ഓണത്തിന്റെ നിറം പ്രേമമായി; കാമ്പസ് നിറയെ മലരുമാരും ജോര്‍ജുമാരും
കോളേജുകളില്‍ ഇത് ഓണക്കാലമാണ്. മലരും ജോര്‍ജും സ്റ്റൈലിലാണ് പെണ്‍കുട്ടികളും ആണ്‍കുട്ടികളും. പയ്യന്‍മാര്‍ കറുത്ത ഷര്‍ട്ടും മുണ്ടും കൂളിംഗ് ഗ്ലാസും വച്ച് അരങ്ങ് തകര്‍ക്കുമ്പോള്‍ പെണ്‍കുട്ടികള്‍ സാരി ചുറ്റി മുടി മുന്നിലോട്ട് ഇട്ടാണ് ക്യാമ്പസില്‍ എത്തുന്നത്.
തിരുവനന്തപുരം എഞ്ചിനീറിംഗ് കോളേജില്‍ അപകടം ഉണ്ടായിട്ടും അതേ മോഡയില്‍ തന്നയാണ് പല കാമ്പസുകളും ഓണം ആഘോഷിക്കുന്നത്.
അടൂര്‍ ഐ.ച്ച്.ആര്‍.ഡി എന്‍ജിനിയറിങ് കോളജിലെ കഴിഞ്ഞ ദിവസത്തെ ഓണാഘോഷം ഏറെ ശ്രദ്ധിക്കപ്പെട്ടു. കോളജിനു സമീപത്തുകൂടി പോയ ഫയര്‍ഫോഴ്‌സ് വാഹനത്തില്‍ കയറിയ വിദ്യാര്‍ഥികള്‍ അനുവാദമില്ലാതെ വെള്ളം പമ്പുചെയ്തു. ഫയര്‍ഫോഴ്‌സ് ഉദ്യോഗസ്ഥരും പോലീസും നോക്കി നില്‍ക്കയായിരുന്നു ഇത്. തുടര്‍ന്ന് അതുവഴി എത്തിയ കെ.എസ്.ആര്‍.ടി.സി ബസ് തടഞ്ഞുനിര്‍ത്തിയ വിദ്യാര്‍ഥികള്‍ ബസ് കോളേജ് കാമ്പസിലേക്ക് തിരിച്ചുവിടാന്‍ നിര്‍ദേശിച്ചു. തിരുവനന്തപുരം സി.ഇ.ടി എന്‍ജിനിയറിങ് കോളജില്‍ വിദ്യാര്‍ഥിനിയുടെ മരണത്തിനിടയാക്കിയ ഓണാഘോഷത്തോട് കിടപിടിക്കുന്ന രീതിയില്‍ കഴിഞ്ഞ വെള്ളിയാഴ്ചയാണ് സംഭവം. ![\"\"](\"/userfiles/2aa.jpg\")
മലയാള ചലച്ചിത്രങ്ങളായ സ്ഫടികവും പ്രേമവും അനുകരിച്ചാണ് ഇക്കുറി കാമ്പസുകളില്‍ ഓണാഘോഷം വിദ്യാര്‍ഥികള്‍ കൊഴുപ്പിച്ചത്. വസ്ത്രധാരണം പ്രേമത്തിലെ നിവിന്‍ പോളിയെ അനുകരിച്ചപ്പോള്‍ ചെകുത്താന്‍ എന്ന് എഴുതിയ ലോറി സ്ഫടികത്തിന്റെ ഹാങ്ങോവറായി. സി.ഇ.ടിയിലുംആഘോഷത്തിന് മാറ്റുകൂട്ടാന്‍ ചെകുത്താന്‍ ലോറിയുണ്ടായിരുന്നു.
തിരുവനന്തപുരം എന്‍ജിനിയറിങ് കോളജില്‍ നടന്ന ദുരന്തത്തിന്റെ പശ്ചാത്തലത്തില്‍ ആവശ്യത്തിന് സുരക്ഷാ നടപടികള്‍ പോലും സ്വീകരിക്കാന്‍ പോലീസ് തയാറാകാതിരുന്നതിനെ നാട്ടുകാര്‍ വിമര്‍ശിച്ചു. വരും വര്‍ഷങ്ങളിലും കോളജ് കാമ്പസ് കേന്ദ്രീകരിച്ച് ഇത്തരത്തിലുള്ള ഓണാഘോഷ പരിപാടികള്‍ നടപ്പാക്കാന്‍ പ്രചോദനം നല്‍കുന്ന നടപടിയായിരുന്നു പോലീസിന്റെ ഭാഗത്തുനിന്ന് ഉണ്ടായതെന്ന് വിമര്‍ശനമുണ്ട്. സംഭവം ഇനിയും ആര്‍.ടി.ഒ അറിഞ്ഞിട്ടില്ലെന്നതാണ് ഗൗരവകരമായ കാര്യം.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
