കഴിഞ്ഞ ഏതാനും മണിക്കൂറുകളായി സോഷ്യൽ മീഡിയയിൽ നിറഞ്ഞു നിൽക്കുകയാണ് ഒരു മിടുക്കി കുട്ടി. വാട്സ്ആപ്പ് സ്റ്റാറ്റസുകളും ഫേസ്ബുക്ക് സ്റ്റാറ്റസുകളും ഇൻസ്റ്റാഗ്രാം പേജുകളിലും ഒക്കെ ഈ സുന്ദരി കുട്ടി വൈറലായി കഴിഞ്ഞു.

അതെ കല്യാണ ആഘോഷങ്ങൾക്കിടയിൽ മുതിർന്നവർക്കൊപ്പം ഡാൻസ് ചെയ്യുന്ന ഒരു കൊച്ചു പെൺകുട്ടിയുടെ വീഡിയോ ഒന്നടങ്കം ആരാധകർ ഏറ്റെടുത്തിരിക്കുകയാണ്.

അതോടെ ആരാണ് ഈ പെൺകുട്ടി എന്ന അന്വേഷണവും സോഷ്യൽ മീഡിയയിൽ തുടങ്ങി. എന്നാൽ ഈ മിടുക്കി കുട്ടി ആള് ചില്ലറക്കാരി അല്ല. കല്യാണ വീട്ടിൽ വരനും വധുവിനുമൊപ്പം മെയ് വഴക്കത്തോടെ ഉള്ള കുട്ടിയുടെ പ്രകടനം ആണ് പ്രേക്ഷക ശ്രദ്ധ പിടിച്ചു പറ്റിയത്.

ലക്ഷകണക്കിന് പേരാണ് ഇതിനോടകം തന്നെ ഈ വീഡിയോ കണ്ടു കഴിഞ്ഞത്. ലൈക്കും കമന്റും ഷെയറും ഒക്കെയായി ലക്ഷകണക്കിന് ആരാധകരെ സമ്പാദിച്ചു സോഷ്യൽ ലോകത്തു നിറഞ്ഞു നിൽക്കുകയാണ് ഇപ്പോൾ വൃദ്ധി വിശാൽ എന്ന ഈ കുഞ്ഞു താരം.

ബേബി ആർട്ടിസ്റ്റ് ആയ വൃദ്ധി വിശാൽ ആണ് സോഷ്യൽ മീഡിയയിൽ വൈറലായി ആ കൊച്ചു മിടുക്കി. സീരിയൽ ആർട്ടിസ്റ്റ് ആയതു കൊണ്ട് തന്നെ മറ്റുള്ളവർക്ക് വലിയ പരിചയം ഇല്ലെങ്കിലും സീരിയൽ പ്രേക്ഷകർക്ക് പ്രിയങ്കരി ആണ് ഈ മിടുക്കി കുട്ടി. ഡാൻസ് കണ്ട പലർക്കും ഒരു മുൻപ് കണ്ടിട്ടുള്ള പോലൊരു മുഖപരിചയം ചിലപ്പോൾ തോന്നിയേക്കാം. കാരണം ചില പരസ്യ ചിത്രങ്ങളിലൂടെയും ശ്രദ്ധിക്കപ്പെട്ടിട്ടുണ്ട് വൃദ്ധി വിശാൽ.

കഴിഞ്ഞ ദിവസം ആയിരുന്നു മഞ്ഞിൽ വിരിഞ്ഞ പൂവ് എന്ന പരമ്പരയിൽ അഭിനയിക്കുന്ന അഖിൽ ആനന്ദിന്റെ വിവാഹം.

വിവാഹത്തിന് മഞ്ഞിൽ വിരിഞ്ഞ പൂവ് പരമ്പരയിലെ ഒട്ടുമിക്ക താരങ്ങളും പങ്കെടുത്തിരുന്നു. ഇതേ പരമ്പരയിൽ കുഞ്ഞു വൃദ്ധിയും അഭിനയിക്കുന്നുണ്ട്. പ്രേക്ഷകർക്ക് ഏറെ പ്രിയപ്പെട്ട അനുമോൾ എന്ന കഥാപാത്രത്തെ ആണ് പരമ്പരയിൽ ബേബി വൃദ്ധി വിശാൽ അവതരിപ്പിക്കുന്നത്. വിവാഹ ആഘോഷങ്ങളുടെ ഭാഗമായി നടത്തിയ ഡാൻസ് പ്രോഗ്രാം ആണ് ഇപ്പോൾ വൈറൽ ആയി മാറിയത്.

ബേബി ആർട്ടിസ്റ്റ് വൃദ്ധി വിശാൽ എന്ന യൂട്യൂബ് ചാനൽ വഴിയാണ് ഈ വീഡിയോ ആദ്യം പുറത്തു വിടുന്നതും. പിന്നീട് ഇത് സോഷ്യൽ ലോകം ഏറ്റെടുക്കുകയായിരുന്നു. യുകെജി വിദ്യാർത്ഥിനി ആയ ഈ കൊച്ചു മിടുക്കി ഇതിനോടകം തന്നെ രണ്ടു ചിത്രങ്ങളിലും അഭിനയിച്ചിട്ടുണ്ട്. കൊച്ചിക്കാരായ വിശാലിന്റെയും ഗായത്രിയുടെയും മൂത്ത മോളാണ് ഈ സുന്ദരികുട്ടി. ഡാൻസ് ആരും പഠിപ്പിച്ചു കൊടുത്തതല്ലെന്നും ടിവിയിൽ കണ്ടു സ്വന്തമായി പഠിച്ചതാണെന്നും വൃദ്ധിയുടെ അച്ഛൻ പറയുന്നു.