ബ്രിട്ടീഷ് എയർവേസ് വിമാന സർവീസ് 23 വരെ മുടങ്ങും
ബ്രിട്ടീഷ് എയർവേസ് വിമാന ജീവനക്കാരുടെ സമരത്തെ തുടർന്ന് ഇൗമാസം 23 വരെ മസ്കറ്റിലേക്കുള്ള സർവിസ് ഉണ്ടായിരിക്കില്ലെന്ന് ബ്രിട്ടീഷ് എയർവേസ് അധികൃതർ അറിയിച്ചു.
സർവീസ് മുടങ്ങിയതിനെ തുടർന്ന് ദോഹ വഴി ഖത്തർ എയർവേസ് വിമാനത്തിൽ ടിക്കറ്റ് ബുക്ക്ചെയ്ത് നൽകുന്നുണ്ടെന്ന് ട്രാവൽ ഏജൻറുമാർ പറഞ്ഞു. ഖത്തർ എയർവേസ് വിമാനത്തിൽ യാത്ര ചെയ്യാൻ താൽപര്യമില്ലാത്തവർക്ക് ടിക്കറ്റ് തുക മുഴുവനായും തിരികെ നൽകും . ആഗസ്റ്റ് 24 മുതൽ സർവിസുകൾ സാധാരണഗതിയിൽ നടത്താൻ കഴിയുമെന്നാണ് പ്രതീക്ഷ.
രാവിലെ 8.05ന് മസ്കറ്റിൽനിന്ന് പുറപ്പെടുന്ന വിമാനം ഉച്ചക്ക് 1.20ന് ഹീത്രു വിമാനത്താവളത്തിൽ എത്തും. കഴിഞ്ഞ വർഷം ഡിസംബർ മുതലാണ് ബ്രിട്ടീഷ് എയർവേസ് ഒമാനിൽ നിന്ന് നേരിട്ടുള്ള സർവിസ് ആരംഭിച്ചത്. നേരത്തേ അബുദാബി വഴി ഒമ്പത് മണിക്കൂറും 45 മിനിറ്റും എടുത്തിരുന്ന യാത്രക്ക് ഇപ്പോൾ ഏഴു മണിക്കൂറും 15 മിനിറ്റുമാണ് എടുക്കുന്നത്
https://www.facebook.com/Malayalivartha