ലക്ഷ്യമിട്ടത് വന്‍ സ്‌ഫോടനങ്ങള്‍; ഐ.എസിന് രാജ്യത്തിന്റെ പല സംസ്ഥാനങ്ങളിലും സ്ലീപ്പര്‍ സെല്ലുകള്‍? ഡല്‍ഹി പോലീസ് തകര്‍ത്തത് വന്‍ ആക്രമണപദ്ധതി; ഭീകരരില്‍ നിന്നും പിടിച്ചെടുത്തക് വന്‍ സ്‌ഫോടക വസ്തുകള്‍; അന്വേഷണം ഊര്‍ജിതം
രാജ്യത്ത് വന്‍ സ്‌ഫോടനം ലക്ഷ്യമിട്ടാണ് ഐ.എസ് ഭീകരര്‍ വന്നതെന്നാണ് പോലീസ് പറയുന്നത്. ഇവരില്‍ നിന്നും വന്‍ തോതില്‍ സ്‌ഫോക വസ്തുകള്‍ ഡല്‍ഹി പോലീസ് പിടിച്ചെടുക്കുകയും നശിപ്പിക്കുകയും ചെയ്തിട്ടുണ്ട്. കഴിഞ്ഞ രാത്രിയുണ്ടായ ഏറ്റുമുട്ടലിനിടെയാണ് ഒരു ഐ.എസ് ഭീകകരനെ അറസ്റ്റ് ചെയ്യാന്‍ ഡല്‍ഹി പോലീസിന് സാധിച്ചു. ദില്ലി പോലീസ് സ്‌പെഷ്യല്‍ സെല്ലാണ് ഉത്തര്‍പ്രദേശ് സ്വദേശി അബ്ദുള്‍ യൂസഫിനെ പിടികൂടിയത്. ഇയാളെ എട്ടു ദിവസത്തെ പോാലീസ് കസ്റ്റഡിയില്‍ വിട്ടു. കൂടുതലാളുകളെ സംഘത്തിലേക്ക് എത്തിച്ച് ഭീകരാക്രമണം നടത്താനായിരുന്നു ഇയാളുടെ പദ്ധതിയെന്നാണ് പോലീസ് നിഗമനം. ഇയാളെ അറസ്റ്റ് ചെയ്തതിന് പിന്നാലെ വിവിധ സംസ്ഥാനങ്ങളിലെ ആറിടങ്ങളില്‍ പോലീസ് തെരച്ചില്‍ നടത്തി. രാജ്യത്തിന്റെ വിവിധ ഭാഗങ്ങളിലായി സ്ലീപ്പര്‍ സെല്ലു പോലെ പ്രവര്‍ത്തിക്കുന്ന ഇത്തരത്തില്‍ ഇനിയും ഐ.എസ് ഭീകരര്‍ ഉണ്ടാകാമെന്നാണ് പോലീസും ഇന്റലിജന്‍സു കരുതുന്നത്. അതുകൊണ്ടു തന്നെ അതീവ ജാഗ്രതയോടെയാണ് ഡല്‍ഹി പോലീസ് ഈ വിഷയത്തില്‍ അന്വേഷണം നടത്തുന്നത്.
അബ്ദുള്‍ യുസഫിന്‍ നിന്ന് പിടികൂടിയ നാലര കിലോ വരുന്ന സ്‌ഫോടക വസ്തുക്കളാണ് നീര്‍വീര്യമാക്കിയത്. സ്‌ഫോടക വസ്തുക്കള്‍ ദില്ലിയിലെ ബുദ്ധ ജയന്തി പാര്‍ക്കിലെത്തിച്ച് എന്‍എസ്ജിയിലെ ബോംബ് സ്‌ക്വാഡാണ് നിര്‍വീര്യമാക്കിയത്. ഇന്നലെ അര്‍ധരാത്രിയോടെയാണ് ദൗലകാനിലെ സൈനികസ്‌കൂളിന് സമീപത്ത് നിന്ന് ദില്ലി പോലീസ് സ്‌പെഷ്യല്‍ സെല്‍ ഭീകരനെ പിടികൂടിയത്. ബൈക്കില്‍ സ്‌ഫോടക വസ്തുക്കളുമായി ഇയാളെ പിടികൂടിയെന്നാണ് പോലീസ് പറയുന്നത്. ദില്ലി അടക്കമുള്ള നഗരങ്ങളില്‍ ഭീകരസംഘടനകള്‍ സ്‌ഫോടനങ്ങള്‍ക്ക് ലക്ഷ്യമിടുന്നതായി കേന്ദ്ര രഹസ്യാന്വേഷണ വിഭാഗം മുന്നറിയിപ്പ് നല്‍കിയിരുന്നു. ഇതിന്റെ അടിസ്ഥാനത്തില്‍ നടത്തിയ അന്വേഷണമാണ് ഉത്തര്‍പ്രദേശിലെ ബലല്‍റാംപൂര്‍ സ്വദേശി അബ്ദുള്‍ യൂസഫിലേക്ക് എത്തിയത്. തലസ്ഥാനത്തെ പല സ്ഥലങ്ങളും അബ്ദുള്‍ യൂസഫ് സന്ദര്‍ശിച്ചിരുന്നതായി റിപ്പോര്‍ട്ടുകളുണ്ട്. ഇവിടങ്ങളില്‍ ആക്രമണം നടത്തുകയായിരുന്നു ഇയാളുടെ പദ്ധതിയെന്നാണ് സംശയിക്കുന്നത്. ഇതേക്കുറിച്ച് കൂടുതല്‍ അന്വേഷണം നടത്തുമെന്ന് പോലീസ് വ്യക്തമാക്കി.
അബ്ദുള്‍ യൂസഫ് കഴിഞ്ഞ കുറെ നാളുകളായി നീരീക്ഷണത്തിലായിരുന്നുവെന്ന് പോലീസ് അറിയിച്ചു. ദില്ലിയിലെ വിവിധ സ്ഥലങ്ങളില്‍ ചാവേര്‍ ആക്രമണം ലക്ഷ്യമിട്ടാണ് അബ്ദുള്‍ യൂസഫ് എത്തിയതെന്ന് ദില്ലി സെപ്ഷ്യല്‍ സെല്‍ ഡിസിപി പ്രമോദ് സിങ്ങ് കുശ് പറഞ്ഞു. പിടിയിലായ ഭീകരനെ ദില്ലി ലോധി കോളനിയിലെ കേന്ദ്രത്തില്‍ ചോദ്യം ചെയ്യുകയാണ്. ദില്ലിയിലെ കൂടുതല്‍ സംഘാംഗങ്ങളെ കുറിച്ച് വിവരം കിട്ടിയെന്നാണ് പോലീസ് പറയുന്നത്. ഐഎസുമായി ബന്ധമുള്ളതിന്റെ പേരില്‍ ഒരു ഡോക്ടര്‍ കഴിഞ്ഞ ദിവസം ബെംഗളൂരുവില്‍ അറസ്റ്റിലായിരുന്നു. ഇതിന് പിന്നാലെയാണ് ഡല്‍ഹിയിലും ഐഎസ് പ്രവര്‍ത്തകന്റെ അറസ്റ്റുണ്ടായിരിക്കുന്നത്.
https://www.facebook.com/Malayalivartha
