പ്രവാസികൾ ശ്രദ്ധിക്കൂ; എമിറേറ്റ്സ് എയർലൈൻസ് ബാഗേജുകൾ തിരികെ ലഭിക്കാൻ ചെയ്യേണ്ടത്!!
കനത്ത മഴയെ തുടർന്ന് ദുബായ് വിമാനത്താവളത്തിന്റെ പ്രവർത്തനങ്ങൾ താൽക്കാലികമായി നിർത്തിവച്ചിരുന്നു. എന്നാൽ ഇപ്പോൾ യാത്രക്കാർക്ക് ബാഗേജുകൾ ശേഖരിക്കുന്നതിനുള്ള നടപടികൾ ദുബായ് ഇൻ്റർനാഷണൽ എയർപോർട്ടിൽ പുനരാരംഭിച്ചതായി എമിറേറ്റ്സ് എയർലൈൻസ് അറിയിച്ചു.
ദുബായിൽ കഴിഞ്ഞ ദിവസങ്ങളിലുണ്ടായ കനത്ത മഴ സർവീസുകൾ തടസ്സപ്പെടുത്തിയെന്നും ബാഗുകൾക്കായി കാത്തിരിക്കുന്ന യാത്രക്കാരോട് ക്ഷമ ചോദിക്കുന്നതായും എയർലൈൻ എക്സിൽ കുറിച്ചു. ദുബായ് വിമാനത്താവളത്തിൽ എത്തിയ യാത്രക്കാരിൽ ഇതുവരെ ബാഗുകൾ വീണ്ടെടുക്കാൻ കഴിയാത്തവർക്ക് ഇപ്പോൾ അവ ശേഖരിക്കാമെന്നും എയർലൈൻ വ്യക്തമാക്കി.
മുഴുവൻ സർവീസും സാധാരണ നിലയിൽ ആയതായി അറിയിച്ചു. കടന്നു പോയത് ഏറ്റവും ബുദ്ധിമുട്ടേറിയ ആഴ്ചയിലൂടെയാണെന്നും വന്നുപോയ എല്ലാ ബുദ്ധിമുട്ടുകൾക്കും ക്ഷമ ചോദിക്കുന്നുവെന്നും പ്രസിഡൻറ് ടിം ക്ളാർക് യാത്രക്കാർക്കായി പുറത്തുവിട്ട തുറന്ന കത്തിൽ പരാമർശിച്ചു.
ദുബൈ വഴിയുള്ള കണക്ഷൻ വിമാന സർവീസുകളുടെ ചെക്ക് ഇൻ എമിറേറ്റ്സ് എയർലൈൻസ് കഴിഞ്ഞ ദിവസം നിർത്തിവെച്ചിരുന്നു. ഏപ്രിൽ 19 രാത്രി 12 മണി വരെയാണ് ചെക്ക്-ഇൻ നിർത്തിവെച്ചത്. അതേസമയം, എയർ ഇന്ത്യയും ദുബൈ സർവീസ് നിർത്തിവച്ചിരുന്നു. ക്യാൻസൽ ചെയ്ത ടിക്കറ്റുകൾക്ക് റീഫണ്ട് നൽകുമെന്നാണ് അറിയിപ്പ്. ഏപ്രിൽ 21 വരെ ബുക്ക് ചെയ്ത ടിക്കറ്റുകൾ മാറ്റി എടുക്കാൻ സാധിക്കും.
https://www.facebook.com/Malayalivartha