എവറസ്റ്റില്‍ കുടുങ്ങിയ ഇന്ത്യാക്കാര്‍ക്ക് സാന്ത്വനവുമായി വിദേശകാര്യമന്ത്രി സുഷമ സ്വരാജ്
എവറസ്റ്റ് കൊടുമുടിയില്‍ കുടുങ്ങിയ 15 ഇന്ത്യക്കാര്‍ക്ക് സാന്ത്വനമായി വിദേശകാര്യ മന്ത്രി സുഷമ സ്വരാജ്. പര്‍വതാരോഹക സംഘത്തിലെ ഒരാള്‍ ചെയ്ത ട്വീറ്റ് കാണാനിടയായ സുഷമ ഉടന്‍ തന്നെ നടപടി സ്വീകരിക്കാന്‍ നേപ്പാളിലെ ഇന്ത്യന്‍ സ്ഥാനപതിയ്ക്ക് നിര്‍ദ്ദേശം നല്‍കുകയായിരുന്നു. പര്‍വതാരോഹക സംഘാംഗമായ ഡോ.അമിത് തഡാനിയുടെ ട്വീറ്റ് ഇപ്രകാരമായിരുന്നു രണ്ട് ദിവസമായി ഞങ്ങള്‍ നേപ്പാളിലെ ലൂക്ക്&്വംിഷ;ലയില്‍ അകപ്പെട്ടിരിക്കുകയാണ്.
ഒരാള്‍ക്ക് 600 ഡോളര്‍ വീതം നല്‍കിയില്ലെങ്കില്‍ രക്ഷിക്കില്ലെന്നാണ് ഹെലികോപ്ടര്‍ കമ്പനി പറയുന്നത്. 200 ഡോളര്‍ വരെ ഞങ്ങള്‍ നല്‍കി കഴിഞ്ഞു ഇതായിരുന്നു അമിത്തിന്റെ ട്വീറ്റ്. പര്‍വതാരോഹകരെ രക്ഷിക്കാനുള്ള നടപടികള്‍ സ്വീകരിച്ച് തുടങ്ങിയതായ അറിയിപ്പും വൈകാതെ നേപ്പാളിലെ ഇന്ത്യന്‍ എംബസിയില്‍ നിന്ന് ലഭിച്ചു.
മോശം കാലാവസ്ഥയെ തുടര്‍ന്ന് വിമാന സര്‍വീസുകള്‍ നിറുത്തിയതാണ് ഹെലികോപ്ടര്‍ ഏജന്‍സികള്‍ മുതലെടുക്കുന്നത്. സമുദ്ര നിരപ്പില്‍ നിന്ന് 2860 അടി ഉയരത്തിലുള്ള ലൂക്ക്‌ല എവറസ്റ്റിന്റെ വാതില്‍പ്പടി എന്നാണ് അറിയപ്പെടുന്നത്.
https://www.facebook.com/Malayalivartha
