സുമനസ്സുകളുടെ കാരുണ്യം ശ്രീകാന്തിനും കുടുംബത്തിനും വെളിച്ചമേകി!
മുക്കം കൊടിയത്തൂര്‍ പഞ്ചായത്തിലെ പന്നിക്കോട് സ്വദേശി എടപ്പറ്റ ശ്രീകാന്തിന്റെയും കുടുംബത്തിന്റെയും ദയനീയാവസ്ഥ ഇന്നലെ വാര്‍ത്തയായതോടെ
സന്നദ്ധസംഘടനകള്‍ വീട്ടിലെത്തി. ടാര്‍പായ കൊണ്ട് മറച്ചുണ്ടാക്കിയ ഒറ്റമുറി കൂരയില്‍ നിന്നു മോചനം നല്‍കി വീട് നിര്‍മിച്ചു നല്‍കുമെന്ന വാഗ്ദാനവുമായി ജനമൈത്രി പൊലീസും വിവിധ സംഘടനകളും രംഗത്തെത്തി.
15 വര്‍ഷമായി ശ്രീകാന്തും കുടുംബവും ചോര്‍ന്നൊലിക്കുന്ന ടാര്‍പായ കൊണ്ട് മറച്ചുണ്ടാക്കിയ ഒറ്റമുറി കൂരയിലാണ് കഴിയുന്നത്. ഇന്നലെ രാവിലെയാണ് വൈദ്യുതി കണക്ഷനുള്ള അപേക്ഷ ശ്രീകാന്തിന്റെ മാതാവ് സമര്‍പ്പിച്ചത്. വയറിങ്ങും വൈദ്യുതി കണക്ഷന് ആവശ്യമായ രേഖകളും വെല്‍ഫെയര്‍ പാര്‍ട്ടി പ്രവര്‍ത്തകര്‍ ഏറ്റെടുത്ത് നടത്തി വൈകിട്ട് 3-നകം വീട്ടില്‍ വൈദ്യുതി എത്തി.
യൂത്ത് കോണ്‍ഗ്രസ് കൊടിയത്തൂര്‍ മണ്ഡലം കമ്മിറ്റി ടെലിവിഷനും കേബിള്‍ കണക്ഷനും ലഭ്യമാക്കി. മുക്കത്തെ അഗ്രികള്‍ച്ചറിസ്റ്റ് വര്‍ക്കേഴ്‌സ് ഡവലപ്‌മെന്റ് ആന്‍ഡ് വെല്‍ഫെയര്‍ കോ ഓപ്പറേറ്റീവ് സൊസൈറ്റി 2 കുട്ടികളുടെ പഠനത്തിനുള്ള സ്മാര്‍ട് ഫോണുകളും ലഭ്യമാക്കി.
https://www.facebook.com/Malayalivartha
