നീതിക്കുവേണ്ടി ആയുധമെടുക്കാം ... ജോയ് മാത്യു പ്രതികരിക്കുന്നു
പീഡനശ്രമത്തെ ചെറുക്കാനുള്ള ശ്രമത്തിനിടെ അക്രമിയുടെ ജനനേന്ദ്രിയം ഛേദിച്ച യുവതിയുടെ പ്രവര്ത്തിയെ അനുകൂലിച്ചുകൊണ്ട് ഒരുപാട് പേര് രംഗത്ത് വന്നിരുന്നു. അതില് വളരെ പ്രധാനപ്പെട്ടതായിരുന്നു മുഖ്യ മന്ത്രിയുടെ പ്രസ്താവന. മുഖ്യമന്ത്രി ന്യായീകരിച്ചതിലൂടെ സ്വയരക്ഷയ്ക്ക് ലിംഗം മുറി ആവാം എന്ന് അംഗീകരിച്ചിരിക്കുകയാണെന്ന് നടന് ജോയ് മാത്യു. ശാരീരികമായി പീഡിപ്പിക്കപ്പെടുമ്പോള് ലിംഗമെന്നല്ല അക്രമിയെ കൊല്ലുന്നതില്പ്പോലും ന്യായമുണ്ടെന്ന് കരുതുന്നയാളാണു താനെന്നും ലിംഗംമുറി ഒരു നിയമമായി അവതരിപ്പിച്ച് നിയമസഭയില് പാസ്സാക്കിയെടുക്കാനുള്ള ഭൂരിപക്ഷം ഭരണപക്ഷത്തിനുണ്ടെന്നും ജോയ് മാത്യു പറയുന്നു. തന്റെ ഫെയ്സ് ബുക്ക് പോസ്റ്റിലൂടെയാണ് ജോയ് മാത്യു പ്രതികരിച്ചത്.
തന്റെ പോസ്റ്റില് ജോയ്മാത്യു ഇങ്ങനെ പ്രതികരിക്കുന്നു, അത്യപൂര്വമായി ചിരിക്കുന്നു , അഭ്യന്തര വകുപ്പുകൂടി കൈകാര്യം ചെയ്യുന്ന മുഖ്യമന്ത്രി ചിരിയോടുകൂടിത്തന്നെ ലിംഗംമുറിക്ക് പിന്തുണ പ്രഖ്യാപിക്കുക മാത്രമല്ല ലിംഗംമുറിയെ ഒരു ധീരനടപടിയെന്ന് വാഴ്ത്തുകയാണു ചെയ്തത് അതിനര്ഥം ഇത്തരം സന്ദര്ഭങ്ങളില് സ്ത്രീകള്ക്ക് സ്വയരക്ഷക്ക് ലിംഗംമുറി ആവാം എന്ന് സര്ക്കാര് അംഗീകരിച്ചിരിക്കുന്നു എന്നതല്ലേ? നാട്ടില് നടക്കുന്ന ഏത് െ്രെകമിനെപ്പറ്റി ചോദിച്ചാലും പരിശോധിച്ചിട്ട് പറയാം എന്ന് പറഞ്ഞു ശീലിച്ചിരുന്ന ആളാണു തന്റെ അഭിപ്രായം ഇങ്ങിനെ കാച്ചിയത് തുടര്ന്ന് വി എസ് ,മന്ത്രി ജി സുധാകരന് ,ജെ മേഴ്സിക്കുട്ടിയമ്മ തുടങ്ങിയ മന്ത്രിമാര് എല്ലാവരും ലിംഗം മുറിയെ ആഹ്ലാദപൂര്വ്വം വരവേറ്റു
ശശി തരൂര് മാത്രം വിവേകത്തോടെ കാര്യം കാണുവാന് ശ്രമിച്ചു കാരണം നടന്ന കുറ്റക്രുത്യം അതിന്റെ സത്യാവസ്തകള് തെളിയിക്കപ്പെടേണ്ടതാണു.
അതിനുമുമ്പേ കട്ട സപ്പോട്ടുമായി ആള്ക്കൂട്ടം ഇരമ്പിവരുന്നത് വയലന്സിനോടുള്ള ആര്ത്തികൊണ്ടല്ലേ? ശാരീരികമായി പീഡിപ്പിക്കപ്പെടുമ്പോള് ലിംഗമെന്നല്ല അക്രമിയെ കൊല്ലുന്നതില്പ്പോലും ന്യായമുണ്ടെന്ന് കരുതുന്നയാളാണു ഞാന് ലിംഗംമുറി ഒരു നിയമമായി അവതരിപ്പിച്ച് നിയമസഭയില് പാസ്സാക്കിയെടുക്കാനുള്ള ഭൂരിപക്ഷം ഭരണപക്ഷത്തിനുണ്ട് ലിംഗംമുറി കാര്യത്തിലെങ്കിലും പ്രതിപക്ഷം ഇറങ്ങിപ്പോകില്ല എന്നു കരുതാം കാരണം പ്രതിപക്ഷ നേതാവ് ചെന്നിത്തലയും ഇക്കാര്യത്തില് സന്തുഷ്ടനാണു സഭയില് ഒറ്റക്കാണെങ്കിലും ധര്മ്മാ ധര്മ്മങ്ങളുടെ കാവലാള് പ്രതീകമായ രാജേട്ടനും ലിംഗം മുറി നിയമത്തിനു ധാര്മ്മിക പിന്തുണ നല്കാതിരിക്കില്ല
സ്ത്രീകള്ക്ക് നേരെ നടക്കുന്ന ലൈംഗികാതിക്രമങ്ങള്ക്ക് അറുതിവരാതാകുമ്പോഴാണു ജനം ഇത്തരം പ്രവര്ത്തികളെ ആഘോഷിക്കുക നാടിനെ വിറപ്പിച്ചു നിര്ത്തിയിരുന്ന ഗുണ്ടകളെയും ഫ്യൂഡല് പ്രഭുക്കളേയും ജനങ്ങള് പൊറുതികേടുകൊണ്ട് തലയറുത്തിട്ടപ്പോഴും ഇതുപോലുള്ള ആര്പ്പു വിളികള് ഉയര്ന്നിരുന്നു കേരളത്തിലെ സ്ത്രീകള്ക്ക് സുരക്ഷ നല്കേണ്ടതായ ഭരണകൂടത്തിനു അതിനു സാധിക്കുന്നില്ല അഥവാ സ്ത്രീകള്ക്ക് സുരക്ഷ നല്കേണ്ടത്
ഭരണകൂടമല്ല. സ്ത്രീകള് തന്നെയാണു എന്നതാണോ ഇതില് നിന്നും മനസ്സിലാക്കേണ്ടത്?
നീതിക്ക് വേണ്ടി ആയുധമെടുക്കാം ഏതായാലും ലിംഗമുറി നിയമം താമസിയാതെ നടപ്പില് വരും അതോടെ കത്തി കച്ചവടം ഇനി പൊടിപൊടിക്കും സിക്കുകാരെപ്പോലെ നമ്മുടെ നാട്ടിലെ സ്ത്രീകള് മടവാള് ഒരലങ്കാരമായി അണിഞ്ഞു നടക്കുന്ന മനോഹര ദൃശ്യം താമസിയാതെ നമുക്ക് കാണാം.
ഊരിപ്പിടിച്ച കത്തി വേണോ അതൊ 'എസ്' മോഡല് കത്തിവേണോ എന്ന ചോദ്യം മാത്രമേ ഇനി ബാക്കിയുള്ളൂ.
ബാക്കിയാവുന്ന ചോദ്യം ഇതാണു: അപ്പോള് നീതിക്കു വേണ്ടി ആയുധമെടുക്കാം,അല്ലേ ബഹുമാനപ്പെട്ട നിയമ നിര്മാതാക്കളേ?
https://www.facebook.com/Malayalivartha