ലോക്ക്ഡൗണ്‍ നിലവില്‍ വന്നതോടെ മിക്ക താരങ്ങളും തങ്ങളുടെ വിശേഷങ്ങള്‍ സോഷ്യല്‍ മീഡിയയില്‍ പങ്കുവയ്ക്കാറുണ്ട്. ഇപ്പോള്‍ വൈറലാകുന്നത് ഗിന്നസ് പക്രു മുന്നോട്ട് വെച്ച ഒരു ചലഞ്ചാണ്. 'ഇത് ഇങ്ങനെ പൊക്കാന്‍ പറ്റുമോ? അബൂക്കയെ ചലഞ്ച് ചെയ്താലോ?' എന്ന കാപ്ഷനൊപ്പം പക്രു പങ്കുവച്ച് ചിത്രം വൈറലാവുകയാണ്. ഗ്യാസ് സിലിണ്ടര്‍ ഒരു വിരലില്‍ പൊക്കുന്ന ചിത്രമാണ് പക്രു പങ്കുവെച്ചിരിക്കുന്നത്.

'എന്റെ ചലഞ്ച് അബൂക്ക ഏറ്റെടുത്തു! പൊക്കിയത് എന്നെയാ' എന്ന ക്യാപഷനോടെ മറ്റൊരു ചിത്രവും പങ്കു പങ്കുവച്ചിരുന്നു. എന്നാല്‍ റിയല്‍ സിലിണ്ടര്‍ ചലഞ്ച് ഏറ്റെടുത്തിരിക്കുകയാണ് ടൊവിനോ. താരം സിലിണ്ടര്‍ പൊക്കിയ ചിത്രങ്ങളാണ് പക്രു പങ്കിട്ടിരിക്കുന്നത്.
'വിളിച്ചത് അബൂക്കയെ. ചലഞ്ചേറ്റടുത്തത് നമ്മുടെ സ്വന്തം ടൊവി. തോല്‍വികള്‍ ഏറ്റെടുക്കാന്‍ ജിപിയുടെ ജീവിതം ബാക്കി' എന്നാണ് ചിത്രത്തിനൊപ്പം പക്രു കുറിച്ചിരിക്കുന്നത്.