പൂച്ച വരുന്നേ...പൂച്ച വരുന്നേ...തൃപ്തി ദേശായി ശബരിമല കയറാന് വന്നുവെന്ന് അഭ്യൂഹം
ശബരിമലയിലെ വിലക്ക് മറികടന്ന് പ്രേവേശിക്കുമെന്ന് പ്രഖ്യാപിച്ച ഭൂമാതാ ബ്രിഗേഡ് നേതാവ് തൃപ്തി ദേശായി മകരവിളക്ക് കഴിഞ്ഞിട്ടും ഇതുവരെയും എത്തിയില്ല. എന്നാല് അവര് കേരളത്തില് എത്തിയെന്നും കാറില് കണ്ടുവെന്നും പറയുന്നു. സ്ത്രീകള്ക്ക് പ്രവേശനമില്ലാത്ത സ്ഥലങ്ങളില് പ്രവേശനം നേടികൊടുക്കും എന്ന വെല്ലുവിളിയോടെയാണ് തൃപ്തി ദേശായി നില്ക്കുന്നത്. ഈ മാസം 25നുള്ളില് ശബരിമലയില് പ്രവേശിക്കുമെന്നാണ് അവര് പറയുന്നത്. ശബരിമലയില് പോകാന് ഓരോ ഭക്തരും എടുക്കുന്ന ത്യഗം എത്രയാണെന്ന് ഇവര്ക്കറിയാമോ? മലയ്ക്ക് പോകാന് ഒരുങ്ങി കഴിഞ്ഞാല് പോകുന്നവര് മാത്രമല്ല അവരുടെ കുടുംബങ്ങള് വരെ പ്രാര്ത്ഥനയിലും വൃതത്തിലുമായിരിക്കും അയ്യപ്പനെ കണ്ട് മടങ്ങിയെത്തുന്നതുവരെ. ഇങ്ങനെയുള്ളപ്പോള് ഈ പ്രഹസനം എത്രമാത്രം ജനങ്ങളെ പ്രകോപിപ്പിക്കുമെന്ന് ഇവര് അറിയുന്നില്ല.
ഏറെ നാളത്തെ നിയമപോരാട്ടത്തിനൊടുവില് മുംബൈയിലെ ഹാജി അലി ദര്ഗയില് പ്രവേശിച്ചതിന് പിന്നാലെയാണ് അടുത്തലക്ഷ്യം ശബരിമലയാണെന്ന് വ്യക്തമാക്കി സ്ത്രീകളുടെ മുന്നേറ്റത്തിന് ചുക്കാന് പിടിക്കുന്ന തൃപ്തി ദേശായിയും കൂട്ടരും രംഗത്തെത്തിയത്. ശബരിമലയില് സ്ത്രീകള്ക്കും ആരാധനയ്ക്ക് അവകാശമുണ്ട്. തങ്ങള് സംഘര്ഷമുണ്ടാക്കാനല്ല വരുന്നത്. തങ്ങള്ക്കൊപ്പമുളള എല്ലാ സ്ത്രീകളുടെയും അടുത്ത ലക്ഷ്യം ശബരിമലയാണ്. അതിനായി ജനുവരിയില് എത്തുമെന്നാണ് തൃപ്തി ദേശായി പറഞ്ഞിരുന്നത്. മഹാരാഷ്ട്രയില് നിന്നും നൂറുകണക്കിന് പേര് തനിക്കൊപ്പം ഉണ്ടാകും. കൂടാതെ കേരളത്തില് നിന്നുളള നൂറുകണക്കിന് പേര് അണിചേരുമെന്നും തൃപ്തി ദേശായി പറഞ്ഞു.
കേരളത്തിലെ സ്ത്രീകള് ഇത്രയ്ക്ക് അധ:പതിച്ചോ? കേരളത്തിലെ സ്ത്രീകള് ഭയഭക്തിയുള്ളവരാണ്. അവര് ഏത് ദൈവത്തില് വിശ്വസിക്കുന്നുവോ അതിന്റെ മതാചാരങ്ങളും പാലിക്കും. അങ്ങനെയുള്ളപ്പോള് കേരളത്തിലെ സ്തീകളെ അപമാനിക്കുന്നതിനു തുല്യമാണ് തൃപ്തി ദേശായിയുടെ മലകയറുമെന്ന വെല്ലുവിളി.
അതേസമയം സ്ത്രീകളെ മുന്നിര്ത്തി തൃപ്തി ദേശായിയെ തടയുമെന്ന് രാഹുല് ഈശ്വര് പറഞ്ഞു. തൃപ്തി ദേശായി വ്യാജ ഫെമിനിസ്റ്റാണ്. സ്ത്രീകളെ മുന്നിര്ത്തി തന്നെ അവരെ തടയുമെന്നും ശബരിമലയില് അവരെ പ്രവേശിപ്പിക്കില്ലെന്ന് രാഹുല് ഈശ്വര് പറഞ്ഞു. തൃപ്തിയുടെ പ്രഖ്യാപനത്തെ ദേവസ്വം ബോര്ഡ് ഭീഷണിയായി കാണുന്നില്ലെന്ന് പ്രസിഡന്റ് പ്രയാര് ഗോപാലകൃഷ്ണനും വ്യക്തമാക്കി. ആചാരപ്രകാരമുളള വിലക്ക് ശബരിമലയില് തുടരും. ഇക്കാര്യത്തില് അന്തിമതീരുമാനം സുപ്രീംകോടതി സ്വീകരിക്കുമെന്നും പ്രയാര് പറഞ്ഞു. ശബരിമലയില് പത്തിനും അന്പതിനും ഇടയിലുളള സ്ത്രീകള്ക്ക് പ്രവേശം നല്കണമെന്ന് ആവശ്യപ്പെട്ടുളള കേസ് നിലവില് സുപ്രീംകോടതിയുടെ പരിഗണനയിലാണ്.
https://www.facebook.com/Malayalivartha