സൗമ്യ ഞങ്ങളില് ഒരാള്... സൗമ്യക്ക് ഓണററി സിറ്റിസണ്ഷിപ്പ് നല്കി ഇസ്രയേല്; മകന്റെ സംരക്ഷണം ഇസ്രയേല് ഏറ്റെടുത്തു; ഫ്ളൈറ്റെര് ജെറ്റ് വിമാനത്തിന് സൗമ്യയുടെ പേര് നല്കി ആദരിച്ചതിന് പിന്നാലെ വീണ്ടും ആദരം; കേരള സര്ക്കാര് സൗമ്യക്ക് വേണ്ടി എന്തുചെയ്തു?
ഹമാസിന്റെ റോക്കറ്റ് ആക്രമണത്തില് കൊല്ലപ്പെട്ട സൗമ്യ സന്തോഷിന് വീണ്ടും ഇസ്രയേലിന്റെ ആദരം. ഇത്തവണ സൗമ്യക്ക് ഓണറ്റി സിറ്റിസണ്ഷിപ്പ് തല്കിയാണ് ഇസ്രയേല് അവരെ ആദരിക്കുന്നത്. ഇസ്രയേലിലെ ജനങ്ങള് വിശ്വസിക്കുന്നത് സൗമ്യ അവുടെ പൗരയാണെന്നാണ്. സൗമ്യയെ തങ്ങളില് ഒരാളായാണ് അവര് കാണുന്നത്-ഇന്ത്യയിലെ ഇസ്രയേല് എംബസി ഉന്നത ഉദ്യോഗസ്ഥന് റോണി യെദീദിയ ക്ലീന് ഡല്ഹിയില് മാധ്യമപ്രവര്ത്തകരോടു പറഞ്ഞു.
നേരത്തെ ഇസ്രയേഷന് അവരുടെ ഫ്ളൈറ്റെര് ജെറ്റ് വിമാനത്തിന് സൗമ്യയുടെ പേര് നല്കി അവരെ ആദരിച്ചിരുന്നു. കൂടാതെ സൗമ്യയുടെ ഘാതകരെ ഇല്ലാതാക്കാന് ഇസ്രയേല് സൈന്യം നടത്തിയ ഓപ്പറേഷന് സാം ഏറെ ശ്രദ്ധക്കപ്പെട്ടിരുന്നു. ഇതിലൂടെ റോക്കറ്റ് ആക്രമണത്തിന് നേതൃത്വം നല്കിയ നിരവധി ഹമാസ് പ്രവര്ത്തകരെ ഇസ്രയേല് സൈന്യം വധിക്കുകയും ചെയ്തിരുന്നു.
അതേസമയം ആദരസൂചക പൗരത്വം നല്കാന് തീരുമാനിച്ച ഇസ്രയേലിന്റെ നടപടിയെ സൗമ്യയുടെ കുടുംബം സ്വാഗതം ചെയ്തു. ഭാര്യക്ക് ലഭിച്ച മഹത്തായ അംഗീകാരമായാണ് ഇസ്രയേലിന്റെ തീരുമാനത്തെ കാണുന്നതെന്ന് സൗമ്യയുടെ ഭര്ത്താവ് സന്തോഷ് പ്രതികരിച്ചു. മകന് അഡോണിന്റെ സംരക്ഷണം സംബന്ധിച്ച കാര്യങ്ങളെ കുറിച്ചും എംബസി ഉദ്യോഗസ്ഥര് അറിയിച്ചതായും സന്തോഷ് കൂട്ടിച്ചേര്ത്തു.
അന്താരാഷ്ട്ര നഴ്സിംഗ് ദിനത്തിലാണ് ഹമാസ് തീവ്രാദികളുടെ മിസൈല് ആക്രമണത്തില് സൗമ്യ കൊല്ലപ്പെടുന്നത്. ഇസ്രായേലിന്റെ നൊമ്പരമാണ് ഇപ്പോഴും സൗമ്യ എന്ന് അവരുടെ പ്രവര്ത്തികളില് നിന്നും വ്യക്തമാണ്. ഭര്ത്താവ് സന്തോഷുമായി ഫോണില് സംസാരിച്ചു ഇരിക്കുമ്പോഴാണ് സൗമ്യ താമസിച്ചിരുന്ന സ്ഥലത്ത് ഹമാസിന്റെ റോക്കറ്റ് പതിച്ചത്. ഇസ്രയേല് ശക്തമായ ഭാഷയില് അതിന് ഹമാസിന് തിരിച്ചടി നല്കി.
എന്നാല് കേരളം വേണ്ട വിധത്തില് സൗമ്യക്ക് ആദരം നല്കിയോ എന്ന ചോദ്യം ഇപ്പോഴും നിലനില്ക്കുന്നുണ്ട്. കേരളത്തിലെ സര്ക്കാരും രാഷ്ട്രീയ പാര്ട്ടിക്കളും അനുശോചനം രേഖപ്പെടുത്തിയത് തന്നെ ആരയോ ഭയക്കുന്നത് പോലെയാണ്. സൗമ്യയുടെ മൃതദേഹം നാട്ടിലെത്തിയപ്പോള് സര്ക്കാര് പ്രതിനിധികളൊന്നും ആദരം അര്പ്പിക്കാന് എത്തിയില്ല. സര്ക്കാരിന്റെ ഭാഗത്ത് നിന്നും സൗമ്യയുടെ കുടുംബത്തിന് എതൊരു സഹായവും ഇതുവരെ പ്രഖ്യാപിക്കപ്പെട്ടില്ല. ഇതെല്ലാം സര്ക്കാരിനെതിരെ രൂക്ഷമായ വിമര്ശനത്തിന് ഇടയാക്കിയെങ്കിലും ഇതിനോട് പ്രതികരിക്കാന് സര്ക്കാര് വൃത്തങ്ങള് തയ്യാറാകുന്നില്ല. ഇതിനിടെയാണ് ഇസ്രയേല് വീണ്ടും സൗമ്യയെ ആദരിക്കുന്നതെന്നതും ശ്രദ്ധേയമാണ്.
അതേസമയം 11 ദിവസം നീണ്ടുനിന്ന ഇസ്രയേല്-പലസ്തീന് സംഘര്ഷത്തിന് വെടിനിര്ത്തല് പ്രഖ്യാപനത്തിലൂടെ അയവുവന്നിട്ടുണ്ട്. ഈ പതിനൊന്ന് ദിവസത്തനിടെ അവിടെ ഒഴുകിയ ചോരയ്ക്ക് കണക്കില്ല. ഐക്യരാഷ്ട്രസഭയുടെ കണക്കുപ്രകാരം 2008 മുതല് 2021 വരെയുള്ള 14 വര്ഷങ്ങളിലായി പോരാട്ടങ്ങളില് 5822 പലസ്തീനികള് മരിച്ചു. 1,23,113 പലസ്തീനികള്ക്ക് പരിക്കേറ്റു. 263 ഇസ്രയേലികള് മരിക്കുകയും 5,682 പേര്ക്ക് പരിക്കല്ക്കുകയും ചെയ്തു.
എന്നാല് വെടിനിര്ത്തലിന് പിന്നാലെയുണ്ടായ ആഘോഷങ്ങള് ഗാസയില് സംഘര്ഷത്തിലേക്ക് പോകുമെന്ന ആശങ്കള് ഉണ്ടാക്കിയെങ്കിലും അത് സംഭവിച്ചില്ല. അമേരിക്ക ഉള്പ്പെടെയുള്ള ലോകരാജ്യങ്ങള് സംഘര്ഷ സാധ്യത സസൂക്ഷ്മം വിലയിരുത്തുന്നുണ്ട്.
https://www.facebook.com/Malayalivartha