വോട്ടിങ് യന്ത്രങ്ങളുടെ തകരാര്... പോളിങിന് മന്ദഗതി കോണ്ഗ്രസ് തെരഞ്ഞെടുപ്പ് കമ്മീഷന് പരാതി നല്കി
വോട്ടിങ് യന്ത്രങ്ങളുടെ തകരാര്, മന്ദഗതിയിലെ പോളിങ്, മണിക്കൂറുകളോളം വോട്ടിങ് നിര്ത്തിവെയ്ക്കേണ്ടി വന്ന സാഹചര്യം, പോളിങ് ബൂത്തുകളില് ആവശ്യത്തിന് ഉദ്യോഗസ്ഥരെ നിയമിക്കാതിരുന്നത് തുടങ്ങിയ പരാതികള് ചൂണ്ടിക്കാട്ടി കോണ്ഗ്രസ് തെരഞ്ഞെടുപ്പ് മുഖ്യഓഫീസര് സഞ്ജയ് കൗളിന് പരാതി നല്കിയെന്ന് കെപിസിസി ആക്ടിങ് പ്രസിഡന്റ് എംഎം ഹസന് വാര്ത്താസമ്മേളനത്തില് പറഞ്ഞു.
ഉദ്യോഗസ്ഥരുടെ അപര്യാപതയും വോട്ടിങ് മെഷീനില് വോട്ട് രേഖപ്പെടുത്തുന്നതിന് വേണ്ടിവന്ന സമയദൈര്ഘ്യവും കാരണം വോട്ടര്മാര്ക്ക് ഏറെനേരം കാത്തുനില്ക്കേണ്ടിവന്നുവെന്ന് വ്യാപകമായ പരാതിയുണ്ട്. നാലുമണിക്കൂറോളം വോട്ട് ചെയ്യാനായി കാത്തുനിന്നവരുണ്ട്. മനസുമടുത്ത് വോട്ടു ചെയ്യാതെ പോയവരുമുണ്ട്. ബട്ടണില് വോട്ട് കുത്തിയിട്ടും മുമ്പെങ്ങുമില്ലാത്ത വിധം ഏറെനേരമെടുത്താണ് വോട്ട് രേഖപ്പെടുത്തിയത്. സാധാരണ ഏഴു സെക്കന്റിനുള്ളില് വോട്ട് രേഖപ്പെടുത്തപ്പെടും. പക്ഷെ, ഇത്തവണ അത് 20 സെക്കന്റിലേറെ അധികരിച്ചുവെന്നും പോളിങ് ബൂത്തില് നീണ്ട നിരയുണ്ടാകാന് ഇതൊരു കാരണമായി. മൊത്തത്തില് വോട്ടിങ് മെഷീനുകള്ക്ക് തകരാര് വന്നത് ബോധപൂര്വമായ ഏതെങ്കിലും നടപടിയുടെ ഭാഗമാണോയെന്ന് സംശയമുണ്ട്. ഇതേക്കുറിച്ച് തെരഞ്ഞെടുപ്പ് കമ്മീഷന് അന്വേഷിക്കണമെന്നും ഹസന് ആവശ്യപ്പെട്ടു.
സാധാരണ ഗതിയില് ആവശ്യത്തിന് ഉദ്യോഗസ്ഥരെ അനുവദിക്കുന്നതാണ്. ഇക്കുറി അപര്യാപ്തത ഉണ്ടായെന്ന് പോളിങ് ബൂത്തുകളിലെ ഉദ്യോഗസ്ഥര് തന്നെ പരാതിപ്പെട്ടു. പത്തനംതിട്ടയില് മൂന്നുമണിക്കൂറോളം വോട്ടിങ് നിര്ത്തിവെച്ചിട്ടും അവിടെ വോട്ടിങ്ങിന് കൂടുതല് സമയം അനുവദിച്ചില്ല. ഇതുസംബന്ധിച്ച് പരാതിപ്പെട്ടപ്പോള്, ആറുമണിവരെ ക്യൂവില് നിന്നവര്ക്ക് വോട്ടു ചെയ്യാനുള്ള അവസരം നല്കുമെന്ന സാധാരണ മറുപടി മാത്രമാണ് ലഭിച്ചത്. കാസര്കോട്, കണ്ണൂര് മണ്ഡലങ്ങളിലെ പാര്ട്ടി ഗ്രാമങ്ങളില് കള്ളവോട്ടും ബൂത്തുപിടുത്തവും ഉണ്ടായി. വടകരയില് ഓപ്പണ് വോട്ടിലെ ക്രമക്കേടിന് കൂട്ടുനിന്ന രണ്ട് ഉദ്യോഗസ്ഥരെ സസ്പെന്റ് ചെയ്യുന്ന സാഹചര്യവുമുണ്ടായി. ഇവര്ക്ക് സസ്പെന്ഷന് മാത്രം പോല, കര്ശനമായ ശിക്ഷണ നടപടി നല്കണമെന്ന് എംഎം ഹസന് ആവശ്യപ്പെട്ടു. ഒരു മണ്ഡലത്തിലും യുഡിഎഫിന് പരാജയഭീതിയില്ല. ഫലം വരുമ്പോള് കേന്ദ്ര-സംസ്ഥാന സര്ക്കാരുകള്ക്കെതിരെയുള്ള ജനങ്ങളുടെ മറുപടിയായി അത് മാറുമെന്നും ഹസന് വ്യക്തമാക്കി.
https://www.facebook.com/Malayalivartha