സൂപ്പർമാർക്കറ്റിൽ ഭീകരാന്തരീക്ഷം സൃഷ്ട്ടിച്ച് ഭീമൻ ഉടുമ്പ്; വിശന്ന് വലഞ്ഞ് എത്തിയതാണെങ്കിലും ആഹാരം കഴിക്കാതെ 'പർച്ചേസിങ്' കഴിഞ്ഞൊരു പോക്കും: വൈറലായി വീഡിയോ...
സാധനങ്ങൾ വാങ്ങാനായി സൂപ്പർ മാർക്കറ്റിലെത്തിയാൽ അവിടെ ഒരു ഉടുമ്പിനെ കണ്ടാൽ എന്താകും നിങ്ങളുടെ പ്രതികരണം. ചെറിയൊരു ഉടുമ്പാണെങ്കിൽ അതിന് പുറത്തേക്കുള്ള വഴി എങ്ങനെ ആണെന്നായിരിക്കും എല്ലാവരും ചിന്തിക്കുക.
എന്നാൽ ഒരു ഭീമൻ ഉടുമ്പ് ഷെൽഫിന് മുകളിൽ നിന്ന് സാധനങ്ങൾ തട്ടി താഴെയിട്ട് ഭീകരാന്തരീക്ഷം സൃഷ്ടിക്കുന്നത് കണ്ടാൽ ആരുമൊന്ന് പേടിച്ച് പോകുമെന്ന് ശെരിയാണ്. ഇത്തരത്തിലൊരു സംഭവത്തിന്റെ ദൃശ്യങ്ങളാണ് ഇപ്പോൾ സമൂഹമാധ്യമങ്ങളിൽ വൈറലായിരിക്കുന്നത്.
തായ്ലൻഡിലെ ഒരു സൂപ്പർമാർക്കറ്റിലാണ് ഉടുമ്പ് കയറി പ്രശ്നങ്ങൾ സൃഷ്ടിചിരിക്കുന്നത്. സൂപ്പർമാർക്കറ്റിലെ അലമാരയിൽ അടുക്കി വച്ചിരുന്ന സാധനങ്ങൾ നിലത്തിട്ട് അലമാരയുടെ മുകളിൽ കയറിയിരിക്കുന്ന ഉടുമ്പിന്റെ ദൃശ്യങ്ങളാണിതിൽ.
രാജ്യത്തെ പ്രമുഖ റിട്ടെയ്ൽ സൂപ്പർ മാർക്കറ്റായ സെവ൯ ഇലവ൯ സറ്റോറിലാണ് ഇത്തരമൊരു സംഭവം നടന്നിരിക്കുന്നത് . തായ്ലാൻഡിലെ ട്രാവൽ ഏജൻസി മുണ്ടോ നൊമാഡോയാണ് ഇതിന്റെ ദൃശ്യങ്ങൾ സമൂഹമാധ്യമങ്ങളിൽ പങ്കുവെച്ചിരിക്കുന്നത്.
ഷെൽഫിൽ അടക്കി വെച്ച വസ്തുക്കൾ തട്ടി താഴെയിട്ട് മുകളിലേക്ക് കയറുന്ന ഉടുമ്പ്, ഷെൽഫിന് മുകളിൽ നാവു പുറത്തേക്കിട്ട് വിശ്രമിക്കുകയായിരുന്നു. ഷോപ്പിംഗിന് എത്തിയവർ ഈ കാഴ്ച ഭീതിയോടെ നോക്കി നിൽക്കുന്നതും വീഡിയോയിൽ കാണുന്നുണ്ട്.
ഉടുമ്പിനെ കണ്ട് പേടിച്ച ജീവനക്കാർ ഉടൻ തന്നെ പോലീസിൽ വിവരമറിയിക്കുകയായിരുന്നു. തുടർന്ന് രക്ഷാപ്രവർത്തകരുമായി ഇവിടെയെത്തിയ പോലീസ് അവരുടെ സഹായത്തോടെ ഉടുമ്പിനെ ഷോപ്പിൽ നിന്നും പുറത്തു ചാടിക്കുകയും ചെയ്തു.
ഭക്ഷണം തേടിയെത്തിയ ഉടുമ്പ് ഷോപ്പിൽ നാശ നഷ്ടമുണ്ടാക്കിയെങ്കിലും ഇവിടെ നിന്ന് ഒന്നും കഴിച്ചിരുന്നില്ലെന്നാണ് ദൃക്സാക്ഷികൾ പറയുന്നത്.
https://www.facebook.com/Malayalivartha