കോണ്ഗ്രസ് അധ്യക്ഷനായി രാഹുല് ഗാന്ധിയെ തിരഞ്ഞെടുത്തതിനെ പരിഹസിച്ച കോടിയേരിക്ക് മറുപടിയുമായി എംഎല്എ വി.ടി ബല്റാം
കോണ്ഗ്രസ് അധ്യക്ഷനായി രാഹുല് ഗാന്ധിയെ തിരഞ്ഞെടുത്തതിനെ പരിഹസിച്ചുകൊണ്ട് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് രംഗത്തെത്തിയിരുന്നു. എന്നാല് ഇതിന് ചുട്ട മറുപടി നല്കിയിരിക്കുകയാണ് കോണ്ഗ്രസ് എംഎല്എ വി.ടി ബല്റാം. തന്റെ ഫെയ്സ് ബുക്ക് പോസ്റ്റിലൂടെയായിരുന്നു ബെല്റാമിന്റെ പ്രതികരണം.
സ്വന്തം അലവലാതി മക്കളെ പ്രവാസി പ്രാഞ്ചിമാരുടെ കമ്പനികളുടെ തലപ്പത്തേക്ക് നേരിട്ട് പ്രതിഷ്ഠിക്കുന്ന പോലെ സുഖിക്കാനും സമ്പാദിക്കാനുമല്ല രാഹുല് ഗാന്ധി ഈ നിയോഗമേറ്റെടുക്കുന്നത് എന്നായിരുന്നു ബല്റാമിന്റെ മറുപടി. പതിവ് പോലെ കോണ്ഗ്രസ് വിരുദ്ധത നൂറ്റൊന്ന് തവണ ആവര്ത്തിച്ച് ബിജെപിക്ക് കരുത്ത് പകര്ന്നോളൂ. അല്ലെങ്കിലും ചരിത്രപരമായ മണ്ടത്തരങ്ങള് ആവര്ത്തിക്കുക എന്നത് ഫൂളിഷ് ബ്യൂറോയുടെ അവകാശമാണല്ലോ എന്നും ബല്റാം ചോദിക്കുന്നു.
കോണ്ഗ്രസ്സ് അദ്ധ്യക്ഷസ്ഥാനം റിസര്വ് ചെയ്തിരിക്കുന്ന നെഹ്റു കുടുംബത്തിലെ സ്ത്രീകള് ഭാവിയില് പ്രസവം നിര്ത്തിയാല് കോണ്ഗ്രസ്സിന് അദ്ധ്യക്ഷനില്ലാത്ത അവസ്ഥയുണ്ടാകുമെന്നായിരുന്നു കോടിയേരി ബാലകൃഷ്ണന്റെ പരിഹാസം. എന്നാല് കോടിയേരി അടക്കമുള്ള പ്രമുഖ സിപിഎം നേതാക്കളുടെ മക്കള് പ്രവാസി ഇന്ത്യാക്കാരുടെ കമ്പനികളില് മുന്തിയ പോസ്റ്റുകളില് ജോലി ചെയ്യുന്നതിനെ വിമര്ശിച്ചുകൊണ്ടാണ് ബല്റാം പോസ്റ്റിട്ടത്.
https://www.facebook.com/Malayalivartha