ലോക്ക്ഡൗണ് പ്രഖ്യാപിച്ച സാഹചര്യത്തില് ഇന്നും നാളെയും യാത്രക്കാരുടെ തിരക്ക് കൂടാന് സാധ്യത... സംസ്ഥാനത്ത് കെ എസ് ആര് ടി സി ഇന്നും നാളെയും കൂടുതല് ദീര്ഘ ദൂര സര്വീസുകള് നടത്തും...
സംസ്ഥാനത്ത് മറ്റന്നാള് മുതല് ലോക്ക്ഡൗണ് പ്രഖ്യാപിച്ച സാഹചര്യത്തില് കെ എസ് ആര് ടി സി ഇന്നും നാളെയും കൂടുതല് ദീര്ഘ ദൂര സര്വീസുകള് നടത്തും.
ലോക്ക്ഡൗണ് പ്രഖ്യാപിച്ച സാഹചര്യത്തില് ഇന്നും നാളെയും യാത്രക്കാരുടെ തിരക്ക് കൂടാന് സാദ്ധ്യതയുളളതിനാലാണ് തീരുമാനം..
വൈകുന്നേരങ്ങളില് കൂടുതല് തിരക്ക് അനുഭവപ്പെടാന് സാദ്ധ്യതയുണ്ടെന്നാണ് നിഗമനം.
എല്ലാ യൂണിറ്റ് ഓഫീസര്മാരും ദീര്ഘദൂര സര്വീസുകള് ഉള്പ്പെടെ യാത്രക്കാരുടെ തിരക്കിനനുസരിച്ച് കൂടുതല് സര്വീസുകള് നടത്തണമെന്ന് സി എം ഡി ബിജുപ്രഭാകര് ബന്ധപ്പെട്ടവര്ക്ക് നിര്ദേശം നല്കി.
ബംഗളൂരുവില് നിന്നും ആവശ്യം വരുന്ന പക്ഷം സര്ക്കാര് നിര്ദേശ പ്രകാരം എമര്ജന്സി ഇവാക്വേഷന് വേണ്ടി മൂന്നു ബസുകള് കേരളത്തിലേക്ക് സര്വീസ് നടത്താന് തയ്യാറാക്കിയിട്ടുണ്ട്. കര്ണാടക സര്ക്കാര് അനുവദിച്ചാല് അവിടെനിന്നും സര്വീസ് നടത്തുമെന്നും ബിജു പ്രഭാകര് അറിയിച്ചു.
ആശുപത്രി ജീവനക്കാര്ക്കും രോഗികള്ക്കുമായി സര്വീസ് നടത്തുന്നതിന് കെ എസ് ആര് ടി സി തയ്യാറാണ്. അതിന് ബന്ധപ്പെട്ട ആശുപത്രി സൂപ്രണ്ടുമാര് അതാത് സ്ഥലങ്ങളിലെ യൂണിറ്റ് ഓഫീസര്മാരെ അറിയിച്ചാല് ആവശ്യമുള്ള സര്വീസുകള് നടത്തും.
അല്ലെങ്കില് കെ എസ് ആര് ടി സിയുടെ കണ്ട്രോള് റൂമില് ബന്ധപ്പെട്ടാലും അതിനുള്ള സജ്ജീകരണം ഒരുക്കും.
കണ്ട്രോള് റൂം നമ്ബര് - 9447071021, 0471 2463799
https://www.facebook.com/Malayalivartha