തെന്നിന്ത്യൻ സിനിമാ താരം ഹാൻസിക മോ​ട്ട്​​വാ​നിയുടെ അൻപതാമത് ചിത്രമായ 'മഹ' വിവാദങ്ങളിലേയ്ക്ക്. നവാഗതനായ യു.ആർ. ജമീൽ സംവിധാനം ചെയ്യുന്ന ആക്ഷൻ ത്രില്ലർ സിനിമയ്ക്ക് സമൂഹ മാധ്യമങ്ങളിൽ മികച്ച പിന്തുണ കിട്ടിയിരുന്നു. എന്നാൽ 'മഹ' സിനിമയുടെ പോസ്റ്റർ കഴിഞ്ഞ ആഴ്ച പുറത്തിറക്കിയതോടെയാണ് നടിയും സംവിധായകനും വെട്ടിലായത്.

കാ​വി ധ​രി​ച്ച്​ സ​ന്യാ​സി​ക​ളു​ടെ ഇ​ട​യി​ൽ രാ​ജ​സിം​ഹാ​സ​ന​ത്തി​ലി​രു​ന്ന്​ ഹു​ക്ക വ​ലി​ക്കു​ന്ന​താ​യ ഹാ​ൻ​സി​ക​യു​ടെ ചി​ത്ര​മാ​ണ്​ പോ​സ്​​റ്റ​റി​ൽ ഉണ്ടായിരുന്നത്. എന്നാൽ ഈ ചിത്രത്തിനെതിരെ പാ​ട്ടാ​ളി മ​ക്ക​ൾ ക​ക്ഷി​യി​ലെ ജാ​ന​കി​രാ​മ​ൻ പരാതി നൽകുകയായിരുന്നു. സി​നി​മ​യി​ലെ പു​ക​വ​ലി, മ​ദ്യ​പാ​ന രം​ഗ​ങ്ങ​ൾ​ക്കെ​തി​രെ പ്ര​തി​ഷേ​ധി​ക്കു​ന്ന പാ​ർ​ട്ടി​യാ​ണ്​ പാ​ട്ടാ​ളി​മ​ക്ക​ൾ ക​ക്ഷി.

ഹിന്ദി സീരിയലുകളിൽ ബാലതാരമായി തിളങ്ങിയ ഹാൻസിക പിന്നീട് തമിഴ് സിനിമാ രംഗത്ത് രംഗപ്രവേശനം ചെയ്യുകയായിരുന്നു. നിലവിൽ 25 ഓളം തമിഴ് സിനിമകളും 14 തെലുങ്ക് സിനിമകളും ഹാൻസിക പൂർത്തിയാക്കിയിട്ടുണ്ട്.