സാഹചര്യ തെളിവുകള് എല്ലാം എതിര്... ചിക്കുവിന്റെ ഭര്ത്താവ് ലിന്സന് റിമാന്റില്
സാഹചര്യ തെളിവുകളെല്ലാം എഥിരായതോടെ ലിന്സന്റെ വാതിലുകള് അടഞ്ഞു. ഒമാനില് കൊല്ലപ്പെട്ട മലയാളി നഴ്സ് ചിക്കുവിന്റെ ഭര്ത്താവ് ലിന്സന് റിമാന്റില്. ഒമാന് റോയല് പോലീസാണ് സാഹചര്യ തെളിവുകളുടെ അടിസ്ഥാനത്തില് ലിന്സനെ റിമാന്റ് ചെയ്തിരിക്കുന്നത്.
ഏഴ് മാസം ഗര്ഭിണിയായിരുന്ന ചിക്കുവിനെ ഏപ്രില് 20 ന് ആയിരുന്നു കുത്തേറ്റ് മരിച്ച നിലയില് കണ്ടെത്തിയത്. സംഭവത്തിന് പിന്നാലെ തൊട്ടടുത്ത ഫഌറ്റിലെ പാകിസ്താനിയെ പോലീസ് അറസ്റ്റ് ചെയ്തുവെങ്കിലും തെളിവുകളുടെ അഭാവത്തില് വിട്ടയയ്ക്കുകയായിരുന്നു.
ചിക്കുവിന്റെ ശരീരത്തില് നിന്നും ലിന്സന്റെ വിരല്പ്പാടുകള് മാത്രമാണ് കണ്ടെത്താന് സാധിച്ചിട്ടുള്ളത്. ഇതാണ് അന്വേഷണം ഇയാള്ക്കെതിരെ തിരിയാന് കാരണം. അതേസമയം, ചിക്കുവിന്റെ ശരീരത്തില് നിന്നും നഷ്ടപ്പെട്ട സ്വര്ണ്ണാഭരണങ്ങള് ലിന്സനില് നിന്നും കണ്ടെടുക്കാന് പോലീസിന് കഴിഞ്ഞിട്ടില്ല.
കഴിഞ്ഞ ഏപ്രില് 20നാണ് താമസസ്ഥലത്ത് കറുകുറ്റി അയിരൂക്കാരന് വീട്ടില് റോബര്ട്ടിന്റെ മകള് ചിക്കു (27)നെ കൊല്ലപ്പെട്ട നിലയില് കണ്ടെത്തിയത്. ഭര്ത്താവ് ലിന്സന് സംഭവ സമയത്ത് ആശുപത്രിയില് ഡ്യൂട്ടിയിലായിരുന്നു.
കൊലപാതകത്തിന്നു ശേഷം ചിക്കുവിന്റെ കാതിലെ കമ്മല് അടക്കം 12 ഓളം പവന് സ്വര്ണവും അപഹരിക്കപ്പെട്ടിരുന്നു. സംഭവം നടന്ന് 50 ദിവസം പിന്നിട്ടിട്ടും കൊലപാതകിയെക്കുറിച്ച് കേസ് അന്വേഷിക്കുന്ന ഒമാന് റോയല് പോലീസിന് തെളിവുകള് ഒന്നും ലഭിച്ചിട്ടില്ല. കൊലപാതകവുമായി ബന്ധപ്പെട്ട് നാലായിരത്തോളം പേരെ പോലീസ് ചോദ്യം ചെയ്തിരുന്നു. പ്രതിയെക്കുറിച്ചോ കൊലപാതകത്തിലേക്ക് നയിച്ച കാര്യങ്ങളിലോ യാതൊരു സൂചനയും അന്വേഷണ ഉദ്യോഗസ്ഥര്ക്ക് ലഭ്യമായിട്ടില്ല.
ഏപ്രില് 20ന് തന്നെ ഭര്ത്താവ് ലിന്സനെ ചോദ്യം ചെയ്യുന്നതിനായി പോലീസ് കസ്റ്റഡിലെടുത്തിരുന്നു. ചിക്കു ജോലിക്ക് എത്തേണ്ട സമയമായിട്ടും കാണാഞ്ഞതിനെ തുടര്ന്ന് ഫ്ലാറ്റിലെത്തിയപ്പോഴാണ് കൊല്ലപ്പെട്ട നിലയില് കണ്ടെത്തിയത്. ചിക്കുവിന്റെ ശരീരത്തു നിന്നും ലിന്സന്റെ വിരലടയാളം മാത്രമാണ് അന്വേഷണ ഉദ്യോഗസ്ഥര്ക്ക് ലഭിച്ചിട്ടുള്ളത്. മറ്റു തെളിവുകളോ സൂചനകളോ ലഭ്യമല്ലാത്തതിനാല് ലിന്സനെ പ്രതിയാക്കിയാണ് അന്വേഷണം നടക്കുന്നത്. കൊലപാതകം നടത്തിയവര് വളരെ ആസൂത്രിതമായിട്ടാണ് കൃത്യം നിര്വഹിച്ചിട്ടുള്ളത്. ഇതാണ് ലിന്സനെ പ്രതി ക്കൂട്ടില് നിറുത്തുന്നതും. ലിന്സന്റെ ബന്ധുക്കളും സുഹൃത്തുക്കളും കിണഞ്ഞു ശ്രമിച്ചിട്ടും ലിന്സന്റെ റിമാന്ഡില് ഒഴിവാക്കാനായില്ല. സാഹചര്യ തെളിവുകള് ലിന്സനെതിരാണെന്നാണ് ഒമാന് റോയല് പോലീസിന്റെ വിശദീകരണം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha