സിനിമാ മേഖലയില്‍ ഇപ്പോള്‍ വലിയ തോതില്‍ ചര്‍ച്ചയായിക്കൊണ്ടിരിക്കുന്ന വിഷയമാണ് നെപ്പോട്ടിസം. ബോളിവുഡ് താരം സുശാന്തിന്റെ മരണത്തിന് ശേഷമാണ് ഇത്തരത്തിലൊരു ചര്‍ച്ച സിനിമ മേഖലയില്‍ നിന്നും ഉയര്‍ന്നു വന്നത്.

താരങ്ങളുടെ മക്കള്‍ക്ക് സിനിമയിൽ ലഭിക്കുന്ന പ്രത്യേക ആനുകൂല്യങ്ങള്‍ക്കെതിരെയും വ്യാപകമായ വിമര്‍ശനങ്ങള്‍ ഉയരുന്നുണ്ട്. ഇതിനിടെ തനിക്കെതിരെ ഉയര്‍ന്നു വരുന്ന ആരോപണങ്ങളോട് പ്രതികരിക്കുകയാണ് നടി അഹാന.

അഹാനയുടെ ഫോട്ടോ ചേര്‍ത്ത് ഇപ്പോള്‍ ഒരു മീം പ്രരിക്കുകയാണ്. മീം പങ്കുവച്ചാണ് നടി ഇതേക്കുറിച്ച് പ്രതികരിച്ചിരിക്കുന്നത്. ബോളിവുഡിലെ നെപ്പോട്ടിസത്തെക്കുറിച്ച് യൂട്യൂബില്‍ വിഡിയോ ചെയ്യാന്‍ താന്‍ ആലോചിക്കുന്നുണ്ട്.

പക്ഷെ സ്വയം എങ്ങനെ സിനിമയിലെത്തി എന്ന് തിരിച്ചറിഞ്ഞപ്പോള്‍ എന്നാണ് മീമിലെ ഉള്ളടക്കം. വളരെ രസകരമായ ഒന്നാണ് ഈ മീം എന്നാണ് നടി അഭിപ്രായപ്പെട്ടത്.

പക്ഷെ ഇതിനായി കുറച്ചുകൂടെ മികച്ച ഒരു കാന്‍ഡിഡേറ്റിനെ തിരഞ്ഞെടുക്കാമായിരുന്നുവെന്നും ആദ്യ സിനിമ കഴിഞ്ഞ് അഭിനേത്രി എന്ന നിലയില്‍ ശ്രദ്ധിക്കപ്പെടാന്‍ അഞ്ച് വര്‍ഷം വേണ്ടിവന്ന ഒരാളല്ല ഇതിന് യോജിച്ചത്”എന്നുമായിരുന്നു അഹാന പങ്കുവച്ചത്.

മാത്രമല്ല ഒന്നു കൂടി അഹാന പങ്കുവെച്ചു. താരപുത്രി എന്ന പരിഗണന തനിക്ക് ലഭിച്ചിരുന്നുവെങ്കില്‍ കഴിഞ്ഞ അഞ്ച് വര്‍ഷത്തിനിടെ താന്‍ പത്ത് സിനിമകളില്‍ അഭിനയിക്കുകയും ഒരു അവാര്‍ഡെങ്കിലും വാങ്ങുമായിരുന്നുവെന്നും അഹാന.

അതുകൊണ്ട് ഇത്തരം ഗ്യാങ്ങിലേക്ക് തന്നെ വലിച്ചിടരുതെന്നുമാണ് നടിയുടെ അഭ്യര്‍ത്ഥന.