കേരളാ പോലീസിനെ സ്ത്രീകള് കല്ലെഞ്ഞ് ഓടിച്ചു... കള്ളന്മാരെ പിടിക്കാനായി കള്ളന്മാരുടെ ഗ്രാമത്തില് പോയ പോലീസ് ജീവനും കൊണ്ട് ഓടി രക്ഷപ്പെട്ടു
കേരള പോലീസിന്റെ വീര്യം കള്ളന്മാരുടെ ഗ്രാമത്തില് ചോര്ന്ന് പോയി. മുത്തൂറ്റ് കൊള്ളയടിച്ച ഝാര്ഖണ്ടിലെ കള്ളന്മാര്ക്ക് മുമ്പില് കേരളാ പൊലീസ് തോറ്റോടി. 50 ലക്ഷം രൂപയുടെ സ്വര്ണവും ഒന്നര ലക്ഷം രൂപയുമാണ് കോവളം ശാഖയില് നിന്നു കവര്ച്ച ചെയ്തത്.
മുത്തൂറ്റ് കോവളം ശാഖയില് നിന്നും കവര്ച്ച നടത്തി മുങ്ങിയ 13 അംഗ സംഘത്തെ കണ്ടെത്തിയിട്ടും പിടിക്കാന് സാധിക്കാതിരിക്കുകയാണ് കേരളാ പൊലീസ്. പിടികൂടാനായി കള്ളന്മാര് തങ്ങുന്ന കോളനിയില് എത്തിയപ്പോള് അവിടെ നിന്നും സ്ത്രീകള് കല്ലെറിഞ്ഞ് ഓടിക്കുകയാണ് ചെയ്തത്. ഇതോടെ കള്ളന്മാരെ പിടിക്കാനുള്ള ദൗത്യം ഉപേക്ഷിച്ച് പൊലീസ് ഇന്ന് മടങ്ങിയെത്തും. കള്ളന്മാര്ക്കു കേരള പൊലീസിന്റെ നീക്കം ജാര്ഖണ്ഡ് പൊലീസ് ചോര്ത്തിക്കൊടുത്തതാണു പ്രതികളെ പിടിക്കാനുള്ള പദ്ധതി പാളിയത്.
കല്ലേറു കൊണ്ട് തിരിച്ചുവരേണ്ടി വന്നത് തിരിച്ചടിയല്ലെന്നും ബദല് മാര്ഗത്തിലൂടെ വൈകാതെ എല്ലാ കള്ളന്മാരെയും പിടികൂടുമെന്നു സിറ്റി പൊലീസ് കമ്മിഷണര് എച്ച്. വെങ്കിടേഷ് പറഞ്ഞു. സംഘത്തിലുള്പ്പെട്ട 13 പ്രതികളെയും കേരള പൊലീസ് തിരിച്ചറിഞ്ഞിട്ടുണ്ടെന്നും ഇവരുടെയെല്ലാം ചിത്രവും ലഭിച്ചിട്ടുണ്ടെന്നും കമ്മിഷണര് പറഞ്ഞു. ജാര്ഖണ്ഡ് നഗരത്തിലെ ഒരു കോളനിയില് ഇവര് കൂട്ടമായാണു താമസിക്കുന്നത്. പ്രതികളെ കണ്ടെത്തിയതോടെ ഇവരെ പിടിക്കാന് കമ്മിഷണര് തന്റെ ബാച്ചിലെ ഐപിഎസ് ഉദ്യോഗസ്ഥനായ ജാര്ഖണ്ഡ് ഡിഐജിയുമായി ബന്ധപ്പെട്ടു. തുടര്ന്നു കേരള പൊലീസിനു വേണ്ട എല്ലാ സഹായവും ചെയ്യാന് അദ്ദേഹം എസ്പിക്കു നിര്ദ്ദേശം നല്കി.
തമ്പാനൂര് സിഐ സുരേഷ് നായരുടെ നേതൃത്വത്തില് ഏഴംഗ സംഘമാണ് ഇവിടെ നിന്നു പോയത്. അവിടുത്തെ ലോക്കല് പൊലീസുമായി ഇവര് ബന്ധപ്പെട്ടു പിടികൂടേണ്ടവരുടെ വിവരം കൈമാറി. അതിനു ശേഷം അവിടുത്തെ ഏതാനും ലോക്കല് പൊലീസുമായി ചേര്ന്നാണു കോളനിയില് പോയത്. എന്നാല് പൊലീസ് എത്തുന്ന വിവരം മുന്കൂട്ടി അറിഞ്ഞ കോളനി നിവാസികള് സ്ത്രീകളെയും കുട്ടികളെയും മുന്നിലിറക്കി പ്രതിരോധിച്ചു. ബലപ്രയോഗത്തിനു വേണ്ട അംഗബലം പൊലീസിനുണ്ടായില്ല.
ആദ്യ തവണ മടങ്ങിയ ശേഷം രണ്ടാമതും ഈ ശ്രമം ആവര്ത്തിച്ചു. ലോക്കല് എസ്ഐ അവിടെ പോകരുതെന്നും പ്രതികളെ പിടിക്കാന് കഴിയില്ലെന്നും കേരള പൊലീസിനു മുന്നറിയിപ്പു നല്കിയിരുന്നു. അവര് അതു കേട്ടില്ല. അതിനിടെ വിവരം പ്രതികളുടെ കോളനിയിലെത്തി. രണ്ടാം വട്ടം ചെന്നപ്പോള് സ്ത്രീകളുടെ നേതൃത്വത്തില് പൊലീസിന് നേരെ കല്ലെറിയുകയായിരുന്നു. കല്ലേറ് സഹിക്കാന് വയ്യാത്ത അവസ്ഥയിലാണ് പൊലീസ് പിന്മാറിയതത്.
ഇനിയിപ്പോള് കോടതി വഴി പ്രതികളെ പിടികൂടാനാണു ശ്രമം. ഇവര്ക്കെതിരെ അറസ്റ്റ് വാറന്റ് വാങ്ങി ജാര്ഖണ്ഡ് പൊലീസിനു കൈമാറും. പിന്നീട് ഇവരെ പിടികൂടി ഹാജരാക്കേണ്ട ചുമതല അവര്ക്കു കൂടി വരും. ആ ശ്രമമാണു സിറ്റി പൊലീസ് നടത്തുന്നത്. മുന്പു തമിഴ്നാട്ടിലെ തിരുട നഗറില് കള്ളന്മാരെ തേടിപ്പോയ പൊലീസ് സംഘവും ഇതുപോലെ കല്ലേറും കൊണ്ട് ഓടിയതാണ്. അവിടെ ലോക്കല് പൊലീസിന്റെ പിന്തുണ ഇല്ലാത്തതായിരുന്നു പ്രശ്നം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha