ഞെട്ടിക്കുന്ന ദൃശ്യങ്ങള് പങ്ക് വയ്ക്കരുതേ.. അപകടദൃശ്യങ്ങള് കണ്ട് ഉറക്കം പോയ പലരും എന്റെ അടുത്ത് ചികിത്സ തേടി എത്തി... ഇപ്പോള് വാട്സാപ് ഗ്രൂപ്പുകളിലേക്ക് ആണ് എല്ലാവരും ഇടുന്നത്... ഇതില് ആരൊക്കെയാണ് അംഗങ്ങള്, അവര്ക്ക് ഇതു കണ്ടാലുണ്ടാകുന്ന പ്രശ്നങ്ങള് എന്നിവയെക്കുറിച്ചൊന്നും ചിന്തയില്ല... നിഷയുടെ ദാരുണമരണത്തിന്റെ ദൃശ്യങ്ങള് സമൂഹ മാധ്യമത്തിലൂടെ പങ്കുവച്ചത് നിരവധി പേര്; മുന്നറിയിപ്പുമായി മാനസികാരോഗ്യ വിദഗ്ധന്
നാഗമ്പടത്ത് അപകടത്തില് യുവതി മരിച്ച സംഭവത്തില് അപകടദൃശ്യങ്ങള് സമൂഹമാധ്യമങ്ങള് വഴി പങ്കുവച്ചത് ഒട്ടേറെ പേര്.
ഞെട്ടിക്കുന്ന ദൃശ്യങ്ങള് പങ്കുവയ്ക്കുന്നതിനെക്കുറിച്ച് മാനസികാരോഗ്യ വിദഗ്ധന് ഡോ. സി.ജെ.ജോണ് പ്രതികരിക്കുന്നു
മറ്റുള്ളവരെക്കുറിച്ച് കരുതല് ഇല്ലാത്തവരുടെ പ്രതികരണമാണ് അപകടത്തിന്റെ ഭയാനകമായ ദൃശ്യങ്ങള് പങ്കുവയ്ക്കുന്നതിലൂടെ വെളിവാകുന്നത്.
അപകടം നടക്കുമ്ബോള് അതിന്റെ ദൃശ്യം പകര്ത്താതെ അപകടത്തില്പെട്ടയാള്ക്ക് വേണ്ട സഹായമാണ് സാധാരണ ചെയ്തു നല്കേണ്ടത്.
എന്നാല്, 'ഞാന് കേമന്' ആണെന്നു കാണിക്കാനുള്ള ശ്രമമാണു ദൃശ്യങ്ങള് പകര്ത്തി പത്തു പേര്ക്ക് അയയ്ക്കുന്നതിലൂടെ ചെയ്യുന്നത്.
ഇത്തരത്തില് ദൃശ്യങ്ങള് ലഭിച്ചാല് അതു ഷെയര് ചെയ്യുന്നവരും ഇതേ മനഃസ്ഥിതിയുള്ളവര് തന്നെ.
ആദ്യ വിഭാഗം അപകടത്തില്പെടുന്നവരെക്കുറിച്ച് ചിന്തിക്കാതെ ഇരിക്കുമ്ബോള് രണ്ടാമത്തെ വിഭാഗം ഈ ദൃശ്യങ്ങള് കാണുന്നവരുടെ മാനസികാവസ്ഥ ചിന്തിക്കുന്നില്ല.
അപകടദൃശ്യങ്ങള് കണ്ട് ഉറക്കം പോയ പലരും എന്റെ അടുത്ത് ചികിത്സ തേടി എത്തിയിട്ടുണ്ട്.
ഇപ്പോള് വാട്സാപ് ഗ്രൂപ്പുകളിലേക്ക് ആണ് എല്ലാവരും ഇടുന്നത്. ഇതില് ആരൊക്കെയാണ് അംഗങ്ങള്, അവര്ക്ക് ഇതു കണ്ടാലുണ്ടാകുന്ന പ്രശ്നങ്ങള് എന്നിവയെക്കുറിച്ചൊന്നും ചിന്തയില്ല.
അപകട ദൃശ്യങ്ങള് പ്രസിദ്ധീകരിക്കുമ്ബോള് പത്രങ്ങളും ചാനലുകളും അതു കാണാത്ത വിധമാക്കിയാണു നല്കുക. എന്നാല് സമൂഹമാധ്യമങ്ങളില് ഇത്തരം മറകളില്ല.
https://www.facebook.com/Malayalivartha
