ഇടപെട്ടിട്ടില്ലെങ്കില് നടിയെ തട്ടിക്കൊണ്ടു പോകല് മാത്രമല്ല സിനിമാ ലൊക്കേഷനില് വച്ചു പോലും പീഡനങ്ങള് ഉണ്ടായേക്കാം: മലയാളി വാര്ത്തയോട് നിജസ്ഥിതി വിവരിച്ച് ബൈജു കൊട്ടാരക്കര
സിനിമാ രംഗത്ത് ഇതു പോലെയുള്ള സംഭവങ്ങളില് ഇടപെട്ടില്ലായെങ്കില് നടിയെ തട്ടിക്കൊണ്ടു പോകല് മാത്രമല്ല സിനിമാ ലൊക്കേഷനില് വച്ചു പോലും പീഡനങ്ങള് ഉണ്ടായേക്കാമെന്ന് പ്രമുഖ സംവിധായകനും മാക്ട സെക്രട്ടറിയുമായ ബൈജു കൊട്ടാരക്കര. മലയാളി വാര്ത്തയ്ക്ക് അനുവദിച്ച പ്രത്യേക അഭിമുഖത്തിലാണ് ബൈജു സിനിമാ വിശേഷങ്ങള് തുറന്ന് പറഞ്ഞത്.
കൊച്ചിയില് നടിക്കുണ്ടായ അനുഭവത്തിന്റെ സമാനരീതിയില് വേറൊരു സംഭവം കൂടിയുണ്ടായിട്ടുണ്ട്. ഒരാഴ്ചയ്ക്കു മുമ്പ് ഒരു പ്രമുഖ നടനും 2 പ്രൊഡക്ഷന് കണ്ട്രോളറും ചേര്ന്ന് എറണാകുളത്ത് പ്രൊഡക്ഷന് അസോസിയേഷന് ഓഫീസില് വച്ച് ആരുമറിയാതെ ഒരു മീറ്റിംഗ് കൂടിയതിനുശേഷം അനൗദ്യോഗികമായി 350 രൂപ വച്ച് ഓരോ ഡ്രൈവര്ക്കും ശമ്പളം കൂട്ടി കൊടുക്കാനായി തീരുമാനിച്ചു. ഇതിന്റെയെല്ലാം പിന്നില് ക്രിമിനലുകളെയെല്ലാം വളര്ത്താനായി ഒരു സംഘടന തന്നെയുണ്ട് എന്ന് ഇതില് നിന്നും മനസ്സിലാക്കാം.
ഇതിനുത്തരം പറയേണ്ടത് ഫെഫ്കസംഘടനയാണ്. ഈ നടിക്ക് എന്തെങ്കിലും പ്രശ്നമുണ്ടായിട്ടുണ്ടെങ്കില് അതിനും മറുപടി പറയേണ്ടത് ഫെഫ്ക സംഘടന നേതൃത്വമാണ്. പള്സര് സുനി പ്രമുഖരായ ചില നടന്മാരുടെ ഡ്രൈവറായി ജോലി ചെയ്തിരുന്നു. ഇതിനു മുമ്പ് പ്രമുഖ നടിയെ തട്ടിക്കൊണ്ടു പോകാനും ശ്രമിച്ചിരുന്നു. അതേ പ്രവണതയാണ് ഇപ്പോഴും ആവര്ത്തിച്ചത്. ഇങ്ങനെ പല പല പ്രശ്നങ്ങളും ഉണ്ടാക്കുന്ന ഒരു ഡ്രൈവറെ എന്തിനാണ് ഈ സംഘടന നിലനിര്ത്തിയിരിക്കുന്നത്.
ഒരു സിനിമയില് അഭിനയിക്കുമ്പോള് അവരെ രാത്രിയായാല് അവരെ വീടുകളില് എത്തിക്കേണ്ടത് പ്രൊഡക്ഷന് കണ്ട്രോളറുടെയും മാനേജരുടെയും ഉത്തരവാദിത്തമാണ്. എന്നാല് കഴിഞ്ഞ ദിവസമുണ്ടായ സംഭവത്തില് ക്രിമിനലായ ഡ്രൈവറോടൊപ്പം നടിയെ രാത്രിയില് ഒറ്റയ്ക്ക് യാത്ര ചെയ്യാനനുവദിച്ചതില് നിഗൂഢമായ ഗൂഢാലോചനയുള്ളതായി മനസ്സിലാക്കാം. ഇതിന്റെ പിന്നിലെ സത്യാവസ്ഥയെന്തെന്ന് പ്രൊഡക്ഷന് കണ്ട്രോളര്ക്കും പ്രൊഡക്ഷന് മാനേജര്ക്കുമറിയാം . ഇതിന്റെ പിന്നില് വളരെ വ്യക്തമായി തയ്യാറെടുപ്പുകള് മുമ്പേ ഉണ്ടായിരുന്നു. ഇതുപോലെ മുമ്പും ഡ്രൈവര്മാരില് നിന്ന് പല സംഭവങ്ങള് ഉണ്ടായിട്ടുണ്ട് . ലാല് ജോസിനെ ഒരു ഡ്രൈവര് കാറിനകത്തു നിന്നും പിടിച്ച് വലിച്ചിറക്കിയിരുന്നു. ഈ സംഭവത്തെ തുടര്ന്ന് ഫെഫ്കയിലെ ഡ്രൈവര് അസോസിയേഷനെ പിരിച്ചു വിട്ടിരുന്നു. ഈ പിരിച്ചുവിട്ടവരെയെല്ലാം മെമ്പര്ഷിപ്പ് കൊടുത്ത് വീണ്ടും ജോലിയില് പ്രവേശിപ്പിച്ചു.
മാക്ട ഫെഡറേഷന് സംഘടന വന്നതിനുശേഷം എല്ലാം വളരെ കര്ശനമായിരുന്നു. എന്തു പ്രശ്നങ്ങളുണ്ടായാലും അതില് ഇടപെടുകയും കാര്യങ്ങള് ഒത്തുതീര്പ്പിലാക്കുകയും ചെയ്യും. ഇതിനിടയ്ക്ക് ഒരു പ്രൊഡ്യൂസറിനെ ബഹുമാനിച്ചില്ലെന്ന കാരണത്താല് ഒരു ഡ്രൈവറെ സസ്പെന്റ് ചെയ്യുകയും ശേഷം ഓഫീസില് വന്ന് മാപ്പു പറഞ്ഞതിനുശേഷമാണ് വീണ്ടും ജോലിയ്ക്ക് എടുത്തത്. എന്നാല് ഈ സംഘടന ചിലരുടെ നിര്ദ്ദിഷ്ട താത്പര്യപ്രകാരം പിളര്ന്ന് ഫെഫ്ക സംഘടനയായി രൂപീകരിച്ചു.
ആ സംഘടനയിലാണ് ഈ ഡ്രൈവര്മാരെ ഒരു ലക്ഷം രൂപ വാങ്ങി മെമ്പര്ഷിപ്പ് കൊടുക്കും. ക്രിമിനലുകളെയും സാമൂഹ്യ ദ്രോഹികളെയുമൊക്കെ ഒരു ലക്ഷം വാങ്ങി ഡ്രൈവര്മാരായി നിയമിക്കുന്നു. ഡ്രൈവര്മാരുടെ മുന്കാല ചരിത്രങ്ങളൊന്നും ആരും നോക്കാറില്ല. അവരെകുറിച്ച് കൂടുതലൊന്നും ചോദിക്കാതെയാണ് നിയമിക്കുന്നത്. ആ ഡ്രൈവര്മാര്ക്കെല്ലാം അവരുടെ ഇഷ്ടപ്രകാരം എല്ലാ കാര്യങ്ങള് ചെയ്യുന്നതിനും അനുവാദമുണ്ടായിരുന്നു. കൂടാതെ അവര്ക്ക് യാതൊരു വിധ നിയന്ത്രണങ്ങളുമില്ലായിരുന്നു. അവരവരുടെ ഇഷ്ടപ്രകാരം എന്തും ചെയ്യാമെന്ന അവസ്ഥയായിരുന്നു.
എന്നാല് മാക്ടയില് ഓരോ ഡ്രൈവര്മാരില് നിന്നും 1000 രൂപ വച്ച് മെമ്പര്ഷിപ്പ് വാങ്ങുകയും അവരുടെ മുന്കാലചരിത്രങ്ങളെല്ലാം നോക്കിയതിനു ശേഷമേ നിയമിക്കാറുള്ളൂ.
ഈ പ്രമുഖ നടിയ്ക്കുണ്ടായ സംഭവം സിനിമാ പ്രവര്ത്തകര്ക്കിടയിലുള്ളവര് തന്നെ ക്വട്ടേഷന് കൊടുത്തതാവാം അതിനുചെയ്യേണ്ടത് ഇതുമായി ബന്ധപ്പെട്ട പ്രൊഡക്ഷന് കണ്ട്രോളര്, പ്രൊഡക്ഷന് എക്സിക്യൂട്ടീവ്സ് തുടങ്ങിയവരെ ചോദ്യം ചെയ്താല് ഈ കേസിന്റെ ചുരുളഴിയും. ഇപ്പോഴുള്ള പുതിയ തലമുറയിലെ ചില ആളുകള് കഞ്ചാവും കള്ളും കൂടുതലായി ഉപയോഗിക്കുന്ന ഒരു മേഖലയായി മാറി കഴിഞ്ഞു സിനിമ മേഖല. ഇതിനെ മുളയിലേ നുള്ളിയില്ലെങ്കില് വരും കാലങ്ങളില് ബോംബെ അധോലോകം പോലെ മലയാള സിനിമ നശിച്ചു പോകാന് അല്ലെങ്കില് അതെ രീതിയില് വരന് സാധ്യത മുന്നില് കാണുന്നുണ്ട്. ഈ അടുത്തകാലത്തു കൊച്ചിയില് റെയിഡ്ഡ് നടത്തി കുറെ പേരെ പിടിച്ചിരുന്നു. ഇപ്പോള് ആ കേസിന്റെ യാതൊരു അറിവുമില്ലെന്നും ബൈജു കൊട്ടാരക്കര പറഞ്ഞു.
https://www.facebook.com/Malayalivartha