ആരോഗ്യമേകും ഏഴ് മാര്ഗങ്ങള്
പലരും ആരോഗ്യം ശ്രദ്ധിക്കാറില്ല. അതിനുളള സമയം കിട്ടുന്നില്ല എന്നതാണ് കാരണം. എന്നാല് ഇത് പല രോഗങ്ങള്ക്കും കാരണമാകുന്നു. പെട്ടെന്ന് ഒരു ദിവസം ശ്രദ്ധിക്കേണ്ടതല്ല ആരോഗ്യം. ചെറുപ്പം മുതല്ക്കേ ഹൃദയാരോഗ്യം ശ്രദ്ധിച്ചാല് മധ്യവയസ്സിലെത്തുമ്പോഴേക്കും തലച്ചോറിന്റെ ആരോഗ്യം മികച്ചതായിരിക്കുമെന്നു ഗവേഷകരുടെ അഭിപ്രായം. കൊളസ്ട്രോള് പരിശോധിക്കുക, രക്തസമ്മര്ദം നിയന്ത്രിക്കുക, രക്തത്തിലെ പഞ്ചസാരയുടെ അളവ് കുറയ്ക്കുക, ആരോഗ്യകരമായ ഭക്ഷണം ശീലിക്കുക, ശരീരഭാരം കുറയ്ക്കുക, പുകവലിക്കാതിരിക്കുക, ചുറുചുറുക്കോടെ കാര്യങ്ങള് ചെയ്യുക ഇവയാണ് ആരോഗ്യ ഘടകങ്ങള്.
ഓക്സിജന് ഏറ്റവും കൂടുതല് ആവശ്യമുള്ള ഭാഗം തലച്ചോറാണ്. ഉദാഹരണമായി വ്യായാമം, ഹൃദയമിടിപ്പ് വേഗത്തിലാക്കുന്നു. ഇത് തലച്ചോറിലുള്ള രക്തപ്രവാഹവും ഓക്സിജന്റെ അളവും കൂട്ടുന്നു. പഠനത്തിനായി ഏതാണ്ട് 51 വയസ്സ് പ്രായമുള്ള 518 പേരെ 30 വര്ഷക്കാലം നിരീക്ഷിച്ചു. പഠനം ആരംഭിച്ചപ്പോള് സ്ത്രീ പുരുഷന്മാരുടെ നിരവധി ആരോഗ്യ സൂചകങ്ങള് അളന്നു. ഓരോ രണ്ടു വര്ഷം മുതല് അഞ്ചു വര്ഷം വരെയും തുടര് പരിശോധനകള് നടത്തി. തലച്ചോര് സ്കാന് ചെയ്തു. ആരോഗ്യത്തിന്റെ 7 ലളിത മാര്ഗങ്ങളെ എല്ലാവരും എങ്ങനെ പിന്തുടരുന്നു എന്നതിന് 0 മുതല് 14 വരെ സ്കോര് എല്ലാവരും നേടി.
പഠനത്തിന്റെ തുടക്കത്തില് നന്നായി സ്കോര് ചെയ്തവര്ക്ക് മധ്യവയസ്സ് എത്തിയപ്പോഴേക്കും തലച്ചോറിന്റെ വ്യാപ്തം കൂടുതല് ഉള്ളതായി കണ്ടു. ഈ ഏഴുമാര്ഗങ്ങളില് ഓരോ പോയിന്റ് കുറയുമ്പോഴും ഒരു വര്ഷവുമായി ബന്ധപ്പെട്ട തലച്ചോര് ചുരുങ്ങുന്നതായി കണ്ടു. തലയുടെ വലുപ്പവുമായി താരതമ്യപ്പെടുത്തുമ്പോള് തലച്ചോറിന്റെ ഉയര്ന്ന വ്യാപ്തം മികച്ച ആരോഗ്യത്തിന്റെ ലക്ഷണമാണ്. വെസ്റ്റേണ് യൂണിവേഴ്സിറ്റിയിലെ ഫെയ്ന്ബെര്ഗ് ബാന്ക്സ് പറയുന്നു. തലച്ചോറിന്റെ കുറഞ്ഞ വ്യാപ്തം മരണവും വൈകല്യവുമായും ബന്ധപ്പെട്ടിരിക്കുന്നു. തലച്ചോറിന്റെ വ്യാപ്തം കുറയുന്നതും കുറഞ്ഞ ബൗദ്ധിക പ്രവര്ത്തനവും മധ്യവയസ്സിനു ശേഷം പക്ഷാഘാതം പോലുള്ളവ വരാനുമുഉള്ള സാധ്യത കൂട്ടുമെന്ന് പഠനങ്ങളില് തെളിഞ്ഞിട്ടുണ്ട്.
https://www.facebook.com/Malayalivartha