ഗാസയില്‍ എല്ലാ മനുഷ്യാവകാശങ്ങളും അന്താരാഷ്ട്ര ധാരണകളും ലംഘിച്ച് നടത്തുന്ന യുദ്ധത്തില്‍ പ്രതിഷേധിച്ച് ലാറ്റിനമേരിക്കന്‍ രാജ്യമായ കൊളംബിയ ഇസ്രായേലുമായുള്ള എല്ലാ നയതന്ത്ര ബന്ധവും അവസാനിപ്പിച്ചിരുന്നു . അന്താരാഷ്ട്ര തൊഴിലാളിദിനത്തില്‍ സംസാരിക്കവെ കൊളംബിയന്‍ പ്രസിഡന്റ് ഗുസ്താവോ പെട്രോയാണ് ഇക്കാര്യം ഉറക്കെ പ്രഖ്യാപിച്ചത്. ഗസ്സയിലെ ഇസ്രായേല്‍ അതിക്രമത്തിന് മുന്നില്‍ ലോകരാജ്യങ്ങള്‍ നിഷ്‌ക്രിയരായി നില്‍ക്കരുതെന്ന് അദ്ദേഹം ആവശ്യപ്പെട്ടിരുന്നു ഇപ്പോൾ ഇതാ വീണ്ടും അദ്ദേഹം ഇസ്രായേലിനെതിരെ പ്രത്യകിച്ച് ഇസ്രായേൽ പ്രധാനമന്ത്രി.

ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവിനെതിരെ കൊളംബിയൻ പ്രസിഡൻറ് ഗുസ്താവോ പെട്രോ വീണ്ടും വിംസാർശനവുമായി രംഗത്ത് വന്നിരിക്കുകയാണ് . നിരപരാധികളായ ആയിരക്കണക്കിന് കുട്ടികളുടെയും സ്ത്രീകളുടെയും വയോധികരുടെയും മേൽ ബോംബ് വർഷിക്കുന്നത് നിങ്ങളെ ഹീറോ ആക്കില്ലെന്നായിരുന്നു അദ്ദേഹത്തിന്റെ പ്രതികരണം. ചരിത്രം നിങ്ങളെ വംശഹത്യക്കാരനായി രേഖപ്പെടുത്തുമെന്നും അദ്ദേഹം പറഞ്ഞു.

‘മിസ്റ്റർ നെതന്യാഹു, ചരിത്രം നിന്നെ വംശഹത്യക്കാരനായി അടയാളപ്പെടുത്തും. യൂറോപ്പിൽ ദശലക്ഷക്കണക്കിന് ജൂതന്മാരെ കൊന്നൊടുക്കിയവരെ (നാസികൾ) പോലെയാണ് നിങ്ങൾ. വംശഹത്യക്കാരൻ, അവർ ഏത് മതക്കാരനായാലും മതമില്ലാത്തവനായാലും, വംശഹത്യക്കാരൻ തന്നെയാണ്. കൂട്ടക്കൊല അവസാനിപ്പിക്കാനെങ്കിലും ശ്രമിക്കൂ’ -എന്നും ഗുസ്താവോ പെട്രോ വ്യക്തമാക്കി.