കന്നഡ നടനും സംവിധായകനും നിര്‍മാതാവുമായ ദ്വാരകിഷ് (ബംഗിള്‍ ഷമ റാവു ദ്വാരകാനാഥ് ,- 81) അന്തരിച്ചു. ഹൃദയാഘാതത്തെ തുടര്‍ന്നാണ് അന്ത്യം. നൂറിലേറെ ചിത്രത്തില്‍ അഭിനയിച്ചു.

അമ്പതോളം ചിത്രത്തിന്റെ നിര്‍മാതാവും സംവിധായകനുമാണ്. 1942ല്‍ മൈസൂരുവിലെ ഹുന്‍സുരിലാണ് ജനനം. 1966ല്‍ തുംഗ പിക്ചേഴ്സിന്റെ ബാനറില്‍ പുറത്തിറങ്ങിയ മമതേയ ബന്ധനയുടെ സഹനിര്‍മാതാവായാണ് ചലച്ചിത്രരംഗത്തെത്തിയത്.

1969ല്‍ ആദ്യമായി സ്വതന്ത്ര നിര്‍മാതാവായ മേയര്‍ മുത്തണ്ണ സൂപ്പര്‍ ഹിറ്റായതോടെ ചലച്ചിത്രരംഗത്ത് ചുവടുറപ്പിച്ചു. അഭിനേതാവായി തിളങ്ങിയ ദ്വാരകിഷ് ഹാസ്യവേഷങ്ങളിലൂടെയാണ് കൂടുതല്‍ ജനപ്രീതി നേടിയത്.