സംസ്ഥാനത്ത് വീണ്ടും സ്വര്‍ണവിലയില്‍ കുറവ്... പവന് 80 രൂപയുടെ കുറവ്. ഒരു പവന്‍ സ്വര്‍ണത്തിന് 80 രൂപ കുറഞ്ഞ് 52,920 രൂപയായി. ഗ്രാമിന് 10 രൂപയാണ് കുറഞ്ഞത്. 6615 രൂപയാണ് ഇന്ന് ഒരു ഗ്രാം സ്വര്‍ണത്തിന്റെ വില.

ഇന്നലെയും സ്വര്‍ണത്തിന് 80 രൂപ കുറവുണ്ടായിരുന്നു.53,000 രൂപയിലാണ് ഇന്നലെ വ്യാപാരം നടന്നത്. കേരളത്തില്‍ സ്വര്‍ണവിലയില്‍ ചാഞ്ചാട്ടം തുടരുകയാണ്.

ഏപ്രിലില്‍ തുടര്‍ച്ചയായി സ്വര്‍ണവില പല തവണ റെക്കോര്‍ഡ് തിരുത്തി. പിന്നാലെ ഏപ്രില്‍ 19ന് സ്വര്‍ണവില ഏറ്റവും ഉയര്‍ന്ന നിരക്കായ 6815(ഗ്രാം) രൂപയിലെത്തി. അന്നത്തെ വില പവന് 54520 രൂപയായിരുന്നു .