രാജ്യത്തെ പ്രമുഖ എയര്‍ലൈന്‍ കമ്പനികൾ യാത്രക്കാർക്ക് കുറഞ്ഞ നിരക്കിൽ യാത്രയൊരുക്കിയിരുന്നു. ഇന്‍ഡിഗോ എയര്‍ലൈന്‍സ്, എയര്‍ഏഷ്യ, ജെറ്റ് എയര്‍വേഴ്‌സ് തുടങ്ങിയ എയര്‍ലൈന്‍ കമ്പനികൾ നിരക്കുകൾ കുറച്ചതിനുപിന്നാലെ ഏറ്റവും ഒടുവിലായി കുറഞ്ഞ യാത്രാനിരക്കുകളുമായി എത്തിയിരിക്കുന്നത് സ്വകാര്യ എയര്‍ലൈന്‍ കമ്പനിയായ ഗോഎയറാണ്. 1212 രൂപ മുതൽ ടിക്കറ്റ് ബുക്ക് ചെയ്യാനാകുന്ന തരത്തിലാണ് ഗോഎയര്‍ തങ്ങളുടെ യാത്രക്കാർക്ക് അവസരമൊരുക്കിയിരിക്കുന്നത്.

ഗോഎയര്‍ ആപ്പ് വഴി ടിക്കറ്റ് ബുക്ക് ചെയ്താല്‍ പത്ത് ശതമാനം ടിക്കറ്റിളവ് കൂടി ഗോഎയര്‍ വാഗ്ദാനം ചെയ്യുന്നുണ്ട്. കൊച്ചി-ചെന്നൈ റൂട്ടിലടക്കം ഈ നിരക്കിളവുകള്‍ ലഭ്യമാണ്. ചെന്നൈ-കൊച്ചി - 1302 രൂപ, ബെംഗളൂരു-കൊച്ചി 1395 രൂപ, ഗുവാഹത്തി-ഭഗ്‌ഡോഗ്ര-1305 രൂപ, ദില്ലി-ലക്‌നൗ-1313 രൂപ, ബെംഗളൂരു-ഹൈദരാബാദ് 1399 രൂപ, ലേ-ശ്രീനഗര്‍ - 1401 രൂപ.... എന്നിവയാണ് കുറഞ്ഞ നിരക്കില്‍ യാത്ര ചെയ്യാൻ കഴിയുന്ന മറ്റു റൂട്ടുകൾ. ഫെയര്‍ സോ ലോ, ഫ്‌ളൈ വിത്ത് ഗോ എന്ന പ്രത്യേക ഓഫറിന് കീഴിലാണ് കമ്പനി കുറഞ്ഞ നിരക്കില്‍ ടിക്കറ്റുകള്‍ നല്‍കുന്നത്. എന്നാൽ ഈ ഓഫർ ഈ മാസം അവസാനം വരെയേ ഉണ്ടാകൂ.