ദാവൂദ് ഇബ്രാഹിമിന് പാകിസ്ഥാനില് സുഖജീവിതം, ഭാര്യയെ വിളിച്ച മാധ്യമപ്രവര്ത്തകര് ഞെട്ടി
ദാവൂദ് ഇബ്രാഹിം പാകിസ്ഥാനിലെ കറാച്ചിയിലുണ്ടെന്നതിനെ സംബന്ധിച്ച കൂടുതല് വതെളിവുകള് പുറത്ത്. ദാവൂദിന്റെ കറാച്ചിയിലെ താമസസ്ഥലത്ത്, ഭാര്യ മെഹ്ജബിന് ഷെയ്ഖിന്റെ പേരിലുള്ള ടെലഫോണ് ബില്ലിന്റെ പകര്പ്പ് കഴിഞ്ഞ ദിവസം ഇന്ത്യന് രഹസ്യാന്വേഷണ ഏജന്സി പുറത്തുവിട്ടിരുന്നു. ഈ നമ്പറിലേക്ക് മാദ്ധ്യമപ്രവര്ത്തകര് വിളിച്ചപ്പോള് ദാവൂദ് ഇബ്രാഹിമിന്റെ ഭാര്യ മെഹ്ജബിന് ഷെയ്ഖാണ് ഫോണെടുത്തത്. ദാവൂദ് ഇബ്രാഹിമിന്റെ ഭാര്യയാണോയെന്ന് ചോദിച്ചപ്പോള് അതേയെന്നും അദ്ദേഹം ഉറങ്ങുകയാണെന്നും ഒരു സങ്കോചവും കൂടാതെ മെഹ്ജബിന് ഷെയ്ഖ് ചോദ്യങ്ങള്ക്ക് മറുപടി പറയുകയായിരുന്നു. ഇന്ത്യ തിരയുന്ന കൊടുംഭീകരന് ദാവൂദ് ഇബ്രാഹിമിന്റെ ഭാര്യയുമായി ദേശീയ മാദ്ധ്യമങ്ങളിലെ റിപ്പോര്ട്ടര്മാര് നടത്തിയ ഫോണ്സംഭാഷണമാണിത്
നിങ്ങള് മെഹ്ജബിന് ഷെയ്ഖ് ആണോ?
ഉ: അതേ
?: നിങ്ങള് ഇപ്പോള് കറാച്ചിയിലല്ലേ ?
ഉ: അതെ, നിങ്ങളാരാണ്?
?: നിങ്ങള് ദാവൂദ് ഇബ്രാഹിമിന്റെ ഭാര്യയല്ലേ?
ഉ: അതെ,
?: ഫോണ് അദ്ദേഹത്തിനു കൊടുക്കാമോ?
ഉ: അദ്ദേഹം ഉറങ്ങുകയാണ്.
്. പിടികിട്ടാപ്പുള്ളി ദാവൂദ് ഇബ്രാഹിം പാകിസ്ഥാനില് സ്വതന്ത്രമായി വിഹരിക്കുന്നുവെന്ന് വ്യക്തമാക്കുന്നതായിരുന്നു മെഹ്ജബിന്റെ സംഭാഷണം. എന്നാല്, പിന്നീട് മറ്റൊരു മാദ്ധ്യമപ്രവര്ത്തകന് ഇതേ നന്പറില് ബന്ധപ്പെട്ടപ്പോള് മറുതലയ്ക്കല് മറ്റൊരു സ്ത്രീയാണ് ഫോണ് എടുത്തത്. അല്പം സംശയത്തോടെയാണ് അവര് സംസാരിച്ചത്. ദാവൂദിനോട് സംസാരിക്കാന്കഴിയുമോ എന്നു ചോദിച്ചപ്പോള് പിന്നീട് വിളിയ്ക്കു എന്നായിരുന്നു മറിപടി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha