ആണവ പരീക്ഷണം നടത്തിയ ഉത്തരകൊറിയയ്ക്കെതിരെ കടുത്ത നടപടിയുമായി ചൈന
ആണവ പരീക്ഷണം നടത്തിയ ഉത്തര കൊറിയയ്ക്കെതിരെ കടുത്ത നടപടിയിലേക്ക് ചൈന കടക്കുന്നു. യു.എന് ഉപരോധം ഏര്പ്പെടുത്തിയ സാഹര്യത്തില് ഉത്തര കൊറിയയിലേക്കുള്ള എണ്ണ കയറ്റുമതി കുറയ്ക്കാന് ചൈന തീരുമാനിച്ചു. ശുദ്ധീകരിച്ച പെട്രോളിയത്തിന്റെ കയറ്റുമതി പ്രതിവര്ഷം 20 ലക്ഷം ബാരലാക്കി കുറയ്ക്കാനും ദ്രവീകൃത പ്രകൃതിവാതകത്തിന്റെ കയറ്റുമതി പൂര്ണമായും നിറുത്താനാണ് ചൈന തീരുമാനിച്ചത്. 2018 ജനുവരി ഒന്നു മുതല് നിയന്ത്രണം നിലവില് വരും. ഉത്തര കൊറിയയുടെ പ്രധാന വ്യാപാരപങ്കാളിയായ ചൈനയുടെ ഈ നിലപാട് അവര്ക്ക് ശക്തമായ തിരിച്ചടിയാണ്.
ഉത്തരകൊറിയയിലേക്ക് ചൈന കയറ്റി അയക്കുന്ന എണ്ണയുടെ അളവ് എത്രയെന്ന് ഔദ്യോഗിക വിവരമൊന്നുമില്ല. ഇതോടൊപ്പം ഉത്തര കൊറിയയില് നിന്നുള്ള തുണി ഇറക്കുമതി കുറയ്ക്കാനും ചൈന തീരുമാനിച്ചു. ഉത്തര കൊറിയയുടെ പ്രധാന വരുമാന സ്രോതസാണ് തുണി കയറ്റുമതി.
അതേസമയം യു.എസ് പ്രസിഡന്റ് ഡൊണാള്ഡ് ട്രംപും ഉര കൊറിയയുടെ ഏകാധിപതി കിം ജോംഗ് ഉന്നും വാക്പോര് അവസാനിപ്പിക്കണമെന്ന് റഷ്യ ആവശ്യപ്പെട്ടു. കാര്യങ്ങളെ വികാരപരമായി സമീപിക്കുകയല്ല വേണ്ടത്. നഴ്സറി കുട്ടികളെ പോലെ ഇരു നേതാക്കളും തമ്മിലടിക്കരുതെന്നും റഷ്യന് വിദേശകാര്യമന്ത്രി സെര്ജി ലാവ്റോവ് ആവശ്യപ്പെട്ടു.
https://www.facebook.com/Malayalivartha