സിനിമാ നടന്‍ ദിലീപ് സിനിമാനടിയെ അപമാനിക്കാന്‍ ക്വട്ടേഷന്‍ കൊടുത്തതിനു പിന്നാലെ സംസ്ഥാനത്തെങ്ങും സാധാരണക്കാര്‍ ക്വട്ടേഷന്‍ നല്‍കുന്ന പ്രവണത വര്‍ധിച്ചു വരുന്നു.

ഏതാനും ആഴ്ചകള്‍ക്ക് മുമ്പാണ് കാര്‍ ഹോണടിച്ചതിന് ഒരു വക്കീല്‍ ക്വട്ടേഷന്‍ കൊടുത്തത്. കഴിഞ്ഞ ദിവസം ഒരു സ്ത്രീ മറ്റൊരാള്‍ക്കെതിരെ ക്വട്ടേഷന്‍ കൊടുത്തു. ജയിലില്‍ കിടന്ന് ക്വട്ടേഷന്‍ നല്‍കുന്ന പ്രവണതയും വര്‍ധിച്ചുവരുന്നു. ജയിലില്‍ കിടക്കുന്ന ഗുണ്ടാ നേതാക്കള്‍ അവിടെ കിടന്നാണ് നാട്ടിലുള്ള സംഘങ്ങളെ ക്വട്ടേഷന്‍ ഏല്‍പ്പിക്കുന്നത്. നിരവധി തടവുകാര്‍ ജയിലില്‍ തന്നെ ക്വട്ടേഷന്‍ സ്വീകരിക്കുന്നുണ്ടെന്ന് സംസ്ഥാന ഇന്റലിജന്‍സ് കണ്ടെത്തി കഴിഞ്ഞു. റിപ്പോര്‍ട്ട് സര്‍ക്കാരിനു കൈമാറിയിട്ടുണ്ട്.

നേരിട്ട് പക തീര്‍ക്കുന്നതിനു പകരം വളഞ്ഞ വഴിയാണ് പലരും സ്വീകരിക്കുന്നത്. പണം ആവോളമുള്ളതിനാല്‍ ക്വട്ടേഷന്‍ സംഘങ്ങള്‍ സംസ്ഥാനത്ത് തഴച്ചുവളരുന്നുണ്ട്. ഗുണ്ടകള്‍ പതിവില്ലാത്ത വിധം വളരുന്നു. യുവാക്കളെ ഗുണ്ടാസംഘങ്ങള്‍ റിക്രൂട്ട് ചെയ്യുന്നു. അവര്‍ വന്‍തോതില്‍ പണം കൈപ്പറ്റി ജോലികളില്‍ ഏര്‍പ്പെടുന്നു.

ഇതര സംസ്ഥാനക്കാരെ വരെ ഗുണ്ടാസംഘങ്ങള്‍ക്കു റിക്രൂട്ട് ചെയ്യുന്നു എന്നാണ് വിവരം. സംസ്ഥാനത്ത് നിര്‍മ്മാണ ജോലികള്‍ക്കെത്തുന്ന ഇത്തരക്കാര്‍ ചെറിയ തുക കൈപ്പറ്റിയാണ് ക്വട്ടേഷനില്‍ ഏര്‍പ്പെടുന്നത്.

എറണാകുളം നഗരത്തിലാണ് ക്വട്ടേഷന്‍ സംഘങ്ങള്‍ ഏറെയുള്ളത്. എറണാകുളത്ത് ഫ്‌ലാറ്റ് നിര്‍മ്മാണവും വന്‍ വ്യവസായ സംരംഭങ്ങളും ഏറെയുണ്ട്. ഇത്തരക്കാരാണ് ക്വട്ടേഷന്‍ കൊടുക്കുന്നത്. ബിസിനസ് വൈരാഗ്യങ്ങള്‍ ആരും പറഞ്ഞു തീര്‍ക്കാറില്ല. ക്വട്ടേഷന്‍ കൊടുക്കാറാണ് പതിവ്.

വന്‍കിടക്കാരില്‍ ഒതുങ്ങി നിന്ന ക്വട്ടേഷന്‍ സാധാരണക്കാരിലെത്തി എന്നതാണ് ദിലീപ് സംഭവത്തിന്റെ ഏക നേട്ടം. അയല്‍ക്കാര്‍ തമ്മിലുള്ള വഴക്കില്‍ പോലും ക്വട്ടേഷന്‍ ഉണ്ടെന്നാണ് കേള്‍ക്കുന്നത്. ക്വട്ടേഷന്‍ സാധാരണകാര്‍ക്കിടയിലെത്തിയതോടെ തഴച്ചുവളരുന്നത് ക്വട്ടേഷന്‍ക്കാര്‍ തന്നെ. പുതിയ ക്വട്ടേഷന്‍ സംഘങ്ങള്‍ വളര്‍ന്നു വരുന്നു.സിനിമാ നടന്‍ ദിലീപ് സിനിമാനടിയെ അപമാനിക്കാന്‍ ക്വട്ടേഷന്‍ കൊടുത്തതിനു പിന്നാലെ സംസ്ഥാനത്തെങ്ങും സാധാരണക്കാര്‍ ക്വട്ടേഷന്‍ നല്‍കുന്ന പ്രവണത വര്‍ധിച്ചു വരുന്നു.