വനിതാ മതിലിന്റെ സംഘാടകക്ക് അയ്യപ്പന് കെടുത്തു 916 പണി; ബന്ധുനിയമനം നടത്തിയത് പിടിക്കപ്പെട്ടു; പാലക്കാട് ജില്ലാ പ്രസിഡന്റിന്റെ സത്യപ്രതിജ്ഞ ലംഘനം; ഭര്ത്താവിനും സഹോദരിക്കും ജോലി; തുണ പിണറായിയും എ.കെ ബാലനും; പാര്ട്ടിക്ക് ഇതൊന്നും ഒരു പുതുമയില്ല
പുണ്യപാവനമായ ശബരിമലയില് യുവതികളെ കയറ്റാന് മുന്കൈയെടുത്ത വനിതാമതിലിന്റെ സാരഥിക്ക് സര്വശക്തനായ ശബരിമല ശ്രീ ധര്മ്മശാസ്താവ് ഒരൊന്നാന്തരം പണി കൊടുത്തു.
ശബരിമലയില് യുവതികളെ കയറ്റിയ കേരളത്തിന്റെ മുഖ്യമന്ത്രി പിണറായി വിജയനും പാര്ട്ടി സംസ്ഥാന സെക്രട്ടറി കോടിയേരി ബാലകൃഷ്ണനും കൊടുത്ത പണിക്ക് പിന്നാലെയാണ് വനിതാ മതിലിന്റെ ചെയര്മാനായിരുന്ന വനിതക്ക് തന്നെ അയ്യപ്പന് പണികൊടുത്തത്.
കാര്ന്നോര്ക്ക് അടുപ്പത്ത് ആവാമെങ്കില് തനിക്കും അങ്ങനെയായാല് എന്താ കുഴപ്പം എന്ന് കരുതിയാണ് വനിതാമതിലിന്റെ മുഖ്യ സംഘാടകയായ അഡ്വ കെ. ശാന്തകുമാരി ഒരു പണി ഒപ്പിച്ചത്. പക്ഷേ അതിന് തിരികെ കിട്ടിയതോ നല്ല 916 പണി.
അഡ്വ കെ. ശാന്തകുമാരി എന്ന പാലക്കാട് ജില്ലാ പഞ്ചായത്ത് പ്രസിഡന്റിനെയാണ് മുഖ്യമന്ത്രി പിണറായി വിജയനും നിയമമന്ത്രി എ.കെ. ബാലനും ചേര്ന്ന് വനിതാ മതിലിന്റെ സംഘാടക സമിതി അധ്യക്ഷയാക്കിയത്. എ. കെ. ബാലന്റെ ശുപാര്ശ നിയമനത്തിന് പിന്നിലുണ്ടായിരുന്നു. ജില്ലാ പഞ്ചായത്ത് പ്രസിഡന്റ് എന്ന നിലയില് സ്തുത്യര്ഹമായ പ്രവര്ത്തനമാണ് ശാന്തകുമാരി കാഴ്ചവക്കുന്നതെന്നായിരുന്നു മന്ത്രി എ. കെ. ബാലന്റെ വെളിപ്പെടുത്തല്. വനിതാ മതിലിന്റെ പിറ്റേന്ന് പുലര്ച്ചെ ശബരിമലയില് യുവതികളെ പ്രവേശിപ്പിക്കാനുള്ള അജണ്ടക്ക് പിന്നില് ശാന്തകുമാരിയുടെയും അറിവുണ്ടായിരുന്നു എന്നാണ് വിശ്വസ്ത കേന്ദ്രങ്ങളില് നിന്നും ലഭിച്ച വിവരം.
പുളികൊമ്പിലെ പിടി ശാന്തകുമാരിയെ തുണച്ചത് ചെറുതായിട്ടൊന്നുമല്ല. അവര് തന്റെ നിയന്ത്രണത്തിലുള്ള സ്ഥാപനങ്ങളില് അടുത്ത ബന്ധുക്കള്ക്ക് പിന്വാതില് നിയമനം നല്കി. പിന്വാതില് നിയമനം നല്കിയത് സി പി എം സഖാക്കള്ക്കാണെന്ന് കരുതരുത്. സഖാക്കള് സാധാരണ ചെയ്യാറുള്ളതു പോലെ തങ്ങളുടെ അടുത്ത ബന്ധുക്കള്ക്ക് തന്നെയാണ് അവരും ജോലി നല്കിയത്. കഴിഞ്ഞ നാലര വര്ഷത്തിനിടയില് ആരോഗ്യ വകുപ്പിലാണ് അവര് ബന്ധുക്കള്ക്ക് നിയമനം വാങ്ങി നല്കിയത്. ബന്ധുകള്ക്ക് നിയമനം നല്കുന്നത് യഥാര്ത്ഥത്തില് സത്യപ്രതിജ്ഞാ ലംഘനമാണ്. അതും ശിവശങ്കരന് നല്കിയതു പോലുള്ള നല്ല മൊഞ്ചുള്ള ജോലി.
ശാന്തകുമാരിയുടെ കോണ്ഫിഡന്ഷ്യല് അസിസ്റ്റന്റിന്റെ സഹോദരിമാര്ക്കും അവരുടെ ഭര്ത്താക്കന്മാര്ക്കും ആരോഗ്യ വകുപ്പില് നിയമനം ലഭിച്ചത് പിന്വാതിലിലൂടെയാണ്. ഇതിനൊപ്പം കഴിഞ്ഞ നാലര വര്ഷത്തിനിടയില് ജില്ലാ പഞ്ചായത്തില് നടത്തിയ പല നിയമനങ്ങളിലും ശാന്തകുമാരി ഇടപെട്ടിരുന്നു. എന്നാല് ആശുപത്രി മാനേജ്മെന്റ് കമ്മിറ്റിയാണ് നിയമനം നല്കിയതെന്നും അതില് പ്രസിഡന്റിന് റോളില്ലെന്നും ജില്ലാ പഞ്ചായത്ത് വൈസ് പ്രസിഡന്റ് പറഞ്ഞു. അത് സത്യമാണ്. കള്ളം ഏപ്രകാരം ചെയ്യണമെന്ന് സഖാക്കളെ ആരും പഠിപ്പിക്കേണ്ടതില്ല. ഏതായാലും ശാന്തകുമാരിയെ വെറുതെ വിടാന് കോണ്ഗ്രസിന്റെ ഒ ബി സി വിഭാഗം ചെയര്മാന് സുമേഷ് അച്യുതന് തയ്യാറല്ല. അദ്ദേഹം വിജിലന്സ് കോടതിയെ സമീപിക്കാന് ഒരുങ്ങുകയാണ്. മറ്റൊരു രമ്യാ ഹരിദാസായി മാറാനുള്ള ശാന്തകുമാരിയുടെ ശ്രമങ്ങള്ക്കാണ് വിലക്ക് വീണത്. ശിഷ്ടകാലം കോടതി കയറിയിറങ്ങി നടക്കാം.
https://www.facebook.com/Malayalivartha