മലപ്പുറത്ത് മകളെ അച്ഛന് കുത്തിക്കൊന്നു... വെള്ളിയാഴ്ച മകളുടെ വിവാഹം നടക്കാനിരിക്കെയാണ് കൊലപാതകം; ആതിര ഒരു യുവാവുമായി പ്രണയത്തിലായിരുന്നു
മലപ്പുറത്ത് മകളെ അച്ഛന് കുത്തിക്കൊന്നു. മലപ്പുറം പത്തനാപുരം പൂവത്തിക്കണ്ടി സ്വദേശിനിയായ ആതിരയെയാണ് പിതാവായ രാജന് കുത്തിക്കൊലപ്പെടുത്തിയത്. വ്യാഴാഴ്ച വൈകിട്ട് നാലരയോടെയാണ് സംഭവം. വെള്ളിയാഴ്ച ആതിരയുടെ വിവാഹം നടക്കാനിക്കെയാണ് അച്ഛന് മകളെ കൊലപ്പെടുത്തിയത്.
ആതിര ഒരു യുവാവുമായി പ്രണയത്തിലായിരുന്നു. ഇത് പിതാവ് രാജന് ഇഷ്ടമില്ലായിരുന്നു. എന്നാല് വെള്ളിയാഴ്ച ഇവരുടെ വിവാഹം അച്ഛന്റെ സമ്മതത്തോടെ തന്നെ നിശ്ചയിച്ചിരുന്നു. എന്നാല് അച്ഛന് വീണ്ടും അനിഷ്ടം പറയുകയും ഇതിനെ തുടര്ന്നുണ്ടായ വാക്ക് തര്ക്കം അവസാനം കൊലപാതകത്തില് കലാശിക്കുകയായിരുന്നു.
മകളുമായുണ്ടായ വാക്കുതര്ക്കത്തിനിടയില് കയ്യില് കരുതിയിരുന്ന കത്തിവെച്ച് കുത്തിക്കൊലപ്പെടുത്തുകയായിരുന്നു. സംഭവത്തില് രാജനെ പോലീസ് അറസ്റ്റു ചെയ്തു. ഇയാളെ പോലീസ് ചോദ്യം ചെയ്തുവരികയാണ്.മൃതദേഹം മുക്കം കെ.എം.സി.ടി ആശുപത്രിയില് സൂക്ഷിച്ചിരിക്കുകയാണ്.
https://www.facebook.com/Malayalivartha