കോവിഡിനൊപ്പം ജീവിക്കാം; ലോക്ഡൗണ് പ്രയോഗികമല്ലെന്ന് തിരിച്ചറിഞ്ഞ് ഇന്ത്യ; ആശ്വാസമാകുന്ന കണക്കുകള് ഇങ്ങനെ; കോവിഡ് മരണനിരക്ക് വളരെ കുറവ്; രോഗമുക്തി നേടുന്നവരുടെ എണ്ണം വളരെ കൂടുതല്; പ്രതിരോധശേഷി കൈവരിച്ചവര് 18 കോടി; ഭയപ്പെടാതെ, സാമൂഹിക അകലം പാലിച്ച്, മുന് കരുതലോടെ
ലോക്ഡൗണ് ജനജീവിതത്തെ ഇതിനോടകം തന്നെ സാരമായി ബാധിച്ചു കഴിഞ്ഞു. ഇനി ലോക്ഡൗണ് പ്രയോഗികമല്ലെന്ന് സര്ക്കാരും ജനതയും തിരിച്ചറിഞ്ഞിരിക്കുകയാണ്. അതുകൊണ്ടു തന്നെയാണ് ഇനിയും ലോക്ഡൗണ് അനുവദിക്കേണ്ടതില്ലെന്ന നിലപാടിലേക്ക് കേന്ദ്രസര്ക്കാര് എത്തിയത്. ഇതിന് പിന്നാലെ സമ്പൂര്ണ ലോക്ഡൗണ് ആവശ്യമില്ലെന്ന നിലപാടിലേക്ക് സംസ്ഥാന സര്ക്കാരുമെത്തി. എന്നാല് രോഗവ്യാപനം കൂടിയ പ്രദേശത്ത് ക്ലസ്റ്റര് തിരിച്ചുള്ള നിയന്ത്രണങ്ങള് തുടരുകയും ചെയ്യും. കോവിഡിനൊപ്പം ജീവിക്കണമെന്ന് ലോകാരോഗ്യ സംഘടന നേരത്തെ തന്നെ പറഞ്ഞിരുന്നു. കോവിഡിന്റെ വാക്സിന് വിപണിയില് എത്താന് 2021 ആകുമെന്ന് ഏകദേശം ഉറപ്പായ സ്ഥിതിക്ക് ഇത് അത്യാവശ്യവുമാണ്.
കോവിഡ് ബാധിച്ചു മരിക്കുന്നവരുടെ നിരക്ക് വളരെ കുറവാണെന്നുള്ളത് നമുക്ക് ആശ്വാസം നല്കുന്ന കാര്യമാണ്. ഇതിന് പുറമേ ഇന്ത്യയിലെ കോവിഡ് മരണനിരക്ക് 2.35 ശതമാനമായി കുത്തനെ കുറഞ്ഞതായി ആരോഗ്യ കുടുംബക്ഷേമ മന്ത്രാലയത്തിന്റെ കണക്കുകള് സൂചിപ്പിക്കുന്നുമുണ്ട്. ലോകത്തിലെ ഏറ്റവും താഴ്ന്ന മരണനിരക്കുകളിലൊന്നാണ് ഇന്ത്യയിലേതെന്നും കണക്കുകള് വ്യക്തമാക്കുന്നു. രാജ്യത്ത് കോവിഡ് ബാധിതരുടെ എണ്ണം 14.83 ലക്ഷം കവിഞ്ഞു. ഇതില് 9,52,744 പേര് രോഗമുക്തരായി. അതായത് നിലവില് ഇന്ത്യയില് ചികില്സയിലുള്ളത് 4,96,988 പേര്മാത്രമാണ്. 130 കോടി ജനങ്ങളുള്ള ഒരു രാജ്യത്ത് വെറു അഞ്ചു ലക്ഷത്തില് താഴെ മാത്രമാണ് രോഗ ബാധിതര് എന്നത് വളരെയധികം ആശ്വാസം നല്ക്കുന്ന വസ്തുതയാണ്. ഇതിനൊടം കൂട്ടിവായിക്കേണ്ട മറ്റൊരു ആശ്വാസ കണക്കുണ്ട്. ഇന്ത്യയില് 15 ശതമാനം ജനങ്ങള് ഇതിനോടകം കോവിഡിനെതിരെ സ്വയം ആര്ജിത പ്രതിരോധ ശേഷി കൈവരിച്ചതായി എന്ന പഠന റിപ്പോര്ട്ട്. അതായത് ഇതിനോടകം 18 കോടി ഇന്ത്യന് ജനത കോവിഡിനെതിരെ പ്രതിരോധ ശക്തി ആര്ജിച്ചു കഴിഞ്ഞു.
എന്നാല് കഴിഞ്ഞ 24 മണിക്കൂറിനിടെ 47,704 പേര്ക്കു കൂടി രോഗം സ്ഥിരീകരിച്ചു. ഒറ്റ ദിവസത്തിനിടെ 654 പേര് കൂടി രോഗം ബാധിച്ച് മരിച്ചു. ആകെ മരണം 33,425. മഹാരാഷ്ട്രയില് രോഗബാധിതരുടെ എണ്ണം 3,83,723 ആയി. അവിടെ ആകെ 13,883 പേര് രോഗം ബാധിച്ച് മരിച്ചു. തമിഴ്നാട്ടില് 2,20,716 കേസുകളും 3,571 മരണങ്ങളും റിപ്പോര്ട്ട് ചെയ്തിട്ടുണ്ട്. ഡല്ഹിയില് ഇതുവരെ 1,31,219 കേസുകള് റിപ്പോര്ട്ട് ചെയ്തു. ആകെ മരണം 3,853. അതേസമയം, ആന്ധ്രാപ്രദേശിലും കര്ണാടകയിലും രോഗബാധിതര് ഒരു ലക്ഷം കടന്നു. ആന്ധ്രാപ്രദേശില് 1,02,349 പേര്ക്കും കര്ണാടകയില് 1,01,465 പേര്ക്കുമാണ് രോഗം സ്ഥിരീകരിച്ചിട്ടുള്ളത്. ഉത്തര്പ്രദേശില് രോഗികളുടെ എണ്ണം 70,493 ആയി. ബംഗാളില് 60,830 കേസുകള് റിപ്പോര്ട്ട് ചെയ്തിട്ടുണ്ട്. കേരളത്തിലും രോഗ ബാധിതരുടെ എണ്ണം വര്ധിക്കുണ്ട്. കോവിഡ് ബാധിതരുടെ എണ്ണം 20000 ത്തിലേക്ക് എത്തുകയാണ്. പക്ഷേ ഇതില് ആശങ്കപ്പെടേണ്ട ആവശ്യമില്ല. പരിശോധന വര്ധിക്കുന്നതിന് അനുസൃതമായുള്ള വര്ധനവാണിത്.
കഴിഞ്ഞ ഞായറാഴ്ചയും തിങ്കളാഴ്ചയും രാജ്യത്ത് അഞ്ചുലക്ഷത്തിലധികം കോവിഡ് ടെസ്റ്റുകള് നടത്തിയതായി കേന്ദ്ര ആരോഗ്യമന്ത്രാലയം അറിയിച്ചു. ജൂലായ് 26ന് 5,15,000 സാമ്പിളും 27ന് 5,28,000 സാമ്പിളും പരിശോധിച്ചു. നിലവില് രാജ്യത്ത് പ്രതിദിനം അഞ്ചുലക്ഷം കോവിഡ് ടെസ്റ്റുകള് നടത്തുന്നുണ്ടെന്നും വരും ആഴ്ചകളില് ഈ ശേഷി 10 ലക്ഷമായി ഉയര്ത്താനുളള ശ്രമങ്ങള് നടത്തുന്നുണ്ട്. രാജ്യത്ത് 11,000 കോവിഡ് ചികിത്സാ സൗകര്യങ്ങളും 11 ലക്ഷം ഐസൊലേഷന് കിടക്കകളുണ്ട്. ജനുവരിയില് രാജ്യത്ത് ഒരു കോവിഡ് പരിശോധനാകേന്ദ്രമാണ് ഉണ്ടായിരുന്നത്. എന്നാല് ഇന്ന് 1301 ലാബുകളാണ് ഉള്ളത്. ഇതില് 902 എണ്ണം സര്ക്കാല് ലാബുകളും 399 എണ്ണം സ്വകാര്യ ലാബുകളുമാണ്.
കോവിഡിനെ നേരിടുന്നതിന് ആവശ്യമായ അടിസ്ഥാന ഘടകങ്ങള് നമ്മള് ആര്ജിക്കുന്നുണ്ട്. എന്നിരുന്നാലും ജീവിതം വീണ്ടും തിരിച്ചു പിടിക്കാന് കോവിഡിനൊപ്പം വാക്സിന് ലഭിക്കുന്നത് വരെ പോരാടി തന്നെ ജീവിക്കേണ്ടി വരും. ഇതിന് നമുക്ക് ഭയപ്പെടാതെ, സാമൂഹിക അകലം പാലിച്ച്, മുന് കരുതലെടുത്ത് മുന്നോട്ട് പോകണം.
https://www.facebook.com/Malayalivartha