ഒരു രൂപയ്ക്ക് ഒരു ഗ്ലാസ് വെള്ളവുമായി റെയില്വേ
കുടിക്കാന് ശുദ്ധജലം ലഭ്യമല്ല എന്ന വെല്ലുവിളിക്ക് പരിഹാരവുമായി റെയില്വേയുടെ വാട്ടര് വെന്ഡിങ് മെഷീനുകള് വരുന്നു. ഒരു രൂപ നല്കിയാല് 300 മില്ലി വരുന്ന ഒരു ഗ്ലാസ് വെള്ളം ഇതില് ലഭ്യമാകും. അതും തണുത്തവെള്ളം തന്നെ. അരലിറ്റര് വെള്ളത്തിന് മൂന്നു രൂപ, ഒരു ലിറ്ററിന് അഞ്ച് രൂപ, രണ്ട് ലിറ്ററിന് എട്ട് രൂപ, ഒരു കാന് നിറച്ച് കിട്ടാന് 20 രൂപ എന്നിങ്ങനെയാണ് ഇതിലെ നിരക്ക്.
2017-18 കാലത്ത് 450 സ്റ്റേഷനുകളിലായി 1100 വാട്ടര് വെന്ഡിങ് മെഷീനുകളാണ് ഐആര്സിടിസി കൂടുതലായ സ്ഥാപിക്കുക. കേരളത്തില് എറണാകുളം നോര്ത്ത് സറ്റേഷനിലടക്കം ഇത് സ്ഥാപിച്ചുകഴിഞ്ഞു.
345 സ്റ്റേഷനുകളിലായി 1106 എണ്ണമാണ് ഇതിനോടകം സ്ഥാപിച്ചുകഴിഞ്ഞു. ഓട്ടോമാറ്റിക്ക് മോഡിലും അല്ലെങ്കില് നിയോഗിക്കപ്പെട്ട ആള് മുഖേനയോ ഇതില് നിന്ന് വെള്ളമെടുക്കാം.
മെഷീന് നടത്തിപ്പിനായി ആളുകളെ ചുമതലപ്പെടുത്തുന്നതിലൂടെ 2000 പേര്ക്ക് തൊഴിലവസരവും സൃഷ്ടിക്കപ്പെടും. റെയില്നീര് എന്ന പേരില് റെയില്വെ തന്നെ സ്റ്റേഷനുകളില് വിതരണം ചെയ്യുന്ന കുപ്പിവെള്ളത്തിന് 15 രൂപയാണ് നിരക്ക്.
https://www.facebook.com/Malayalivartha