സ്ത്രീവിരുദ്ധ, സമൂഹ വിരുദ്ധമായ പരാമര്ശങ്ങള് നടത്തുന്ന, സന്നദ്ധ പ്രവര്ത്തനത്തിനിറങ്ങുന്നവരെ ലൈംഗികമായി അധിക്ഷേപിക്കുന്ന, ഇത്തരമൊരാളെ കമ്പനിയില് പ്രവര്ത്തിക്കാന് അനുവദിച്ചുകൂടാ... സോഫ്റ്റ്വെയര് കമ്പനിയുടെ പേജില് കൂട്ടമായെത്തി ഇടതുപക്ഷ/സിപിഎം അനുകൂലികള്; ശ്രീജിത്ത് പണിക്കരെ ജോലിയില് നിന്നും പിരിച്ചുവിടണമെന്ന് ആവശ്യം
ശ്രീജിത്ത് പണിക്കറിനെതിരെ ഐബിഎസ് സോഫ്റ്റ്വെയറിന്റെ ഫേസ്ബുക്ക് പേജില് പൊങ്കാലയുമായി ഇടതുപക്ഷ/സിപിഎം അനുകൂലികള്.
ശ്രീജിത്തിനെ ജോലിയില് നിന്നും പിരിച്ചുവിടണമെന്നും ഇങ്ങനെയൊരാള് സ്ഥാപനത്തില് ജോലി ചെയ്യുന്നത് കമ്ബനിക്ക് വലിയ നാണക്കേടാണ് ഉണ്ടാക്കുക എന്നുമാണ് ഇവര് പേജിലെ കമന്റ് ബോക്സുകളിലൂടെ ആവശ്യപ്പെട്ടത്.
സ്ത്രീവിരുദ്ധ, സമൂഹ വിരുദ്ധമായ പരാമര്ശങ്ങള് നടത്തുന്ന, സന്നദ്ധ പ്രവര്ത്തനത്തിനിറങ്ങുന്നവരെ ലൈംഗികമായി അധിക്ഷേപിക്കുന്ന, ഇത്തരമൊരാളെ കമ്ബനിയില് പ്രവര്ത്തിക്കാന് അനുവദിച്ചുകൂടാത്തതാണ് എന്നും ഇവര് പറയുന്നു.
ശ്രീജിത്തിനെതിരെയുള്ള കമന്റുകളും പരാതികളും വന്ന് നിറഞ്ഞതോടെ ഐബിഎസ് സോഫ്റ്റ്വെയര് തങ്ങളുടെ പേജ് അണ്പബ്ളിഷ് ചെയ്തുവെന്നാണ് വിവരം.
നിലവില് ഈ പേജ് ഇപ്പോള് ഫേസ്ബുക്കില് ലഭ്യമല്ല. ആദ്യം പേജിലെ കമന്റ് ബോക്സ് പൂട്ടിയ കമ്ബനി പിന്നീടാണ് പേജ് അണ്പബ്ലിഷ്ചെയ്തതെന്നാണ് അറിയാന് കഴിയുന്നത്.
സൈബര് സിപിഎം ഒന്നടങ്കം എത്തിയതോടെ കമ്ബനി പേജ് പിന്വലിക്കുകയായിരുന്നുവെന്നാണ് സിപിഎം അനുകൂല പേജുകളില് പ്രചാരണം നടക്കുന്നത്.
ആലപ്പുഴയില്, ശ്വാസംമുട്ട് അനുഭവിച്ച കൊവിഡ് രോഗിയെ ബൈക്കില് ആശുപത്രിയില് എത്തിച്ചവര്ക്ക് നേരെ ശ്രീജിത്ത് പണിക്കര് റേപ്പ് ജോക്ക് എന്ന് വ്യഖ്യാനിക്കാവുന്ന തരത്തിലുള്ള പരാമര്ശം തന്റെ ഫേസ്ബുക്ക് പേജിലൂടെ നടത്തിയിരുന്നു.
ഇതിന് പിന്നാലെ ശ്രീജിത്തിനെതിരെ സോഷ്യല് മീഡിയയില് രൂക്ഷവിമര്ശനമുയര്ന്നു. ശ്രീജിത്തിനെ ചാനല് ചര്ച്ചകളില് പങ്കെടുപ്പിക്കരുതെന്ന് മാദ്ധ്യമങ്ങളോട് ആവശ്യപ്പെട്ടുകൊണ്ടുള്ള ശക്തമായ പ്രചാരണവും നടന്നിരുന്നു.
https://www.facebook.com/Malayalivartha