിലൊന്നും മാഷ് വീഴില്ല, മാറ്റി പിടിക്ക് എന്നായിരുന്നു ഒരാളുടെ കമന്റ്. ഇതിന് താഴെ വീണ്ടും മാഷ് തനിക്ക് അച്ഛനെ പോലെയാണെന്ന് ദയ പറയുന്നു.

മാത്രമല്ല അധികം വൈകാതെ താന്‍ വിവാഹിതയാവുമെന്ന കാര്യവും വെളിപ്പെടുത്തിയിരിക്കുകയാണ്. 'എന്റെ അമ്മയും ഞാനും തമ്മില്‍ 15 വയസ്സിനു മാത്രം വ്യത്യാസമേ ഉള്ളു. അപ്പോ 20 വയസു വ്യത്യാസമുള്ള മാഷ് എന്റെ അമ്മയെക്കാള്‍ 5 വയസ്സിന് മൂത്തതാണ്. എന്റെ അമ്മയുടെ അനുജത്തിയുടെ ഭര്‍ത്താവിന് 48 വയസ്സ് ഉണ്ട് അവരേപ്പോലും ഞാന്‍ എന്റെ അച്ഛനെ പോലെയാണ് കാണുന്നത്.

പിന്നെ എന്തിനാണ് ഇങ്ങനെ പറയുന്നത് കഷ്ട്ടം. എന്നും എപ്പോഴും എനിക്ക് ഒരു അച്ഛന്റെ സ്ഥാനം മാത്രം തന്നെ ആയിരിക്കും മാഷ്. ഇഷ്ട്ടത്തിന് ഒരര്‍ത്ഥം മാത്രം കാണരുത് എനിക്ക് മാഷിനെ എന്റെ അച്ഛനായി കാണാന്നാണ് ഇഷ്ട്ടം. എന്റെ വിവാഹം ഉടന്‍ ഉണ്ടാവും തീര്‍ച്ചയായും മാഷിനെ ഞാന്‍ വിളിക്കും'. എന്നുമാണ് ദയ പറയുന്നത്.

പാലക്കാട് സ്വദേശിനിയായ ദയ വിവാഹിതയും രണ്ട് കുട്ടികളുടെ അമ്മയുമാണ്. എന്നാല്‍ ഈ ബന്ധം വേര്‍പിരിഞ്ഞ് കഴിയുകയായിരുന്നു. പതിനാറ് വയസുള്ളപ്പോഴായിരുന്നു താന്‍ വിവാഹിതയായാതെന്നും അഞ്ച് വര്‍ഷം നീണ്ട ദാമ്ബത്യജീവിതം അവസാനിച്ചുവെന്നും താരം മുന്പ് പങ്കുവച്ചിരുന്നു. മക്കള്‍ രണ്ട് പേരും ഭര്‍ത്താവിനൊപ്പമാണ്. സിനിമകളില്‍ സൈഡ് ആര്‍ട്ടിസ്റ്റായി ജോലി ചെയ്തിട്ടുള്ള ദയ ബ്യൂട്ടീഷ്യന്‍ കോഴ്‌സ് പഠിച്ച്‌ ബഹ്‌റൈനില്‍ ജോലി ചെയ്ത് വരികയായിരുന്നു.