ശയ്യ ഒരുക്കാന് സിംഗപ്പൂര് എയര്ലൈന്സ് മുടക്കിയത് 850 ദശലക്ഷം ഡോളര്!
ബോയിംഗ് 747-ല് ബങ്ക്ബെഡ് ശൈലിയില്, ശരീരം നിവര്ത്തികിടക്കാവുന്ന തികച്ചും പരന്ന ആകാശ കിടക്ക ആദ്യമായി തയ്യാറാക്കിയത്. 38 വര്ഷം മുമ്പ് ഫിലിപ്പൈന് എയര്ലൈന്സിന്റെ ഒന്നാം ക്ലാസിന്റെ അപ്പര് ഡെക്കിലായിരുന്നു. എന്നാല് ആ ആഡംബരത്തിന് ദീര്ഘനാള് നിലനില്പ്പുണ്ടായില്ല. ഓരോ എയര്ലൈനുകളും കൂടുതല് യാത്രക്കാരെ ഉള്ക്കൊള്ളിക്കുന്നതിനായി കൂടുതല് കൂടുതല് സ്ഥലം വിമാനത്തിനുള്ളില് കണ്ടെത്താന് ശ്രമിച്ചപ്പോള് മേല്പ്പറഞ്ഞ സൗകര്യത്തെ അവഗണിച്ചു.
എന്നാല് ഇപ്പോള് ട്രെന്ഡ് മാറി. യാത്രയ്ക്കിടെ ഏറ്റവും കൂടുതല് സൗകര്യങ്ങള് ഒരുക്കുന്നത് തങ്ങളാണെന്ന് അവകാശപ്പെടാനാണ് ഓരോ എയര്ലൈനും ശ്രമിക്കുന്നത്. യാത്രക്കാരുടെ സ്വകാര്യതകള്ക്ക് ഭംഗം വരാതെ സുഖകരമായ യാത്രയോടൊപ്പം സൗകര്യപ്രദമായ വിശ്രമാവസരങ്ങളും ഒരുക്കാനാണ് ഇപ്പോള് എയര്ലൈനുകളുടെ ശ്രമം.
അക്കാര്യത്തില് സിംഗപ്പൂര് എയര്ലൈന്സ് ഒരു വിപ്ലവകരമായ മാറ്റത്തിന് തുടക്കമിട്ടിരിക്കയാണ്. സിംഗപ്പൂര് എയര്ലൈന്സിന്റെ വിമാനങ്ങളിലെ ബിസിനസ് ക്ലാസ് ഇരിപ്പിടങ്ങളെ ഹോട്ടല് മുറികളുടേതിനു സമാനമായി ഒരുക്കിയെടുക്കുന്നതിന് 850 ദശലക്ഷം ഡോളറാണ് അടുത്തിടെ മുടക്കിയത്. ഇപ്പോള് പ്രസ്തുത എയര്ലൈന്സിലെ ബിസിനസ് ക്ലാസിലെ സീറ്റുകള് ഡബിള് ബെഡ് പോലെ മാറ്റി ഉപയോഗിക്കാനാവും. ചുരുക്കത്തില് ഇനി ഒരു നക്ഷത്ര ഹോട്ടലിലെ സ്വീറ്റ് റൂമുകള് പോലെ അനുഭവപ്പെടും സിംഗപ്പൂര് എയര്ലൈനിന്റെ ബിസിനസ് ക്ലാസ്!
ഇത് കേട്ടപ്പോള് പഴയ ചില കാര്യങ്ങള് ഓര്മ്മ വരുന്നുണ്ടെങ്കില് നിങ്ങള്ക്കു തെറ്റിയിട്ടില്ല. സിംഗപ്പൂര് എയര്ലൈന്സ്, എയര്ബസ് എ-380 വാണിജ്യാടിസ്ഥാനത്തില് സര്വ്വീസ് നടത്തി തുടങ്ങിയ 2007 മുതല് തന്നെ ഡബിള് ബെഡുകളുടെ സൗകര്യം യാത്രക്കാര്ക്കു നല്കുന്നുണ്ടായിരുന്നു.
യാത്രാ ആഡംബരങ്ങളിലെ ഏറ്റവും സമുന്നതമായ സൗകര്യങ്ങള് എന്ന് ഇപ്പോഴും വിലയിരുത്തപ്പെടുന്ന പ്രസ്തുത കിടക്കകള് അതേപടി നിലനിര്ത്തിക്കൊണ്ടാണ് പുതിയ മാറ്റങ്ങള് കൊണ്ടു വരുന്നതെന്ന് സിംഗപ്പൂരില് ഇവ പരസ്യപ്പെടുത്തുന്ന ചടങ്ങില് വച്ച് ചീഫ് എക്സിക്യൂട്ടീവ് ഗോ ചൂണ് ഫോങ് പറഞ്ഞു. ഇപ്പോള് ആ കിടക്കകള് കൂടുതല് മൃദുലവും സൗകര്യപ്രദവുമാക്കിയിട്ടുണ്ടെന്നാണ് അദ്ദേഹത്തിന്റെ അഭിപ്രായം.
എയര്ബസ് എ-380 ന്റെ അപ്പര്ഡെക്കിന്റെ മുന്ഭാഗത്തായിട്ടാണ് ഇപ്പോള് ആറ് സ്വീറ്റുകള് ഉള്ളത്. അരയാള് പൊക്കമുള്ള കതകുകളുള്ള ഇവ ഓരോന്നും നിരക്കി നീക്കി അടയ്ക്കുമ്പോള് സ്വകാര്യതയുള്ള ഐലുകളായി മാറും. ഓരോ ഐലിനുള്ളിലും 76 ഇഞ്ച് നീളമുള്ള ബെഡ് ആണുള്ളത്. ഇവയെ ബെഡ് ആയും ഭക്ഷണമേശയായും ക്രമീകരിക്കാന് കഴിയുന്നതരത്തിലുള്ളതാണ്. പോരാത്തതിന് ഹൈ സ്പീഡ് ഇന്മര്സാറ്റ് ഗ്ലോബല് എക്സ്പ്രസ് സാറ്റലൈറ്റ് വൈ ഫൈ സൗകര്യവുമുണ്ട്.
32 ഇഞ്ച് എച്ച്ഡി ടിവി, അമിനിറ്റി കിറ്റ്, ബാഗും മറ്റും വയ്ക്കാനുള്ള തുകല് കൊണ്ടുള്ള സ്റ്റോറേജ് ഏരിയ, ടച്ച് സ്ക്രീന് കണ്ട്രോള് ടാബ് എ ന്നിവയും ഐലിനുള്ളില് യാത്രക്കാരുടെ ആവശ്യങ്ങള്ക്ക് ലഭ്യമാണത്രേ.
ഇനിയിപ്പോള് സിംഗപ്പൂര് എയര്ലൈനിന്റെ ബിസിനസ് ക്ലാസിലൊന്ന് യാത്ര ചെയ്തിട്ടു തന്നെ കാര്യമെന്നു തോന്നുന്നുണ്ടോ? ആ തോന്നല് ഉണ്ടാക്കുകയാണ് എയര്ലൈനിന്റെ ലക്ഷ്യവും!
https://www.facebook.com/Malayalivartha