മലയാള സിനിമകളില്‍ നിരവധി ശ്രദ്ധേയമായ വേഷങ്ങള്‍ അവതരിപ്പിച്ച താരമാണ് പൂര്‍ണിമ. എന്നാല്‍ വിവാഹത്തോടെ അഭിനയരംഗത്ത് നിന്നും താത്കാലികമായി പിന്‍മാറിയിരുന്നു. ഇപ്പോള്‍ വീണ്ടും വെള്ളിത്തിരയിലേക്ക് മടങ്ങി വന്നിരിക്കുകയാണ്. സിനിമയില്‍ നിന്നും വിട്ടു നിന്നപ്പോഴും പൂര്‍ണിമ വെറുതെ വീട്ടില്‍ ഒതുങ്ങിക്കൂടിയിരുന്നില്ല. മക്കളുടെയും കാര്യങ്ങള്‍ എല്ലാം നോക്കി കഴിയുമ്‌ബോഴും പൂര്‍ണിമയുടെ പ്രാണ എന്ന പേരിലുള്ള സ്ഥാപനം ശ്രദ്ധ നേടുകയും ചെയ്തു. ഇന്ദ്രനും പൂര്‍ണിമയും ആദ്യമായി കാണുന്നത് പെയ്‌തൊഴിയാതെ എന്ന ചിത്രത്തിന്റെ സെറ്റില്‍ വെച്ചാണ് . ആ പ്രണയദിനങ്ങളെ കുറിച്ച് ഇപ്പോള്‍ പൂര്‍ണിമ തുറന്ന് പറയുകയാണ്.

ഈ കഥ അമ്മയുടെ കാഴ്ചപ്പാടില്‍ കേള്‍ക്കണം. വലിയ കോമഡിയാണ്. പെയ്‌തൊഴിയാതെ എന്ന സീരിയലിന്റെ ലൊക്കേഷനിലാണ് സംഭവം. ഇന്ദ്രന്റെ അമ്മയുടെ ഒപ്പം ഞാന്‍ ആദ്യം അഭിനയിക്കുന്നത് ആ സീരിയലിലാണ്. ഒരു ദിവസം ഷൂട്ടിംഗ് കഴിഞ്ഞ് സ്‌റ്റെയര്‍ ഇറങ്ങി വരുമ്‌ബോള്‍ ഒരു പയ്യന്‍ അവിടെ നില്‍ക്കുന്നു. അയാള്‍ എന്നെ നോക്കുന്നുണ്ടായിരുന്നു. എനിക്ക് പെട്ടന്ന് തന്നെ മനസ്സിലായി അത് മല്ലിക സുകുമാരന്റെ മകനാണെന്ന്. അമ്മ എനിക്ക് ഇന്ദ്രനെ പരിചയപ്പെടുത്തി തന്നു.
അന്ന് ഞങ്ങള്‍ അധികം സംസാരിച്ചില്ല. പക്ഷേ അതിനുശേഷം പിന്നെ ഒരുപാട് സംസാരിക്കാന്‍ തുടങ്ങി. ഇപ്പോഴും ആ നിമിഷങ്ങള്‍ എന്റെ മനസ്സിലുണ്ട്. ആ സ്‌റൈയറില്‍ വെച്ച് കണ്ട പയ്യനെ ഞാന്‍ ഇപ്പോഴും ഓര്‍ക്കുന്നുണ്ട്. അത് ഞങ്ങളുടെ ബന്ധത്തിന്റെ തുടക്കമായിരുന്നോ എന്നൊന്നും എനിക്ക് അറിയില്ല. പൂര്‍ണിമ പറഞ്ഞു.