ലോകത്ത് വംശനാശ ഭീഷണി നേരിടുന്ന കടുവകളെ സംരക്ഷിക്കേ ണ്ടതിന്റെ പ്രാധാന്യം ഓര്‍മ്മിക്കാം; ഇന്ന് അന്തര്‍ദേശീയ കടുവാ ദിനം
ഇന്ന് അന്തര്‍ദേശീയ കടുവാ ദിനം. ലോകത്ത് വംശനാശ ഭീഷണി നേരിടുന്ന കടുവകളുടെ സംരക്ഷണവും പ്രാധാന്യവും ഓര്‍മ്മിക്കേണ്ട ദിനമാണ് ഇത്.
സെന്റ് പീറ്റേഴ്സ് ബര്‍ഗില്‍ 2010-ലാണ് ജൂലൈ 29 അന്തര്‍ദേശീയ കടുവ ദിനമായി വിളംബരം ചെയ്യപ്പെട്ടത്. ഭൂമുഖത്ത് ഇന്ന് 3200 കടുവകള്‍ മാത്രമാണ് അവശേഷിക്കുന്നതെന്നാണ് കണക്ക്. ലോകത്ത് ഏറ്റവും കൂടുതല്‍ കടുവകളുള്ള രാജ്യം ഇന്ത്യയാണ്.
ഇന്ത്യയില്‍ 2,200 കടുവകള്‍ ഉണ്ടെന്നാണ് കണ്ടെത്തിയിട്ടുള്ളത്. ഇന്‍ഡ്യയില്‍ ഏറ്റവും കൂടുതല്‍ കടുവകളുള്ളത് കര്‍ണാടകയിലാണ്. ഇവിടെ 326 കടുവകളുണ്ട്. കടുവകള്‍ വംശനാശ ഭീഷണി നേരിടുന്നതിനാല്‍ ഇവയുടെ സംരക്ഷണാര്‍ത്ഥം 2005-ല്‍ നാഷണല്‍ ടൈഗര്‍ കണ്‍സര്‍വേഷന്‍ അതോറിട്ടി (എന്‍.ടി.സി.എ) രൂപീകരിച്ചു.
വേള്‍ഡ് വൈഡ് ഫണ്ട്, ഐ.യു.സി.എന്‍ എന്നീ അന്തര്‍ദേശീയ സംഘടനകള്‍ കടുവയുടെ സംരക്ഷണത്തിന് മുന്‍കൈ എടുക്കുന്നുണ്ട്. ഇന്ത്യയില്‍ 50 ടൈഗര്‍ റിസര്‍വുണ്ട്. കേരളത്തിലെ ടൈഗര്‍ റിസര്‍വുകള്‍ പെരിയാര്‍, പറമ്പിക്കുളം എന്നിവയാണ്.
https://www.facebook.com/Malayalivartha
