ഒരു കാമുകനെക്കുറിച്ച് വെളിപ്പെടുത്തുന്നതിന് 43 കോടി രൂപ നല്കണം
നടിയും പാട്ടുകാരിയുമൊക്കെയായ ലിന്ഡ്സേ ലോഹന് എന്നും ഹോളിവുഡ് ആരാധകര്ക്ക് പ്രിയപ്പെട്ട വിഷയമാണ്. താരത്തിന്റെ പുതിയ കാമുകനെ കുറിച്ചറിയാന് താരം ചോദിച്ച പ്രതിഫലം കേട്ടാല് കണ്ണുതള്ളും. അഞ്ചു ലക്ഷം പൗണ്ട് (ഏകദേശം നാല്പ്പത്തിമൂന്നു കോടി രൂപ). ഒരു കാമുകനെ കുറിച്ച് വെളിപ്പെടുത്താനായിരുന്നു ഈ തുക ചോദിച്ചത്.
എന്നാല് ഒരു ഇന്റര്വ്യൂ നല്കുന്നതിന് മാത്രമാണോ ഈ തുക ചോദിച്ചതെന്ന് ചിന്തിച്ചേക്കാം. എന്നാല് റഷ്യയിലെ പ്രമുഖ ചാനല് ഇന്റര്വ്യുവിനു വേണ്ടി സമീപിച്ചപ്പോഴാണ് നടി ആവശ്യങ്ങളുടെ നീണ്ട നിര പറഞ്ഞത്. കോടികള്ക്കു പുറമേ നടിക്ക് പ്രൈവറ്റ് ജെറ്റ്, സെക്യുരിറ്റി, ഒരു വര്ഷത്തേയ്ക്ക് റഷ്യന് വിസ, മേക്കപ്പ് ക്രൂ, ലക്ഷ്വറിയുടെ അവസാന വാക്കായ റിറ്റ്സ്കാര്ട്ടണില് ഫഌറ്റ് എന്നിവയാണ് മുന്നോട്ട് വെച്ച ആവശ്യങ്ങള്. ഇതൊക്കെ കേട്ടിട്ട് ചാനല് നടിയെ ഉപേക്ഷിച്ചു പോയെന്ന് കരുതിയെങ്കില് തെറ്റി.നടിയുമായി സംസാരിച്ച് പല കാര്യങ്ങളും സമ്മതിച്ച് പ്രത്യേക ഷോ അവതരിപ്പിക്കാനുള്ള തയ്യാറെടുപ്പിലാണ് ചാനല്.
റഷ്യയില് ഏറ്റവും കൂടുതല് ആരാധകരുള്ള ടിവി ഷോ ആണിത്. ഷോയില് ലിന്ഡ്സെ മനസ്സു തുറക്കുന്നത് റഷ്യക്കാരനായ എഗോര് ടറബ്സോവുമായുള്ള പ്രണയത്തെക്കുറിച്ചായിരിക്കും എന്ന് വ്യക്തമാക്കി കഴിഞ്ഞു. 22വയസ്സുകാരനായ ടറബ്സോവുമായി വിവാഹ നിശ്ചയം വരെയെത്തിയ ബന്ധം അടുത്ത കാലത്താണ് തകര്ന്നത്. റഷ്യയിലെ കോടീശ്വരനായ ഇയാളുമായി ലണ്ടനില് വെച്ചാണ് ലിന്ഡ്സെ പരിചയപ്പെട്ടത്. സ്വകാര്യ ചിത്രങ്ങള് പുറത്തു വിട്ടു നടി തന്നെയാണ് പ്രണയം ലോകത്തെ അറിയിച്ചതും. കഥകള് പ്രേഷകര് ഏറ്റെടുക്കുമെന്ന പ്രതീക്ഷയിലാണ് ചാനലുകാര്.
https://www.facebook.com/Malayalivartha