പൂഞ്ച് ഭീകരാക്രണത്തിലെ സൂത്രധാരന് ഉള്പ്പെടെ മൂന്ന് പേരുടെ ചിത്രങ്ങള് പുറത്ത് വിട്ടു;പാകിസ്ഥാന്റെ മടയില് കയറി തീര്ക്കുമെന്ന് ഇന്ത്യ, ലഷ്കര് ഭീകരരുടെ വിവരങ്ങള് ചൂഴ്ന്നെടുത്ത് അജിത് ഡോവലിന്റെ ചുണക്കുട്ടികള്,റോ ഏജന്റുമാര് പാക്കില് കാലുകുത്തിയോയെന്ന് ഭയപ്പെട്ട് പാക് പട്ടാളം
പൂഞ്ച് ഭീകരാക്രമണത്തിലെ സൂത്രധാരന് അബു ഹംസയെ പാകിസ്ഥാന്റെ മടയില് കയറി തീര്ക്കും. ലഷ്കര് ഭീകരരുടെ വിവരങ്ങള് ചൂഴ്ന്നെടുത്ത് അജിത് ഡോവലിന്റെ ചുണക്കുട്ടികള്. ജമ്മുകശ്മീരിലെ പൂഞ്ച് ജില്ലയില് കഴിഞ്ഞയാഴ്ച വ്യോമസേന വാഹന വ്യൂഹത്തിന് നേരേ ഉണ്ടായ ആക്രമണത്തില് ഉള്പ്പെട്ട മൂന്നുഭീകരരുടെ ചിത്രങ്ങള് പുറത്തുവിട്ടു. സിസി ടിവി ഫുട്ടേജില് നിന്നുള്ള ഫോട്ടോകളാണ് പുറത്തുവിട്ടത്. ഇവരുടെ പേരുവിവരങ്ങളും പ്രസിദ്ധീകരിച്ചു. ആക്രമണത്തില് കോപറല് വിക്കി പഹാഡെ വീരമൃത്യു വരിക്കുകയും, നാല് സഹപ്രവര്ത്തകര്ക്ക് പരിക്കേല്ക്കുകയും ചെയ്തിരുന്നു.
മൂന്നു ഭീകരരും അത്യാധുനിക യുഎസ് നിര്മ്മിത എം 4 കളും, റഷ്യന് നിര്മ്മിത എകെ 47 നുകളുമാണ് ആക്രമണത്തിന് ഉപയേഗിച്ചത്. കഴിഞ്ഞ വര്ഷം നിരവധി ഭീകരാക്രമണങ്ങള് ഉണ്ടായ മേഖലയില് ഈ വര്ഷം ഉണ്ടായ ആദ്യത്തെ വലിയ ഭീകരാക്രമണം ആയിരുന്നു കഴിഞ്ഞാഴ്ചത്തേത്. മുന് പാക്കിസ്ഥാനി കമാന്ഡോ ആയ ഇല്യാസ്, പാക്ഭീകരവാദി ഹാദുണ്, നിരോധിത സംഘടനയായ ലഷ്കറി തായ്ബയുടെ വിദേശ ഭീകരനായ അബു ഹംസ എന്നിവരെയാണ് തിരിച്ചറിഞ്ഞത്. ജമ്മുകശ്മീര് പൊലീസ് തയ്യാറാക്കിയ രേഖാചിത്ര പ്രകാരം അബു ഹംസ 30,32 വയസ് പ്രായമുള്ള ശരാശരി ഉയരവും വണ്ണവുമുള്ള മുടി പറ്റേ വെട്ടിയ വെളുത്ത നിറക്കാരനാണ്. പഠാണി സ്യൂട്ടും തവിട്ടുനിറമുള്ള ഷാളും, ധരിച്ച് ഓറഞ്ച് ബാഗുമേന്തിയാണ് ഇയാളെ ഒടുവില് കണ്ടത്. ഇയാളുടെ അറസ്റ്റിലേക്ക് നയിക്കുന്ന വിവരം നല്കുന്നവര്ക്ക് 10 ലക്ഷം രൂപ പാരിതോഷികം പ്രഖ്യാപിച്ചിട്ടുണ്ട്.
ജമ്മു കശ്മീരിലെ രജൗരി ജില്ലയില് സര്ക്കാര് ജീവനക്കാരനെ കൊലപ്പെടുത്തിയ സംഭവത്തിലും അബു ഹംസയാണെന്ന വിവരം കിട്ടിയിരുന്നു. താനമാണ്ടി പ്രദേശത്തെ കുണ്ട ടോപ്പ് വില്ലേജില് മുഹമ്മദ് റസാഖ് (40) എന്നയാളെയാണ് കഴിഞ്ഞ മാസം വകവരുത്തിയത്. ഇയാളുടെ സഹോദരന് മുഹമ്മദ് താഹിര് ചൗധരി ടെറിട്ടോറിയല് ആര്മിയില് സൈനികനായിരുന്നു. ഗ്രാമത്തിലെ ഒരു ടെറിട്ടോറിയല് ആര്മി ഉദ്യോഗസ്ഥന്റെ വളപ്പിലേക്ക് ലഷ്കര്ഇതൊയ്ബയുമായി ബന്ധമുള്ള രണ്ട് ഭീകരര് അതിക്രമിച്ചു കയറി വെടിയുതിര്ക്കുകയായിരുന്നു. ചൗധരി പരിക്കേല്ക്കാതെ രക്ഷപ്പെട്ടു. റസാക്കിനെ വകവരുത്തിയ ഭീകരരും യുഎസ് നിര്മ്മിത എം 4 റൈഫിളാണ് ഉപയോഗിച്ചത്. അബു ഹംസ ഷദ്ര ഷെരീഫ്, ദേര് കി ഗലി പ്രദേശങ്ങളില് പ്രവര്ത്തിക്കുന്നുണ്ടെന്നും നിരവധി തീവ്രവാദ പ്രവര്ത്തനങ്ങളില് ഏര്പ്പെട്ടിട്ടുണ്ടെന്നും പൊലീസ് പറഞ്ഞു. വിവരം നല്കുന്നയാളുടെ വിവരങ്ങള് രഹസ്യമായി സൂക്ഷിക്കുമെന്നും പൊലീസ് വക്താവ് പറഞ്ഞു.
പാകിസ്ഥാനില് അജ്ഞാതരുടെ വെടിയേറ്റ് ഭീകരര് കൊല്ലപ്പെടുന്നത് വലിയ ചര്ച്ചയാകുന്നുണ്ട്. അതുപോലെ കൊന്നുതള്ളണമെന്ന് സോഷ്യല്മീഡിയയിലും മറ്റും ആവശ്യം ഉയരുന്നത്. ഭീകരര് കൊല്ലപ്പെടുന്നതിന് പിന്നില് ഡോവലാണെന്ന് പാകിസ്ഥാന് വാദിക്കുന്നത്. ലാഹോറിലും കറാച്ചിയും ഡോവലിന്റെ ചാരന്മാര് ഇറങ്ങിയിട്ടുണ്ടെന്ന് പാകിസ്ഥാന് പത്രങ്ങള് വാദിക്കുന്നു. അബു ഹംസയെ അതേ പോലെ തീര്ക്കുമോയെന്ന ഭയം പാക് പട്ടാളത്തിന് ഉടലെടുത്തിരിക്കുന്നത്. ഇന്ത്യയ്ക്ക് നേരെ നടക്കുന്ന ചെറിയ ആക്രമണത്തിന് പോലും പാകിസ്ഥാന് വലിയ വില നല്കേണ്ടി വരുമെന്ന് ഇന്ത്യയുടെ മുന്നറിയിപ്പുണ്ട്. പൂഞ്ചില് നടന്ന ആക്രമണ്ത്തിന് ഉടന് തിരിച്ചടി ഉണ്ടാകുമെന്നും ആഭ്യന്ത്ര മന്ത്രാലയം പ്രഖ്യാപിച്ച് കഴിഞ്ഞു.
https://www.facebook.com/Malayalivartha