സോഷ്യൽമീഡിയയിൽ എപ്പോഴും ആക്ടിവായിരിക്കുന്ന കുടുംബമാണ് ബഷീർ ബഷിയും ഭാര്യമാരും. ബിഗ് ബോസ് ആദ്യ സീസണില്‍ ബഷീര്‍ മത്സരിച്ചതോടെയാണ് കുടുംബത്തിലെ വിശേഷങ്ങളെക്കുറിച്ചെല്ലാം പ്രേക്ഷകര്‍ കൂടുതലായി അറിയുന്നത്.

രണ്ട് വിവാഹം ചെയ്തിട്ടുണ്ടെന്നും രണ്ടുപേര്‍ക്കുമൊപ്പമായി സന്തുഷ്ടനായാണ് കഴിയുന്നതെന്നും താരം പറഞ്ഞിരുന്നു. തന്നെക്കണ്ട് ആരും അനുകരിക്കേണ്ട, കാര്യങ്ങള്‍ അത്ര എളുപ്പമല്ലെന്നും ബഷീര്‍ അന്ന് വ്യക്തമാക്കുകയും ചെയ്തിരുന്നു.

ബഷീറും ഭാര്യമാരുമെല്ലാം യൂട്യൂബ് ചാനലുമായി സജീവമാണ്. രണ്ടാം ഭാര്യയായ മഷൂറയ്ക്ക് അടുത്തിടെയാണ് 1 മില്യണ്‍ സബ്‌സ്‌ക്രൈബേഴ്‌സിനെ ലഭിച്ചത്. കുടുംബത്തിലെ വലിയ സന്തോഷത്തെക്കുറിച്ച് പറഞ്ഞുള്ള പോസ്റ്റുകളുമായും ഇവരെത്തിയിരുന്നു.

മകളായ സുനൈനയുടെ പിറന്നാളാഘോഷത്തെക്കുറിച്ചും, അതിനായി നടത്തിയ ഷോപ്പിംഗിനെക്കുറിച്ചും സുനുവിനെ അണിയിച്ചൊരുക്കിയതിനെക്കുറിച്ചുമൊക്കെയായിരുന്നു വീഡിയോ. എന്റെ മകള്‍ക്ക് 10 വയസ്സായി, എനിക്ക് ചുമ്മാ ഇരിക്കാന്‍ പറ്റുന്നില്ല, ഹാപ്പി ബര്‍ത്ത് ഡേ സുനുമോള്‍ എന്നായിരുന്നു ബഷീര്‍ കുറിച്ചത്.

ഞങ്ങളുടെ രാജകുമാരിക്ക് ആശംസകള്‍, നിന്നെ അത്രത്തോളം സ്‌നേഹിക്കുന്നുണ്ടെന്നായിരുന്നു സുഹാനയുടെ കമന്റ്. ഇന്നാണ് ഞങ്ങളുടെ മാലാഖയുടെ മുഖം ആദ്യമായി കാണുന്നത്. നീ ഒരിക്കലും ഞങ്ങള്‍ക്ക് വേണ്ടി വളരരുത് എന്നായിരുന്നു സുഹാന കുറിച്ചത്.

സുനിവിന് ആശംസ അറിയിച്ച് മഷൂറയും എത്തിയിരുന്നു. പിറന്നാള്‍ ദിനത്തില്‍ സുനുവിനെ അണിയിച്ചൊരുക്കിയതും മഷൂറയായിരുന്നു. ഈ വീഡിയോ മഷൂറ പങ്കുവെച്ചിരുന്നു. നിരവധി പേരാണ് സുനുവിന് ആശംസ അറിയിച്ചെത്തിയത്.