ആരാധികയായ വയോധികയോട് നര്മസല്ലാപം നടത്തുന്ന ലാലേട്ടന്
ആരാധികയായ വയോധികയോട് നര്മസല്ലാപം നടത്തുന്ന മോഹന്ലാലിന്റെ ചിത്രങ്ങളും വീഡിയോകളുമാണ് ഇപ്പോള് സോഷ്യല് മീഡിയയില് വൈറലാകുന്നത്. സ്നേഹം പ്രകടിപ്പിച്ച ആരാധികയോട് 'പോരുന്നോ എന്റെ കൂടെ' എന്നാണ് താരം ചോദിച്ചത്. അതിനുമറുപടിയായി ആരാധിക ഇല്ലെന്നും പറഞ്ഞിരുന്നു. ഇതോടെ വീഡിയോ കാണാനായി ലക്ഷക്കണക്കിനാളുകളാണ് ഇന്സ്റ്റഗ്രാമില് എത്തിച്ചേര്ന്നത്.
തരുണ് മൂര്ത്തി സംവിധാനം ചെയ്യുന്ന പുതിയ ചിത്രത്തിന്റെ പൂജാ ദിനത്തിലാണ് മോഹന്ലാലിനെ കാണാനായി ആരാധിക എത്തിയത്. ഷൂട്ടിംഗ് കഴിഞ്ഞ് മടങ്ങാനായി കാറില് കയറാനായി പോയ താരത്തിന്റെ സമീപത്തേക്ക് ആരാധിക എത്തുകയായിരുന്നു. മോഹന്ലാലിനെ കണ്ടതിലുളള സന്തോഷത്തില് അവര് താരത്തെ സ്പര്ശിക്കുകയും തലോടുകയും ചെയ്തു. ഇതോടെയാണ് താരം പോരുന്നോ തന്റെ കൂടെയെന്ന് ചോദിച്ചത്. ആദ്യം അവര് ഇല്ലെന്ന് മറുപടി പറഞ്ഞെങ്കിലും പിന്നീട് വന്നേക്കാട്ടോയെന്ന് മറുപടി തിരുത്തി പറയുകയായിരുന്നു. തുടര്ന്ന് വയോധികയോട് ഏറെനേരം സംസാരിച്ചതിനുശേഷമാണ് മോഹന്ലാല് മടങ്ങിയത്.
https://www.facebook.com/Malayalivartha
