നിങ്ങളുടെ മക്കൾ സ്മാർട്ട് ഫോൺ ഉപയോഗിക്കുന്നുണ്ടോ? എങ്കിൽ ഇത് വായിക്കാതെ പോകരുത്...
നിങ്ങളുടെ മക്കൾ സ്മാർട്ട് ഫോൺ ഉപയോഗിക്കുന്നുണ്ടോ? എങ്കിൽ കൃത്യമായി പരിശോധിക്കണം. ഇല്ലെങ്കിൽ തിരിച്ചറിവുണ്ടാകുന്ന കാലം വരെ സ്മാർട്ട് ഫോൺ ഉപയോഗിക്കാൻ നൽകരുത്. ബ്ലൂ വെയിൽ ഗയിം കളിച്ച് വിളപ്പിൽശാലയിൽ 16 കാരൻ ആത്മഹത്യ ചെയ്ത സംഭവത്തിന്റെ പശ്ചാത്തലത്തിലാണ് ഇങ്ങനെ പറയേണ്ടി വരുന്നത്. തെറ്റില്ലാതെ പഠിക്കുമായിരുന്ന ഈശ്വരവിശ്വാസിയായ യുവാവാണ് ബ്ലൂ വെയിൽ എന്ന കാലന്റെ കൈയിൽ അകപ്പെട്ടത്. വീട്ടുകാർ വേണ്ടത്ര ശ്രദ്ധിച്ചില്ല. അവർക്ക് അവരുടെ മകനെ വിശ്വാസമായിരുന്നു. എന്നാൽ വിശ്വാസങ്ങളെല്ലാം പൊടുന്നനെ വെള്ളത്തിലായി. അവൻ അത്മഹത്യ ചെയ്തു.
എല്ലാം ഫോണിൽ നിന്നാണ് തുടങ്ങുന്നത്. തലപന്ത് കളിച്ച് വളർന്ന കുട്ടികൾ ഇപ്പോൾ മൊബൈൽ ഫോണിൽ കളിച്ചാണ് വളരുന്നത്. ഇത്തരമൊരു പ്രതിസന്ധിയാണ് ഇന്നത്തെ തലമുറ അനുഭവിക്കുന്നത്. രക്ഷകർത്താക്കൾ തന്നെയാണ് ഇക്കാര്യത്തിൽ ഒന്നാം പ്രതി. കുട്ടികൾ പറയുന്നതിനു മുമ്പ് തന്നെ അവർക്ക് സ്മാർട്ട് ഫോൺ വാങ്ങി നൽകുന്നത് രക്ഷകർത്താക്കളാണ്.
ബ്ലൂ വെയിൽ കളി വിനാശകരമാണെന്നറിഞ്ഞിട്ടല്ല കുട്ടികൾ അതിൽ ഉൾപ്പെടുന്നത്. തിരിച്ചറിവില്ലാത്ത പ്രായത്തിൽ കുട്ടികൾ ഇത്തരം അപകടത്തിൽ പെടുമ്പോൾ രക്ഷക്കർത്താക്കളോ അധ്യാപകരോ അറിയുന്നില്ല. ഏഴിൽ പഠിക്കുമ്പോൾ പോലും ഫെയ്സ് ബുക്ക് അക്കൗണ്ടുള്ള കുട്ടികൾ ധാരാളമുണ്ട്. വാട്ട്സ് അപ്പും കുട്ടികൾക്ക് സുപരിചിതം. സ്കൂൾ നോട്ടുകൾ പോലും വാട്ട്സ് അപ്പ് വഴിയാണ് ഇക്കാലത്ത് കൈമാറുന്നത്. ചാറ്റിംഗിലൂടെ കള്ളൻമാർക്കൊപ്പം ഒളിച്ചോടുന്ന പെൺകുട്ടികളും കുറവല്ല. ശ്രദ്ധിക്കേണ്ടത് വീട്ടിൽ തന്നെയാണ്. സ്മാർട്ട് ഫോൺ വാങ്ങി വെള്ളത്തിലിടാമെങ്കിൽ രക്ഷപ്പെട്ടു.
https://www.facebook.com/Malayalivartha