മലയാളത്തിലേയും, ഹിന്ദിയിലേയും തമിഴിലേയും ഒരു ജനപ്രിയ ചലച്ചിത്രസം‌വിധായകനാണ് പ്രിയദർശൻ. മലയാളത്തിലെ ഒരു കാലത്ത് നമ്പര്‍ വണ്‍ നായികയായിരുന്നു ലിസിയെ ആണ് പ്രിയര്‍ശന്‍ പ്രണയിച്ച് വിവാഹം ചെയ്തത്.

എന്നാല്‍ ഇവര്‍ പിരിഞ്ഞു. കല്യാണി ഇപ്പോള്‍ സിനിമകളില്‍ തിളങ്ങുകയാണ്. പിരിഞ്ഞെങ്കിലും മകളുടെ കാര്യത്തില്‍ ഒറ്റ മനസോടെ രംഗത്തെത്തിയിരിക്കുകയാണ് ഇപ്പോള്‍ പ്രിയനും ലിസിയും.

വ്യക്തി ജീവിതത്തിൽ പ്രിയദർശൻ കുറച്ചു കാലം മുൻപ് ഒരുപാട് പ്രശ്നങ്ങൾ അനുഭവിച്ചിരുന്നു. 2014 ൽ ആയിരുന്നു ലിസിയുമായി പ്രിയദർശൻ വേര്പിരിയുന്നത്. 1990 ലാണ് ഇരുവരും വിവാഹിതരായത്.

വിവാഹ മോചനത്തിന് ശേഷം വളരെ മോശം കാലഘട്ടത്തിലൂടെ ആണ് പ്രിയദർശൻ കടന്നു പോയത്. മാനസികമായി അദ്ദേഹം തകർന്ന സമയമായിരുന്നു അത്.

ഒടുവിൽ മോഹൻലാലിന്റെ നിർബന്ധത്തിനു വഴങ്ങിയാണ് ആ സമയത്ത് അദ്ദേഹം ഒപ്പം ചെയുന്നത്. കുടുംബബന്ധങ്ങളിലെ താളപിഴകള്‍ ഒരു വ്യക്തിയുടെ ക്രിയേറ്റീവിറ്റിയെ ബാധിക്കുമെന്നും തനിക്ക് പിന്തുണയായി നിന്നത് ഭാര്യ ലിസി ആയിരുന്നു എന്നുമാണ് പ്രിയദർശൻ പറയുന്നത്.

പ്രിയദർശന്റെ വാക്കുകൾ ഇങ്ങനെയായിരുന്നു...

എന്നും ഞാന്‍ സിനിമ ചെയ്യുമ്പോള്‍ ആ സിനിമയുടെ വിജയത്തിന്റെ പ്രധാന കാരണം എന്റെ ഭാര്യ തന്നെയായിരുന്നു. കാരണം നമ്മുടെ ജോലി എന്ന് പറയുന്നത് അവധിയില്ല, സമയത്തിന് നിശ്ചയമില്ല, ആഹാരം കഴിക്കുന്നതിനു നേരമില്ല, എന്നതാണ് അവസ്ഥ.

യഥാര്‍ഥത്തില്‍ സംവിധായകന്‍ എന്നാല്‍ ക്യാപ്റ്റന്‍ ഓഫ് ഷിപ്പ് ആണ്. ഒരുപാട് പ്രതിസന്ധികള്‍ക്കുള്ളില്‍ നില്‍ക്കുന്ന ജോലിയാണത്. ഞാന്‍ ശ്രദ്ധിച്ചിട്ടുണ്ട്. എല്ലാ വലിയ സംവിധായകരുടെയും കരിയര്‍ താഴെ പോയിട്ടുണ്ടെങ്കില്‍ മേജര്‍ റീസണ്‍ അവരുടെ കുടുംബമാണ്.

അടിസ്ഥാനപരമായി വീടിന്റെ അടിത്തറ തെറ്റിയാല്‍ ഒരു ക്രിയേറ്റീവ് പേഴ്‌സണും നേരെ ചൊവ്വേ നില്‍ക്കാന്‍ കഴിയില്ല. അതിന് ഒരുപാട് ഉദാഹരണങ്ങള്‍ ഉണ്ട്, അവരുടെ ഒന്നും പേര് പറയാന്‍ കഴിയാത്തത് കൊണ്ട് പറയാത്തതാണ്.

കാരണം എന്നെക്കാള്‍ വലിയ ആളുകളാണ് അവര്‍. അവരുടെയൊക്കെ തകര്‍ച്ചയുടെ പ്രധാന കാരണം വീട് തന്നെയാണ്.