മലയാളികളുടെ നടി മഞ്ജു വാര്യരുടെ പുതിയ വീഡിയോയാണ് ഇപ്പോള്‍ സോഷ്യല്‍ മീഡിയയില്‍ ചര്‍ച്ചയാകുന്നത്. നടിയുടെ കഴുത്തിലെ പാച്ചാണ് അതിന് കാരണം.താരത്തിന് എന്തുപറ്റിയെന്നാണ് ആരാധകര്‍ ചോദിക്കുന്നത്. ഭാവന നായികയായ 'അനോമി' എന്ന സിനിമ കാണാന്‍ കഴിഞ്ഞദിവസം മഞ്ജു എത്തിയിരുന്നു. ഈ സമയത്ത് താരത്തിന്റെ കഴുത്തില്‍ ഒട്ടിച്ചിരുന്ന മഞ്ഞ നിറത്തിലുള്ള പാച്ച് കണ്ടതോടെ താരം എന്തെങ്കിലും ശസ്ത്രക്രിയയ്ക്ക് വിധേയയായതാണോ എന്ന രീതിയിലുള്ള പ്രചാരണങ്ങള്‍ സോഷ്യല്‍ മീഡിയയില്‍ വന്നിരുന്നു. ഇത് ആരാധകരെ ആശങ്കയില്‍ ആഴ്ത്തി.

എന്നാല്‍ ഇത് മോഷന്‍ സിക്ക്‌നെസ് പാച്ച് ആണെന്നാണ് ചിലര്‍ പറയുന്നത്. യാത്രയ്ക്കിടയില്‍ ഉണ്ടാകുന്ന തലക്കറക്കം, ഛര്‍ദ്ദി, അസ്വസ്ഥത എന്നിവ ഒഴിവാക്കാനാണ് സാധാരണയായി ഈ പാച്ചുകള്‍ ഉപയോഗിക്കുന്നത്. ചെവിയുടെ പുറകിലോ കഴുത്തിലോ ഇവ ഒട്ടിക്കാറുണ്ട്. ഇതില്‍ അടങ്ങിയിരിക്കുന്ന മരുന്ന് ചര്‍മ്മത്തിലൂടെ സാവധാനം ശരീരത്തിലേക്ക് ഇറങ്ങി ചെല്ലുന്നു. വിമാനം, ബസ്, കപ്പല്‍ യാത്രകള്‍ക്ക് മുന്‍പാണ് ഇത് ഉപയോഗിക്കുന്നത്. വെള്ള നിറത്തിലെ പ്രിന്റഡ് ടി ഷര്‍ട്ടും പാന്റ്‌സും ധരിച്ച് സ്‌റ്റൈലിഷ് ലുക്കിലാണ് മഞ്ജു തിയേറ്ററില്‍ എത്തിയത്.