മുത്തങ്ങയിലേക്കൊരു യാത്ര പോകാം
വയനാട്ടിലെ വിസ്മയകാഴ്ചയില് ഒന്നാം നിരയിലാണ് മുത്തങ്ങ. വന്യജീവികള് സ്വസ്ഥമായി വിഹരിക്കുന്ന സ്ഥലമാണ് ഇവിടം. കാടിന്റെയും കാട്ടരുവികളുടെയും പ്രകൃതിയുടേയും സൗന്ദര്യമാണ് വിനോദസഞ്ചാരികളെ ഇവിടേയ്ക്ക് ആകര്ഷിക്കുന്നത്. പ്രകൃതിയെ അടുത്തറിയാനാഗ്രഹിക്കുന്നവര്ക്ക് അതിമനോഹരമായ കാഴ്ചകളാണ് മുത്തങ്ങ നല്കുന്നത്. മുതുമല, ബന്ദിപ്പൂര് എന്നീ വന്യജീവിസങ്കേതങ്ങളോട് ചേര്ന്നാണ് മുത്തങ്ങ വനം. വന്യജീവികളുടെ സുരക്ഷിത മേഖലയായിട്ടാണ് മുത്തങ്ങയെ കണക്കാക്കുന്നത്. ബന്ദിപ്പൂര് കടുവസങ്കേതങ്ങള് മുത്തങ്ങയോട് ചേര്ന്ന് കിടക്കുന്നു. മാന്, കാട്ടുപോത്ത് തുടങ്ങിയ മറ്റു ചെറുതരം ജീവികളും ഇവിടെയുണ്ട്.
സുല്ത്താന് ബത്തേരിയില് നി്ന്ന് മൈസൂറിലേക്കുളള റോഡിലാണ് മുത്തങ്ങ. കര്ണാടകയും തമിഴ്നാടും കേരളവും ചേരുന്ന ഇ സ്ഥലത്തിനെ ട്രയാങ്കിള് പോയിന്റ് എന്നാണ് വിളിക്കുന്നത്. വന്യജീവികളെ മാത്രമല്ല പലതരത്തിലുളള ധാരാളം പക്ഷികളേയും ഇവിടെ കാണാം. കാട്ടില് മലകയറ്റത്തിന് പോകുന്നതിനുളള സൗകര്യം ഇവിടെയുണ്ട്. കൂടാതെ വിനോദസഞ്ചാരികള്ക്ക് താമസസൗകര്യമൊരുക്കി ഏറുമാടങ്ങളും ഉണ്ട്. വെളളച്ചാട്ടങ്ങള്, വന്യജീവി സങ്കേതങ്ങള്, സാഹസിക വിനോദസഞ്ചാര കേന്ദ്രങ്ങള് ഇതെല്ലം വയനാടിന്റെ മാത്രം പ്രത്യേകതയാണ്. സെപ്റ്റംബര് മുതല് ഏപ്രില് വരെയാണ് ടുറിസം സീസണ്.
https://www.facebook.com/Malayalivartha